انا الشيخ حيدر شيخ عشيرة ال....
من صغري وانا شايل مسؤوليه وضيم الكل
اتوفى والدي وانا عمري 29
وانا الثاني بين اخوتي
اخوي الاكبر طلع يدرس بالخارج واستقر هناك
رغم عدم موافقة والدي بس مهتم وفضل الغربه متعجبه حياتنا ولا جان اله دخل من جان موجود
ووالدي فترة زعل منه ورجع طبيعي ويحجي ويا الكل محترم رغبته رغم حزن امي وصرامه ابوي بس واخيرا بعد سنتين الكل تعود ورجع يحجي ويا
ووالدي حتى قبل وفاته جان معتمد علي انا
توفى والدي واجا اخوي من الخارج
وطبعا بعد العزا لازم يعينون شيخ جديد
وبما انو ابنا الاكبر عايش بالخارج
وانا الجنت الايد اليمين الابوي وقع الاختيار علي
بالبدايه اعترضت مجنت شايف نفسي كد انو اتحمل مسؤليه جبيرة كلش واستلم المشيخه
بس حجو وياي عمامي وباقي اخوتي واخوي الجبير
وافقت وانا خايف اقصر او ماكون كد المسوليه
مع العلم اغلب شغل ابوي جنت انا اشتغله
بس من اكون انا الشيخ تختلف
عندي اربع اخوة وثلاث خوات
خواتي ثنين متزوجات ووحده مخطوبه لأبن عمي واخوتي الكل متزوج
مجانت تهمني سوالف الحب من انا وصغير
وبعمر 27
الشيخ والشيخه اصرو على الزواج رغم عدم موافقتي بس مردت اكسر خاطرهم
خصوصا وانو ابنهم الجبير تزوج بالغربه ومدار بال الهم صح زوجو اخواني الاثنين الاصغر بس انا الاكبر ولهذا مرضو ابقى بدون زواج
وافقت وامي خيرتني بين بنت عمتي وبنت خالي
مجانت تفرق عندي لحت اختاريت بنت خالتي بنيه حليوة مبيها شي بس مجنت احبها
كلت عادي جوز بعد الزوج احبها
وانا اختاريتها لان ادري بيها تحبني من
نظراتها الي
ابوي مخلى شي مسواه بزواجي مضل احد معزما
جان متونس كلش ونفس حالته امي وخواتي
جنت متونس لفرحتهم
خلصت الزفه واول اسبوعين ملك مجان اكو مثلي الي اريده بأشارة تسوي
مجنت الحك اكمل طلبي الكيها ملبيته
بعد اسبوعين بدت المشاكل
طبعا بيتنا كلش جبير واخوتي الاثنين موجودين بي هم وزوجاتهم
اخوي الاصغر حمزة متزوج من سنتين وعنده بنيه
والاصغر مرتضى متزوج صارله سنه وبعد معنده اطفال
واخوي الاكبر علي تزوج والي نعرفه اخر شي قبل شكم شهر من زواجي مريتهة
حامل ومندري بي بعد ميسئل مشغول بحياته
المهم بعد زواجي انا بسبوعين بس بدت مشاكلها وي نسوان اخوتي واحنا قبل متجي ميصير عدنا مشاكل وين ووين اسمع حس من البيت جانو متفاهمين منى اجت وبدت مشاكلهم مستخيل ارجع بيوم وماسمع حسها تلعلع مصارلها شهر من زواجنا
وانا راجع من الديوان اسمع حسها تصايح
دخلت بسنطه من المطبخ شافتني حرمه حمزة فاطمه اشرتلها تسكت
ودخلت بهدوء واشوفها واكفه كبال امي وتهوبز بيدها
وانا واكف اسمعهم مشايفيني هم
وامي تتجنب ترد وهي لسانها الطويل ميسكت
قللت ادب كلش وي امي وانا طلعتلها فجأه
تفاجأت واجت تاخذ عباتي ودتسئل معتاز شي مسكتها من شعرها وسلحتها لفوك وامي تجي تتوسل وتسحبني وتركض وياي مسعمت كلام طلعتها فوك وامي وياي
حلفت يمين طلاك اذا مطلعت امي من الغرفه
طلعت وقفلت الباب ومسكتها مخليت مكان بيها صاحي انا كل هل فترة مستحمل قله ادبها بس وي مستحملتها وي تتوسل تعبت وتركتها وهي تبجي وكفت وانا امسح وجهي واحجي
شوفي لج ورب الكعبه والي خلقج اسمعج مطوله لسان على امي او اي احد اشوفج الي مشايفته خاف هسه هيج بس هذا الشفتي هسه كلش قليل على الي راح تشوفي بعد اليوم اسمع صوتج احسب الله ماخلقج انا ماجنت كايسج اكول حرام عروس بس انتي مو مال احترام رايح واذا سمعتج انعل عشيرتج كافي طلعت من ماعونها انا يا حرمه صبري كلش قليل احترمي نفسج حتى احترمج وماقلل من قيمتج
كملت كلامي وياها وطلعت وانا غادي نار نزلت وامي كاعده على اول درجه تبجي
تقربت بست راسها ماقبل تنزل دموعج انتي غاليه عندي
حجيه رقيه : ليش يا يمه ليش تمد ايدك عليها عروس ميصير علمها فهمها بس مو بالضرب
حيدر : يمه صارلها شهر وهي لسانها مدخل بحلكها وتسوي مشاكل وي نسوان اخوتي اذا خليتها حتزيد انا رايدها تتربى حتى متعيدها مفاضيلها اهي ومشاكلها
حجيه رقيه : لا يا امي عايل انت انا كلت احجي وياها وافهمها بس انت اجيت وحتى مسمعت مني وبعدين ميجوز تحلف طلاك على كل حجايه يا يمه
حيدر : ادري يمه ادري بس انا جنت طالع عن طوري خليها تتادب وارد اشوفها تعيدها والا لا
تركت امي وطلعت للمضيف
مرجعت الا لليل دخلت للبيت منى جوا تضحك اباوعلها اخاف غلطان
والله هي منى شفتها وارمه ووجه بي اثار ضرب وهي جوا مبدله وحاطه هل مكياج
اجت تستقبلني وتضحك
منى : الله يساعدك انتظرناك للعشا بس تاخرت
اسويلك العشا والا متعشي
حيدر مذهول بتصرفها : لا لتسوين شي طالع انام
تركتها وطلعت وانا صافن توقعت ارجع الكاها مموجوده او اقل شي زعلانه بغرفتها
تركتها وطلعت سبحت وتمددت واجت هي
منى : حيدوري حبيبي
حيدر : ميت مرة كتلج لتناديلي هيج انا مو طفل عندج
منى : شبيك ويايه دا ادلعك
حيدر : لتدلعيني مرايد دلعج
منى : زين حبيبي مراح ادلعك تريد اسويلك مساج
حيدر : انتي بس ميلي مني كلش مرايد منج انا
منى : شبيك فوك ماجايه لخاطرك
حيدر : يسلم خاطرج تركيني انام مرايد كلشي
..
اول بارت للروايه
حابه اوضح كم شغله ونتفق من البدايه
عدد البارتات يعتمد عالتفاعل بيها
ومراح انقطع عنكم ان شاء الله بين يوم ويوم بارت الا اذا صادفتني ضروف
تعليقاتكم هي التشجعني اكمل
احبكم كلش ❤
أنت تقرأ
لا أشك بحبي لك
Romanceولا ادري هل حبي لك محرم ام انه كل من حولنا يغالطوننا فقط اشرح لي لقد تعبت ما الذي بيننا ولماذا حصل !!
