البارت الاول
ايمان: بابي
ايهاب: ايه ي قلب بابي
ايمان: عايزة اجي معاك النهاردة
ايهاب: ماشي جهزي نفسك
ايمان: اوك
انس باس ايد مامته: صباح الخير ي احلي ام في الدنيا
رقية بإبتسامة: صباح الخير ي حبيبي
انس: انا همشي بقا ي ماما
رقية: طب انا حضرت الفطار يالا عشان تاكل
انس: لا ي ماما عشان اتأخرت وزي ما انتي عارفة انا محتاج الشغل دا
رقية: عارفة ي بني ربنا يقويك
انس: يارب ي ماما ادعيلي
رقية: ربنا ييسرلك الحال ي بني
ايمان: شابة 24 سنة مخطوبة متخرجة من كلية السن بس مش بتشتغل لانها مش محتاجة لانها من عيلة غنية جدا وابوها ايهاب 47 سنة صاحب اكبر شركات في مصر وامها حلا 46 سنة واختها الوحيدة مروة 26 سنة "مش متجوزة " مسافرين لايطاليا عشان اخو حلا تعبان ف راحوا يزوروه
انس: 27 سنة من عيلة متوسطة الحال ابوه ميت وامه رقية عندها مرض السرطان وبيشتغل يادوب عشان العلاج والاكل ليهم
ايمان اول مرة تروح الشركة مع ابوها وخطيبها وائل مسئول عن الحسابات ف الشركة وايهاب بيثق فيه زي ما بيثق ف انس بسبب كفائته ف الشغل
وبيشتغل تحت وائل ف الحسابات وكمان بيمر ع الموظفين
وصل انس للشركة ودخل بسرعة وراح ع المكتب بتاعه
وائل بعصبية: جاي متأخر ليه سيادتك
انس: اسف والله بس
وائل بعصبية: بس ايه هتقول مبرر ايه المرة دي
ف الوقت دا دخل ايهاب ومعاه ايمان
ايهاب: ف ايه ي وائل
وائل: اخبار حضرتك ايه
ايهاب: كويس بس عايز افهم ايه اللي بيجري هنا
انس: انا
وائل قطعه: حضرته جاي متأخر النهاردة مش بيلتزم ب مواعيد العمل
ايهاب: جيت متأخر ليه ي انس
انس: حضرتك عارف ان حالة امي وهي تعبت امبارح ووديتها المستشفي ومروحين من المستشفي ع الساعة 3 وسهرت جنبها لحد ما نامت كانت الساعة 4 ونمت وقتها وصحيت 6 ونزلت ع طول والله بس جيت متأخر بسبب الطريق ومكنش ف اتوبيسات فاضية
وائل بسخرية: وانت مستني الاتوبيس ليه ما تركب تاكسي ولا مش معاك فلوس
وقتها انس اتكسر من كلام وائل وطلع من المكتب ع طول وراحت وراه ايمان
ايهاب: وائل انت ازاي تقول كدا حرام عليك راعي ظروف الناس ولا انت عشان بتروح وتييجي ب عربية بتاعتك تدوس ع كرامة الناس
وائل: انا اسف والله مكنش قصدي كل دا انا فعلا احرجته ب كلامي
ايهاب: انا رايح مكتبي وانت تروح تعتذر ليه وتخليه يسامحك
وائل: حاضر
ايمان بتمشي وراه: استني لو سمحت
انس وقف وبص ف الارض: افندم حضرتك عايزة ايه
ايمان: متزعلش من وائل هو لما بيتعصب مش بيعرف يقول ايه
انس: انا عارف بس مش معني كدا انه يجرح الناس بالطريقة دي
ايمان: عارفة والله انه جرحك
انس بص ف عنيها: اصل هو ميعرفش حالي عامل ازاي انا بشتغل عشان اجيب علاج لامي عشان عندها السرطان والعلاج بياخد اكتر من نص فلوسي والباقي بناكل منهم بس مش هقول غير الحمدلله
ايمان سرحت ف عينيه: …………
انس: انا مش عارف قولتلك ازاي كدا بس لو سمحتي محدش يعرف ب كدا غير المدير ووائل
ايمان اخدت بالها: لا متقلقش مش هقول لحد والله
وائل: انس
انس: نعم
وائل: انا اسف متزعلش مني عارف ان كلامي كان غبي واعتذاري دا ولا حاجة جنب اللي قولته
انس: المسامح كريم ي وائل بس ارجوك متقولش كدا تاني
وائل بإبتسامة: اكيد … اتعرفت ب إيمان
انس: لا انا كلمتها بس معرفش هي مين
وائل حط ايده ع كتفها: دي ايمان خطيبتي وبتكون بنت المدير
انس: بجد والله خطيبتك وكمان بنت المدير بس انا اول مرة اشوفها انا شوفت واحدة تانية غيرها
ايمان: التانية اختي وهي مسافرة لايطاليا وانا قاعدة لوحدي ف قولت اجي
انس بإبتسامة: نورتي الشركة
ايمان بإبتسامة: منورة بيكم
وائل: يالا بينا ع الشغل
انس: هروح اشوف الموظفين واجيلك
وائل: ماشي …تيجي معايا ي ايمان ولا تمري مع انس
ايمان: همر معاه
وائل: ماشي
كان انس ومعاه ايمان بيمروا بين الموظفين وانس بيشوف شغلهم
ايمان بإبتسامة: اسمك حلو
انس بإبتسامة: انتي احلي واسمك احلي
ايمان بإبتسامة: ميرسي
انس بإبتسامة: عندك كام سنة ع كدا
ايمان: 24 وانت
انس: 27
ايمان بإبتسامة: العمر كله
انس: ليكي وليا
ايمان: بقالك قد ايه شغال هنا
انس: بقالي 5 سنين
ايمان: ربنا يقويك
انس: يارب
ايمان: انا عايزة اروح مكتب بابا ممكن توديني
انس: اكيد اتفضلي
وداها مكتب ايهاب وراح هو ع شغله
ايمان: بابا هو انس بياخد كام
ايهاب: بياخد 3000
ايمان: وبيسرف قد ايه ع علاج مامته
ايهاب: بيصرف 2000 وسعات اكتر
ايمان: اي دا والباقي بيقضيهم ازاي اكل وهدوم
ايهاب: مش عارف والله صعبان عليا اوي الشاب دا يادوب اتخرج ابوه مات وابوه كان شغال عندي هنا وبعد موته طلبت منه ييجي يشتغل بدل من ابوه وانا اعتبرته زي ابني وهو اعتبرني زي والده الله يرحمه والحمدلله انه كان متخرج من كلية تجارة والصراحة شغله جميل جدا جدا دا احلي من شغل والده الله يرحمه وبعد سنة من شغله وموت والده امه جالها المرض وهو نفسيته تعبت جامد وقتها
ايمان: طب انت ليه مش رفعتله المرتب
ايهاب: ما هو مش راضي ابدا بيقولي هياخد نفس المرتب بتاع والده قولتله طب وقتها مامتك مكنتش تعبانة وانت محتاج فلوس اكتر عشان لما تتجوز وكدا مش راضي برضو مش عارف اعمله ايه
ايمان: طب انا ليا فكرة لو هو مش عايز يرفع المرتب خلاص اديله مكافأة كل مثلا نص سنة 5000 جنيه
ايهاب: تفتكري هيرضي وبعدين مش هيقضوه برضو
ايمان: ف الاول خليهم 5000 وبعد مثلا سنة ارفعهم
ايهاب: ماشي هبقي اقوله
ايمان: ان شاء الله
خلص البارت الاول
