بعد سنة
فؤاد: صباح الخير ي انس
انس: صباح النور ي خالي
فؤاد: ادخل اشطف وشك كدا وصلي وانا هحضر الاكل
انس: حاضر
فؤاد: هتنزل تشتغل
انس: اكييد
فؤاد: بقولك ايه صح انا لسه مشتري شركة ف مصر امبارح من صاحبي ما تنزل مصر وتمسكها
انس: مش عايز انزل مصر مش عايز اشوفها
فؤاد: انس مينفعش توقف حياتك انت مش متعود ع هنا ومش عارف تتعود وانت بقالك سنة اهو ومش مرتاح انا عارف انك مش بتحب تعيش غير ف مصر فاكر لما جيت مع ابوك وامك وكانوا هيستقروا هنا وانت مرضيتش
انس: فاكر
فؤاد: نفسي اعرف ليه خبيتوا عني مرض رقية الله يرحمها
انس: اللي حصل بقا انا مكنتش شايل هم غير اني اجيبلها العلاج ومكناش عايزين نشغلك
فؤاد: تشغلوني ع اختي
انس: …………مردش
فؤاد: انا عارف انك مش بتحب تطلب من حد حاجة بس انا ف الاول والاخر خالك يعني ابووك
انس: هيفرق ايه الكلام دلوقتي خلاص
فؤاد: فعلا المهم دلوقتي انا هحجزلك طيارة وانا علمتك تدير الشركة ازاي
انس: اه
فؤاد: هتوحشني ي انس
انس: وانت ي خالي والله
فؤاد: هبقي انزل مصر وازورك واحتمال اعيش هناك
انس: ياريت والله
فؤاد: طب ايه رأيك انزل معاك من دلوقتي
انس بفرحة: يااريت
فؤاد: طب يومين كدا وننزل مصر عشان اكون حولت املاكي هناك
انس: ماشي
ايمان ف الفون: ازيك ي مروة
مروة: الحمدلله بس الواد متعبني
ايمان بضحك: معلش بقا خلاص هانت فاضلك 3 شهور
مروة: ااه ربنا ييسر الحال
ايمان: امين وامير عامل ايه
مروة: الحمدلله…بضحك: انا ممرمطاه
ايمان بضحك: ي عيني عليك ي امير
مروة: اه والله الواد غلبان
ايمان: اه والله
مروة: انتي عاملة ايه ي ايمان
ايمان بإبتسامة حزينة: اهو عايشة
مروة: لسه منسيتبهوش
ايمان: ولا هنسااه ابداا
مروة: مش عارفة ليه حاسة انكم هتبقوا لبعض
ايمان: مستحيل ي مروة
مروة: ليه بس
ايمان بحزن: خلاص زمانه نساني واتجوز اصلا
مروة: لا لا قلبي بيقولي لا
ايمان: مش هتفرق اصلا المهم انا هقفل دلوقتي عشان ورايا شغل وسلميلي ع امير وخالي
مروة: ربنا يقويكي حاضر يوصل
ايمان: بااي
مروة: بااي
مروة اتجوزت امير وسافروا تاني ايطاليا وحامل ف الشهر السادس ولما تبقي ف الشهر الاخير هتنزل مصر وايهاب مات ومسكت بداله ايمان
نزلوا فؤاد وانس مصر وانس استرجع ذكريات الماضي ودمع بس مسح دمعته بسرعة وفؤاد اخد باله وزعل عليه وراحوا شقة انس اللي قفلها قبل ما يسافر وراحوا قبر رقية وبعدين راحوا ع فيلا فؤاد ومسك انس شركة من شركات فؤاد ويعتبر فؤاد اغني بكتير من ايهاب
ايمان: بس دي شركة مبتدئة ازاي نعمل معاها صفقة
موظف: شركة مبتدئة بس صاحبها جاي من امريكا ودول بيبقي عندهم خبرات عالية
ايمان: مش كلهم وانا مش مقتنعه بالكلام دا
موظف اخر: طب تقدري حضرتك تروحي تتكلمي مع المدير وتشوفي اذا كان كفأ ولا لا
ايمان: تمام ماشي هنا حددي ميعاد معاه
السكرتيرة هنا: تمام ي افندم
تاني يوم راحت ايمان الشركة دي والسكرتيرة دخلت للمدير وطلعت طلبت منها الدخول ولما دخلت
ايمان بصدمة: اااانس
انس بإبتسامة: ايوة انس
ايمان بإبتسامة حزينة: اخبارك ايه
انس بإبتسامة مطابقة: كويس
ايمان: انت اتجوزت
انس: خطبت
ايمان اتكسرت: الف مب روك
انس: الله يبارك فيكي عقبالك ولا انتي عملتيها قبلي صح
ايمان بدموع: لا متخطبتش ولا هتخطب
انس: ليه بس امال فين حبيب القلب اللي بعتيني عشانه
ايمان قامت وخلاص ع اخرها: انا انا مش هعقد الصفقة عن اذنك
انس راح قدامها: لييه
ايمان بصت ف عينيه: كدا
انس: طب مردتيش ع سؤالي ليه متخطبتيش للافندي التاني
ايمان: مش لازم ارد عليك
انس: لا لازم
ايمان: ليه ان شاء الله
انس مسكها من دراعتها: انا هقولك ليه عشان انتي كسرتيني ف ربنا عمل فيكي كدا ي بتاعت المظاهر واقولك حاجة تاني انا بكرهك بكرهك …زقها ولف عنها: مع السلامة
ايمان طلعت تجري وفضلت تعيط وركبت العربية والسواق طلع بيها ع الفيلا
فؤاد كان بيسمع للحوار وبعد لما مشيت ايمان طلع من اختبائه
فؤاد: انت كنت بتحبها ازاي وانت بتعاملها بالقسوة دي
انس: هي اللي خلتني اعاملها بقسوة كسرتني ي خالي وانا لازم اردهالها
فؤاد: ليه ي انس مكنتش كدا انت
انس: هي اللي غيرتني ي خالي
فؤاد: بس انت مكنتش كدا لما كنا ف امريكا
انس: لاني مش هتعامل معاك بقسوة بس انا خلاص اتغيرت 180 درجة
فؤاد كان حزين ان انس اتغير كدا
خلص البارت السابع
