حيدر
مرت فترة واحنا على نفس الحال منى مجازت من المشاكل تعبت منها كلش لحد مفد يوم مستحملت بعد مشاكلها جانت على اقل شي تتمشكل طلكتها
مع العلم الكل يعرف غلطانه بس اهلي وكفو وياها ضدي على ابو متعلمت على طبعك .
زعل والدي وانا ماكدر على زعله
رجعها بالليل وجاب شيخ رجعتها على ذمتي رغم انا ما طايقها
مرت سنه وانا الله ما رزقني بطفل
بدت تروح للطبيب وامي تريد تشوف بزري
راحت للدكتور رجعت محجت شي
سئلتها بقت صافنه مجاوبت ،
ستغربت سكوتها المشكله مو امي راحت وياها
وانا ماكدر اسئل امها تركتها ونزلت وهي بعدها على صفنتها
حجيت وي امي وخليتها تخابر خالتي
محجت شي خالتي بس كالت الدكتورة كالت كلشي مبيها بس انتظرو رزق الطفل
مقتنعت بحجايه خالتي وانا ادري منى مو من طبعها تبقى ساكته لو ما وراها شي
مرو يومين وانا معاجبني الوضع
خابرتني للمضيف العصر تستئذن تروح لبيت اهلها
حيدر : ليش شكو مو وكت زيارتج لهلج
منى : ليش شبيها اذا رحت مرة بدون وكت زيارتي حرام يعني
حيدر : شو لسانج صاير طويل
منى : محجيت شي ترا بس ردت اروح لهلي
حيدر : ماكو روحه
منى : لا اكو روحه
حيدر : ماكو روحه كلت لتعاندين
منى : حيدر بداعه امك خلني اروح
حيدر : شكو بس كوليلي شكو شبيج
منى : مبيا شي بس رايده اشوف امي بداعه كل غالي بداعه الشيخ خلني اروح
حيدر : منى مالي خلك سوالفج وفوينج عنادج على الروحه معاجبني
منى : ماكو سوالف صدكني شبيك بس رايده اشوف اهلي وامي
حيدر : خير ان شاء الله هسه حبلغ حمزة والا مرتضى واحد يوصلج تحضري لتأخريهم
منى : اي حبيبي ان شاء الله شكرا الك
حيدر : هسه صرت حبيبج صار ساعه لسانج هلطوله عالعموم يالله وراي شغل مع السلامه
منى : مع السلامه
بلغت واحد من الولد يوصلها وانا مدري شبيا المشكله انا احس بيها من جذب والا تسويلها مصيبه بس جذبت احساسي وكلت شعدها حتروح بيت اهلها اكيد مشتاقتلهم او مخنوكه
رجعت لشغلي لليل رحت مريت لهلها دارجعها
سلمت ومقبلو الا اتعشى تعشيت ووديت عليها رجعنا وهي تضحك وتسولف اليوم كل تصرفاتها تخليني مستغرب ماعرف شديصير وياها
بعد اسبوع خابرت وهم تريد تروح هنا اني تاكدت شكوكي انو اكو شي ومراحت هيج اول مرة ،، انا منى اعرفها اكثر من نفسها شنو شصاير وياها مادري حجيت وياها عادي وخليتها تروح وواحد من اخوتي وصلها .
لكيتلي حجه وتركت كل شغلي نتظرت شويه وطلعت وكفت ببدايه شارعهم دشوف شكو وشراح يصير واجت ببالي هوايه افكار واتعوذ من ابليس
شويه وطلعت وهي مبوشه وي امها وانا صافن
شراح تسوي ووين موليه مستحيل على دكتور لان تروح وي امي او امها بعلمي ومصادف فديوم انا معارض روحتها على الدكتور
اجت ببالي افكار وارجع اكذب نفسي واكول يجوز موليه لكرايبها ،، مردت انزل واستعجل بحكمي عليها مشت وهي تتلفت ، نزلت من السيارة وقفلتها ولحكتها مشي
وانا كوة مصبر نفسي وصلو لدربونه وشالت البوشي مالتها وانا صافن وصلو البيت دكو الباب ودخلو شويه وخابرتها ارد اعرف شراح تكول
حيدر : الوو
منى وصوتها يرجف : هلا حيدر شكو
حيدر : ماكو شي بس ردت اسئل اجو الويلاد وصلوج لو بعدج بالبيت
منى : لا انا بيت اهلي ليش شرايد
حيدر : جنت رايد الاوراق الضامها يمج
يالله منترجعين دزيهم
منى : اي ادلل يالله مع السلامه
حيدر : مع السلامه
سديته وانا مصبر نفسي واحجي طبيعي نص ساعه تقريبا وطلعو
رجعت قبلهم
بس انا اغلي مرجعت للمضيف انتظرت يرحون ورجعت سئلت على هذا البيت واهله
ياهو الي اسئله ميقبل يحجي ،،
بالف زور وفلوس واحد حجالي بيت سحارة اسمها سميه
بقيت صافن والولد يشرح تركته ومشيت شدتسوي هاي
رجعت للبيت وانا فاير وصلت للباب ورجعت لفت السيارة ورحت لبيت اهلها
خابرتها وانا اصرخ طلعت وهي خايفه من صياحي نزلت مسكتها من شعرها وامها تصرخ مدرت بتل وركبت سيارتي ورجعت للبيت والطريق كله عيوني تقدح نار واصرخ ارد اوصل للبيت الطريق صار دهر
نزلت ومنتظرتها تنزل وهي متقبل احجي وياها ميفيد وانا كوه مصبر نفسي مردت احد يعرف او امد ايدي عليها برا بس وازتني وزا بالكراج وانا اصرخ واضربها وهي بالسيارة
الاهل كلهم التمو برا وهي تصرخ الصمها على حلكها ميفيد والديوان قريب سحبتها من شعرها وهي مجلبه كوه بالسيارة وانا اضربها واسحبها وصلتها للمطبخ وانا مشبعها ضرب وشفتها وخشمها دينزفون
اجو ابويه واخوتي من الديوان يركضون يحاولون يسحبوني صرخت اطلعو وتركوني وي هل ساقطه مقبلو سحبتها واخوتي يسحبوني منها رفعت مسدسي وخليتو براسها
حيدر : والله العضيم ان ماطلعتو وسديتوو هل مهجوم لأحطن جيله براسها خلوني ارد احاسبها وافهم شدتخربط
كومي لج كومي ولج متزوجلي وحده سحارة
كومي طلعي كدامي فوك يالله للغرفه
انا اصرخ وهي كاعده سحبت اقسام واهلي الكل يصيح صعدتها فوك وقفلت الباب
حيدر :احجي لج احجي شجنتي تسوين هناك
منى وهي تبجي : مجنت اسوي شي
حيدر : لج انا زوج واقتنع شفتج بعيوني رحتي انتي وامج شدتسوين
منى : مرحت اسوي شي
حيدر : اخر مرة اسئل والعباس اخلي طلقه براسج ومحد يهمني
منى : دتسويلي عمل يخليني احبل
حيدر : شدتمسلتين
منى بشهكه : مدامسلت الدكتورة كالت مراح تحبلين لازم عمليه وتكلف بالخارج وادري انت متحبني مراح تسويلي العمليه
حيدر : شهالحجي كل عقلج اقتنع ولج وين شايفه عمل يخليج تحبلين انتي زماله متفهمين عقلج وينه بابا
..
مسائكم عسل نفسكم
يا احلى متابعين بالدينا شكرا الكم والسؤالكم
كلش احبكم وربي ❤❤
أنت تقرأ
لا أشك بحبي لك
Romanceولا ادري هل حبي لك محرم ام انه كل من حولنا يغالطوننا فقط اشرح لي لقد تعبت ما الذي بيننا ولماذا حصل !!
