سهيلة: ي بنات اسكتو براي عندي صداع💔
ليليان: عايني ليها عايزة تضربني
وتين: خليتك هسي لكن استني علي😒
سهيلة: امشي اعملي الشاي ي وتين
وتين: حاضر ي امي
عملتا الشاي ومشيت قعدتا جمب امي واتونستا معاها لحدي العشاء م اذن مشينا صلينا وكل زول مشا غرفتو دخلت الواتس اتكلمتا مع البنات واتفقنا بكرة يرجعو معاي البيت عشان البحث لقيت فهد رسل لي قلب عمل شششحح🤤♥
فهد: مساء الفل
وتين: مساء الورد
فهد: كيف امسيتي
وتين: تماام الحمدلله وانت
فهد: تماام التمام حسي جيت داخل عشان شغال في بحث التخرج مضغوط شديد
وتين: الله يعينك وبالتوفييق♥
فهد: جمعا وانتي اخبار القراية معاك شنو
وتين: الحمدلله (في اللحظة دي اتمنيت الارض تنشقا وتبلعني م عرفتا اقول ليهو شنو)😹💔 يلا تصبح على خير
فهد: استنيي♥
وتين: اوك
فهد: عارفة انك المعنى الحقيقي لان الصدف دايما جميلة♥
وتين:🙈☺
فهد: يلا م اطول عليك امشي نومي♥تصبحي على خير
وتين: وانت من اهلو♥
في الجانب الاخر ضحى شالت رقم مؤيد من ليليان ورسلت ليهو
ضحى: هلاا مؤيد
مؤيد: اهلييين منو معاي
ضحى: انا ضحى
مؤيد: ضحى كيييفككك
ضحى: الحمدلله ليه لما غيرتا رقمك م رسلتا لي
يتبع....
