#رحل_همي_حين عرفتك
،،،،بقلم زهراء امجد،،،،،،،
الحلقة _ 15_
لاتنسون التصويت ومتابعه للحساب الواتباد ♥️
ملا انور :- الحجي هواي لازم كلكم تعرفونه
الي صار وي بنتكم مو قليل.....
صح احنا اتعدينا مرحلة الخطر هسة
بس بعد علاج ازل يستمر أربعين يوم
وبعدها نحكم هي تشافت تمامًا
هواي هواجس وخوف راح يلاحكها....
نفسيتها اهم عامل ممنوع منعا باتا تبجي على اي شي اريدكم تحيطونها بنفس الحب والاهتمام
الي شفتة بوجوهكم قبل قليل.....
وهسة لازم ازل تحجيلنا كلشي صار وياها
بدون ما تضم اي شي أريدها تكون صريحة لازم اهلها يعرفون كلشي
بعد الي صار
انتم الكم حق عليها تحجي الحقيقة كلها...
بس قبل كلامها فضولكم
كاتلكم حتى تعرفون شنو إلي صار بيها وليش وصلت لهل الحالة
وهذا واجبي اني اشرحة.....
أولا ازل انحكمت من قبل خمس من عشيرة الجن
والجن ما اجاها عن عبث لا
البنية مستخدمينها بعمل كشف وتنويم مغناطيسي
لكن بعد عملية الكشف الي دخل بيها الخدام
ما تمت بشكل صحيح
الطفلة ضعيفة ورقيقة ما تتحمل الطاقة الروحانية للاستدعاء الجن
اتفتحت كل ابواب جسمها الروحانية....
تلبس لا ماكو شي اسمه يتلبسها
مس الأصح مس لأن الجن طبيعة خلقا من نار
والإنسان من تراب
ميجتمعون بجسد واحد
الاستحواذ كلة تم لعقلها.....
ثانيا البنية متعرضة لسحر اسود يعني السبب
ماجان واحد ولا اثنين
سحر الأسود....
ماكدر احجي الشخص الي عملة إلها بسوء نية
اكتفي بكلامي واكللكم
ملابسها كلها تحركونها ما تنطونهن لأحد ولا تذبونهن لا تحركونهن
كذلك فراشها وغرفتها كلهن تبدلونهن...
تعرض البنية لبزون اسود وقت مغرب كذلك
ساعدها توصل لهل الحالة
كذلك الحزن والنفسية
البكاء وحدها كل ليلة فعلا كل هالشي إلها
لكن اني مستغرب البنية شلوووون عاشت كل
هالفترة.....
ترى الإنسان شخص واحد من الجن قادر انو يموتة
البنية عدها طاقة تحمل عجيبة وقوة إيمان وصبر خلها تحمل كل هالشي خلال ست سنوات
وتحملت خمس خوادم من الجن اليهودي لمدة
ست سنوات شي عجيب بعالم الروحانية
شنو عادتها جانت تسوي.....
ازل :- سورة الرحمن
وحرز ستين اية كل يوم
ملا انور :- ابتسمت
منو علمج هالعادة ومن شوكت مستمرة عليها
وليش تركتيها....
ازل :- سورة الرحمن احب سورة من القرآن على قلبي
أما حرز الستين اية بابا علمني اياه....
ما تركتها ابد لكن....
بعد وفاة بيبي صرت اختنكت كلش من القرآن
لدرجة ماكدر حتى المسة
وإذا جبرت نفسي وحاولت جنت ماكدر أقرأ
وارتل قرآن....
أنت تقرأ
رحل همي حين عرفتك
Romanceقصه حقيقيه..... اتعبت قلبي.... وياقلب بك ابتلى.... رضيت بنصيبي.... ولم يرضى النصيب بي... تعذبت تألمت والاهم من كل شيء صبرت فبعد الصبر بشرني ربي بك..... انت لي وانا لك انت ملكي وكل انش املكه لك..... اعشقك يامن خلقني الله من اضلعك.....
