فصليه الدم ...🔞

part 27

«‏كلما تعمقت في تفاصيله وجدتُه أجمل 💕✨
..
غرور:طلعت من غرفتي لغرفه الشيخه اشوفها بلكت تعرف شيء عنه أو تعرف وين رايح رجعت قبل لايروح من اختها ..

دكيت الباب ودخلت السلام عليكم  ..

الشيخه:وعليكم السلام  ..

غرور:كعدت يمها  ..شيخه اسد لحد الان ماكو وادك عليه ماكو هم تعرفين وين راح هم كالج  ..

الشيخه:كالي طالع وي حسن بشغله  ..ماكال شنو الشغله

غرور:خابري حسن سئلي عليه فدوه و الله خايفه عليه  ..

الشيخه:راح اخاابره بس جيبلي تلفوني  ..

غرور:جبته الها خابرت حسن ..

الشيخه:الو حسن ابني شلونك ..

حسن:هلا بيك شيخه الحمد لله انتي شلونج ..

الشيخه:الحمد لله بس اريد اعرف اسد وين يمك هو ..

حسن:ليش مااجاكم ..؟!!

الشيخه:لا ماكو لحد الان غير انت مشيت ويا ..

غرور:اني من سمعتها هيج كالت ودموعي صبت ولطمت على صدري  ..يمه حبيبي وين راح

الشيخه:ولج اشش فضحتينه  ..اي حسن وياك

حسن:شيخه طلعنه شويه افترينه وخلصه كم شغله عن الطلايب مالت العشاير وكتله اريد اروح رحت وعفته هو ..

كالي اكمل شغلي وارجع لهلي من اتصلتي عبالي رجع والله زين اتصلتوا  عليه ..؟

الشيخه:اي اتصلنه ويطلع مغلق  ..

حسن:شصاير ويا اجيكم هسه واندور عليه  ..

الشيخه:انتضر لصبح اذا ماكو تعال وخبر العشيره كلها ان شيخهم مخطوف  ..

حسن:شيخه هيج برأيج مخطوف منو اله مصلحه ..؟

الشيخه:طبعا مخطوف وهواي الهم مصلحه يكتلونه ويتخلصون منه لان كاسر هواي روس ..

حسن:خوش لعد من الفجر يمكم اني العشيره كلها والشرطه هم اخبرها  اساعدنه  ..

الشيخه:خوش يله مودع بالله

حسن:الله وياج ..

غرور:اني صافنه على برودته كلبها هذا ابنها مخطوف وممكن يكتلونه وهي جبل مايهزها ريح  واني كتلت روحي بلبجي

والطم حبيبي روحي راح يموت ويعوفني حتى من راح ضايج مني  ..اووف يربي حفضه اليه 

الشيخه:كافي شبيج كتلتي روحج يجي الله الحافظ يريجعلج سالم غانم بس ادعيله انعرف منو هذا الي خطفه  ..

غرور:مااكدر احجي طلعت بوجهي لغرفتي ..طبيت وقفلت الباب وشمرت نفسي على الجربايه  ..شبكت  المخده