مروة: هي نرمين متخطبتش ولا ايه
ايمان: لا لسه
مروة: ربنا ييسرلها الحال
ايمان: وييسرلك الحال
مروة بصت لحلا وبعدين لايمان: ......
ايمان بصت للاتنين: مخبيين عليا ايه
حلا: ابن خالك عايز مروة
ايمان بفرحة: امير
حلا: اه وهييجي كمان يومين يتقدم هو وخالك
ايمان: وخالي بقا كويس
حلا: اه الحمدلله
ايمان: اخيراا ي مارو هفرح بيكي
مروة: ان شاء الله
انس راح ل ايهاب
ايهاب: ف ايه ي انس
انس: ي افندم حصل غلط ف الحسابات تاني بلاقي بضاعة ب تمن غير اللي مكتوب ف الاوراق
ايهاب: ازاي يعني
انس: مش عارف انا قولت لحضرتك كذا مرة حصل كدا وحضرتك مش مصدقني
ايهاب: عشان مفيش غيرك انت ووائل اللي بتشتغلوا ف الحسابات
انس: لا ف واحد تحت ايدي لسه جاي جديد وائل جابه
ايهاب: ومبلغنيش ليه
انس: انا بحسب حضرتك عارف
ايهاب بتفكير: انا اول مرة اعرف بس ليه يجيب واحد من ورايا
انس: مش عارف والله
ايهاب: انس انا عايزك تجيب الشاب دا حالا من غير ما يعرف وائل
انس: حاضر
جاب انس الشاب دا اللي كان متوتر
ايهاب: بص بقا انا عايزك تقولي وائل جابك هنا ليه
الشاب بتوتر: عادي عشان اشتغل
ايهاب: من غير لف ولا دوران قولي بدل ما اجيب البوليس يعمل شغله معاك
الشاب بتوتر: والله حضرتك انا ملياش ذنب هو جابني عشان اغير ف الحسابات عشان يطلع هو منها بس انا عملت كدا عشان مهددني ب موت امي لو معملتش كدا وانا معنديش غيرها انا اسف سامحني ي باشا
انس: وانت مجيتش تقول ليه من الاول كان المدير ساعدك
الشاب: مقدرتش كنت خايف يؤذي امي وانا دلوقتي خايف عليها ارجوك احميها منه لو سمحت ولو عايز تدخلني السجن هدخل بس هطلب منك طلب انك تجيب لامي الاكل والعلاج انا مليش وش اطلب منك كدا بس مكنش بإيدي والله
انس افتكر امه وحط نفسه مكانه: طب تشهد عليه
الشاب: موافق
ايهاب كل دا مش مستوعب ان وائل يعمل كدا فعلا واتصل بالبوليس واخدوا وائل والشاب وراح معاهم ايهاب وانس وفعلا دخل وائل السجن واعترف ع نفسه ومرضاش يقول عمل كدا ليه متكلمش خالص واخد سنين سجن والشاب دخل السجن كام شهر وهيخرج راح ايهاب وانس لفيلا ايهاب
ايمان بعياط: يعني ايه
ايهاب: انا مصدوم زيك والله
حلا بزعل: مكنتش متوقعة كدا ابدا
انس: الحمدلله انه مأخدش فلوس اكتر واننا كشفناه بدري انا اتصدمت فيه
ايمان بزعيق: متقولش عليه حاجه هو اكيد ف حاجة جبرته ع كدا وانت طبعا ما صدقت انك هتترقي وتبقي مكانه
حلا: ايه اللي بتقوليه دا ي ايمان
ايمان بإبتنباه: انا انا
انس: متقوليش حاجه انا مراعي موقفك عن اذنكم ي جماعة
ايهاب: متزعلش ي انس هي بس
انس: مش زعلان عن اذنك … مشي
مروة: حرام عليكي ي ايمان والله
ايمان بعياط: مكنش قصدي والله بس انا مصدومة جامد انا بحب وائل بحبه اوي مش قادرة استوعب انه يعمل كدا
ايهاب: ربنا يسامحه
حلا: احنا لازم نجيب نرمين تعيش معانا
ايهاب: اه دي غلبانة اوي
مروة: ما وائل كان غلبان برضو
ايمان: لا انا واثقة جامد ف نرمين
ايهاب: هبعت السواق يجيبها
حلا: ماشي
طلعت ايمان فوق وفضلت تعيط بحرقة وتفتكر الذكريات اللي بينها وبين وائل وجت نرمين وقعدت معاها ومكنتش طايقاها بس مش مبينة وقررت تنتقم منها
رقية: مالك ي بني حزين كدا ليه
انس: مليش ي ماما انا كويس
رقية: بتخبي ع ماما حبيبتك
انس: وائل طلع نصاب ي ماما
رقية بصدمة: وائل
انس: اه نصب علي المدير ف فلوس كتير وانا كنت بقول للمدير كذا مرة ان ف غلط ف الحسابات وف فلوس كتير مكتوبة غلط مكنش بيصدقني والنهاردة عرفنا ان وائل ورا كل دا وكمان البوليس اكتشف انه نصب ع كذا شركة مش شركتنا بس
رقية: لا حول ولا قوة الا بالله ربنا يسامحه اكيد ايهاب زعلان جامد
انس افتكر عياط ايمان: اه وايمان فضلت تعيط جامد باين بتحبه اوي
رقية: ربنا يرزقها بإبن الحلال اللي يسعدها
انس: يارب
رقية: قوم غير يالا وهقوم احضر الاكل
انس: حاضر
رقية بعد لما مشي: مش عارفة ليه جايلي احساس انكم هتبقوا لبعض
خلص البارت الثالث
