فصلية الصقر العاشق

14🔞🔞🔞

فرح.....من حجة صكر عن جميلة وامهة ضليت صافنة اني الأذن ما اجة ابالي ااذيهن هيج شنو من حقد شايلات بكلبهن علية ما ادري
ما فكرت بشي اتجاه غير مسلمتهن بيد الله
لأن الله هوة يأخذ حقي منهن
رب العالمين ميعوف أحد باطل وأمأذي ناس ما الهة ذنب بلا عقاب
هاي الفترة تحسنت والزراك راح من جسمي بقى شي قليل كلش طبعا بفضل الدوهنات والكريمات اللي راح بسرعة واليوم رحت للدكتورة كالت ا انو ما بية شي بس لازم ماكو ممارسة بينة اني وصكر هاي الفترة
طبعا الودانة هوة صكر فمن طلعنة من الدكتورة سأل 
صكر.....هاا يمة بشري شكالت الدكتورة شلونهة فرح
الأم.....علة كيفك يمة شبيك كلشي مابيهة بس كالت شي 15 او20 يوم لازم متتقربلهة علما تتحسن زين
صكر وهوة يعاين علة فرح.....اساسا ما مقترب مفروض علية عقوبات وحصار😂
فرح.....😲😐😐 يا الله ولا يخجل هذة ....بداخلهة.....
الأم.....إنشاء الله تلغي العقوبات ويرفع الحصار😂
فرح.....😱😱😲
صكر.....آمين بس اكو أحد هنا خجلان
فرح.....مامة خلي نمشي يلة
الأم....أي يمة خلي نمشي خدودج انكلبت طماطة من الحر
صكر.....أي مال عض .....بهمس لفرح....
فرح....😡😡
صكر.....خلي نرجع للبيت واراويج شلون اعضهة
فرح.....تحلم اخليك تتقربلي. ....بصوت ناصي.....
صكر.....اوووف فديت العصبي😍
صكر.....صعدت ورة وأمي بالصدر سقت السيارة واشوفهة تعاين علة الأسواق والمحلات فكرت اطلعهة بس اكيد مراح تقبل وحدنة
وصلت يم أسواق نزلت وهية وأمي بقن بالسيارة دا امشي وجان توكف وحدة أسلم عاينتلهة طلعت بت عمتي هاي هم وحدة لزكة بس ما انطيهة مجال ومتوصل بيهة لسوالف جميلة
شفت فرح انتبهت اتعمدت اوكف وأسلم عليهة ضلت تسأل وشلونك واحوالك واعاين فرح تعاينلي وتخزر وتفرك بأديهة
هههه فديت رويحتي غيرانة من هاي الزركة😂 متدري بنسوان الدنية ما ابدلهة المهم راحت هاي وطبيت للأسواق اشتريت أشكال ألوان للكل حتة اخواني وخاصتا فرح اعرفهة تخرب علة هاي السوالف
دفعت الحساب وطلعت للسيارة فتحت الباب الورى وخليت الغراض بصف فرح ليورة وجانت هية دايرة وجهة للجهة اللخ
صعدت ابمكاني وسقت السيارة
وحجت امي
الأم....يمة فرح مكافي جفة علة رجلج يمة كافي تراه يحبج والله وسوى هيج بلحظة عصبية يمة ما يدري بروحة
فرح بصوت ناصي.....أي مبين من كلامة ووكفتة وية هاي الجلحة
صكر.....حجت بصوت ناصي بس سمعتهة 😂😂 خرب جلحة
بس والله صدك حجيهة عاينتلهة بالمراية شفتهة عاكدة حواجبهة وكلسا تنفخ خدودهة ذني التفاحات مال العض
وصلنة للبيت ونزلت هية
فرح.....وكف السيارة وراح للأسواق وجان اشوفة واكف وية وحدة ويضحك ويحجي مبين يعرفهة اني مدري شبية أحس الغيرة اكلتني دمي كام يفور منو هاي وليش هيج تتمضحك ويا شوية وعافتة وراحت وهوة طب للأسواق أخذ كومة شغلات واجة حطهن ورة اكو مجال هواية لأن بس اني كاعدة خلاهن ورجع يسوق ومن حجت مامة رأسا اجة ابالي منظرة وهوة يحجي وية هاي الزركة وصلنة للبيت ونزلت طبيت جوة صعدت للغرفة طبعا بعدني انام بغرفة ريم اذن المغرب صليت ونزلت وكلت ملاك وبدلتلهة تكرمون الحفاظة وانطيتهة لعمي ورحت للمطبخ اساعدهم بالعشة سوينة كبة وبتيته وزلاطة وكباب
اتعشينة وكملنة وطبعا صكر كلسا ذاب حجاية وإني أغلس لحد مكملنة العشة وراهة كعدنة بالصالة ورة مغسلنة الماعين عمي ومامة يباع الأخبار وإني وريم ساعة نيوف وساعة مكلبة بالتلفون والولد يطلبون بالتلفونات مالتهم وصكر يلعب ملاك بحضنة هناك نسر حجة
نسر.....بوية راح اطلع فلم بالتلفون واعرضة علة الشاشة 
الأب. .....إذا فلمك بي خير اعرضة😅
 نسر.....هوة فلم اكشن ومطاردة وحركات
الأب والولد.....أي ديلة خل نشوف😞
فرح.....عرض الفلم عل الشاشة وكعدنة نباوع وأكل نساتل وهاي السوالف الجابهة صكر العصر ويا  فكام صكر من مكانة فجأة واجة كعد يمي بحجة ميشوف الشاشة زين من جهتة فأني جسمي ما اعرف شبي تشنج وأحس متوترة كلسا اتحرك