حيدر
تركتها ونزلت مدري اعتب عليمن اهي والا امها
رحت لبيت خالتي وحجيت ويا زوجها
عاتبتهم تعصب الرجال وحلف ميدري
اعتذر وتوسل ماطلك بنته
رجعت للبيت وانا مدري شسوي تعبتني كلش تعبتني ماكدر اطلكها
وماكدر ابقيها
معندي حل تركت كل شغلي وثاني يوم جان عدنا فصل كلش جبير تركته ورحت زرت
الامام ودعيت يرزقني بطفل ادري هي تتمنى الطفل وتصرفت هيج شحجي وياها بعد ناقصه عقل
رجعت هددتها وحجيت وياها عسى ولعل تصرف بعقل تعبتني كلش هوايه
بقيت فترة وبين الطلايب التهيت بس مراحت من بالي سالفه الاطفال واخير كعدت وحجيت ويا ابوي وفهمته شنو براسي عارضني بس فهم شريد انا وحس بيا
ورجعت وحجيت وي جدتي وامي جدتي شجعتني بس امي مقبلت حاولت وحاولت وهي تبجي وتصيح حتروح ومترجع انا ادري حتعوفني نفس مراح علي ارتفع ضغطها وداخت
اتخبلت اخذتها للمستشفى لليل وانا وياها طلعتها وهي زعلانه و متحجي
ادري منين اتلكاها
شسويلهم يردون طفل وميردوني اسافر شلون مادري
تعبت وكعدت افكر شسوي
لليل ودخل ابوي حجا وياها وانا هذا كله مداخل لابيت بعد نجبيت بالديوان مرايد اشوف احد
مافهم شيردون طلبو اتزوج ديشوفون جهالي وزوجتي عدها مشكله يعني شسوي مثلا هذا حكم ربي ادري اغيرها مثلا لاجل الطفل
شتسوي موبيدها شي
لليل كلش انا متمدد بالديوان خابر ابوي
طلب ارجع للبيت ديحجي وياي
دخلت لكيته بغرفته وي امي متانيني
مقتنعه اسافر الحمد لله
بعدها باسبوع سافرت رحت لعلي يومين ارتاحينا من السفر ورحنا لثاني يوم راجعنا الدكتور والحمد لله طمنا
ورا فترة شهرين تقريبا وانا بالخارج عرفنا منى حامل والدكتور منعنا نسافر لسلامتها وسلامه الجنين
صار وكت ولادتها والحمد لله اجاني توم ولد وبنت كلش فرحت بعدها ب15 يوم رجعنا للديرة انا وولدي ومرتي
منى هل فترة الي راحت جانت عاقله مسوت مشاكل الحمد لله ملتهيه بحملها وورا مولدت باطفالها ..
رجعت بعد سنه تقريبا وابوي مسوي عزيمه لخاطر رجعتي
الكل فرحان باطفالي ابوي وامي واخوتي
ورجعت مرة ثانيه للكعدات والديوان
ورجعت منى بعد فترة هي ومشاكلها ،، كعدت وحجيت وياها يابنت الحلال لنخليني امد ايدي خليني محترمج ميفيد
وامي بدت تشكي منها لا تشتغل ولا تنزل النهار كله كاضيته بغرفتها
وانا افوت احجي وارزل واطلع احجي وارزل
فد يوم رجعت من الديوان وامي دتشطف هي مريه جبيرة شجابها عالشطف بالكوة واكفه
خفت عليها اخذت من ايدها ودخلتها للغرفه
حيدر : شجابج عالشطف يمه لعد جناينج وين
ام حيدر : يمه حرمة مرتضى حامل وراحت بيت اهلها وجعانه
وحرمة حمزة راحت من قبل يومين ابوها كلش وجعان وباقيه مرجعها اخوك وحرمتك مشفتها بس من نزلت للريوك
...
رجعت للروايه وببدايه قصيرة اعتذر
💛🌸
أنت تقرأ
لا أشك بحبي لك
Romanceولا ادري هل حبي لك محرم ام انه كل من حولنا يغالطوننا فقط اشرح لي لقد تعبت ما الذي بيننا ولماذا حصل !!
