حلا حضنت ايمان: مالك ي بنتي ف ايه بتعيطي جامد كدا ليه
ايمان بعياط: انس
حلا بعدتها: ماله انس
ايمان بعياط: رجع مصر
حلا: انا لازم اروحله عشان اقوله
ايمان مسحت دموعها: مش هيفرق ي ماما
حلا: ازاي مش هيفرق انتي مش عايزة ترجعيله
ايمان: انس خطب
حلا بصدمة وحزن: خطب
ايمان بإبتسامة حزينة: انتي فاكرة انه هيفضل كل دا ميخطبش
حلا: ما انتي كل دا متخطبتيش
ايمان بإبتسامة حزينة: عشان انا بحبه لكن هو مبقاش يحبني خلاص
حلا: مش معقول ي ايمان
ايمان: لا هو قالي كدا قالي انه بيكرهني
حلا: عشان ميعرفش الحقيقة
ايمان: مش لازم يعرف ي ماما
حلا: ليه بس
ايمان: عشان خطيبته حرام يسيبها بعد لما اتعلقت بيه
حلا بحزن: فعلا
ايمان: انا هطلع انام شوية
حلا بحزن: ماشي
طلعت ايمان وطبعا منامتش فضلت تعيط كتير اوي وتفتكر ذكرياتهم مع بعض وكلامه اللي قالهولها
ايمان بصدمة: يعني ايييه
هنا: زي ما قولت لحضرتك كدا كل الشركات اللي كانت هتعمل صفقات معانا انسحبت
ايمان: ازاي ينسحبوا ازاااي
هنا: مش عارفة ي افندم بس المشكلة ان الصفقات دي كانت مهمة جدا
ايمان: من غير الصفقات دي شركتنا هتتدمر
هنا بحزن: للاسف
ايمان مشيت بعدها وراحت ع البحر ف حتة مفيهاش حد وفضلت تعيط
ايمان بعياط: اعمل ايه دلوقتي سامحني ي بابا اني مقدرتش ابقي قد المسئولية والشركة هتنهار
انس بضحك: ي عيني
ايمان: انس
انس: ايوة انس ي ايمان انا اللي اشتريت مديري الشركات اللي كانت هتعمل معاكي صفقة اغرتهم بالفلوس وباعوكي ف ثانية ومش بس كدا اي حد هتعملي معاه صفقة هشتريه لحد ما الشركة تفلس خالص ومتلاقوش تاكلوا وتتشردوا ف الشارع ي بتاعت المظاهر
ايمان بعياط: حرام عليك ليه تعمل كدا
انس مسكها من دراعتها جامد بعصبية وكسرة: وانا عملت ايه لما بعتييني عملتلك ايه انا كنت بحبك بجد وكنت عايز اعمل اي حاجه عشانك طالما مش بتحبيني ليييه قولتيلي انك بتحبيني لييه تكسري قلبي
ايمان بعياط: طب سيبك مني عشان خاطر بابا اللي كان بيعاملك دايما زي ابنه
انس سابها: انا لازم ادمرك ي ايمان انا هخليكي توصلي لدرجة انك هتتمني الموت
مشي انس وايمان واقفة مصدومة من تغير انس المفاجئ وازاي قلبه بقي قاسي كدا
ايمان: لا ي ماما متقوليش لحد
حلا: ازاي يعني مش اخويا ولازم اقوله
ايمان: انا هتصرف ي ماما سيبيهم هم ف شغلهم كفاية اننا كنا شاغلنهم الفترة اللي فاتت
حلا: ماشي لما نشوف اخرتها
ايمان: خير ان شاء الله
حلا: ان شاء الله
حاولت ايمان تعمل صفقة مع شركة منفعش
ايمان: ليه حضرتك مرضيتش تعمل معانا صفقة
المدير: انا اسف بس ف شركة عرضت علينا صفقة احسن منكم
ايمان: مين
انس جه من وراها: انا
ايمان قامت: اه انت تمام ماشي
مشيت ايمان وهي حزينة ومش عارفة تعمل ايه وصلت للجراچ ولسه هتركب العربية شدها انس وزقها ع الحيطة وقرب منها
ايمان: عايز ايه ابعد عني
انس: ايه ي حلوة اتكسرتي ولا لسه
ايمان بتزقه: ملكش دعوة وابعد عني
انس: يعني لسه متكسرتيش
ايمان زقته بكل قوتها: ابعد عني بقاا
انس مسكها من دراعها جامد وشدها وركبها عربيته ومشي
ايمان بزعيق: عايز مني ايه نزلني
انس بصلها من فوق لتحت: عايز اااااا
ايمان بصدمة: متفكرش تقرب مني
سكت انس ومردش وهي كانت خايفة لانه اتغير كتير عن الاول ووصل مكان مفهوش حد خالص مفيش غير بيت دور ونزل وشدها من العربية وشالها ودخل البيت وراح اوضة ودخل وقفل الباب
ايمان بصدمة: انت بتعمل ايه
انس بيقرب منها: ايه مش عارفة انا بعمل ايه
ايمان بدموع: انت اتغيرت كدا ازاي
انس: انتي اللي عملتي فيا كدا
ايمان بدموع: انا اتهددت وقتها بحياتي وحياتك
انس: بجد
ايمان: اه والله
انس حضنها: انا اسف ي ايمان انا بحبك
ايمان: وانا بحبك اوي ي ااا
انس بإبتسامة: هتوحشيني
ايمان بوجع ودموع: ا انا مش مصد قة
انس: لا صدقي
ايمان وقعت ع الارض بدموع: انا انا عمري ما حبيت حد قدك
انس بزعيق: كدااابة وتستاهلي الموت
مشي انس وساب ايمان اللي غرقانة ف الدم لانه غزها بالسكينة
حاولت ايمان تطلع فونها ولقيت مروة بتتصل
مروة: ايييمان عاملة ايه ي بت وحشاني
ايمان بتعب: مر وة
مروة: مالك ي بت ف ايه
ايمان: انس غزني بال سكينة
مروة بصدمة: ايييه انتي فين دلوقتي
ايمان: ……………… مش بترد
مروة بعياط: ردي عليا ي ايييمان ايييمان اييييمان
ايمان اغمي عليها ومروة اتصلت ب امير عشان ينزلوا مصر واتصلت ب حلا وحلا راحت للبوليس
الظابط: اهدي طيب ي افندم وهنحاول نلاقيها
حلا بعياط: انا عايزة بنتي
الظابط: حاضر اهدي انتي بس بيدوروا ع مكانها
العسكري: حددنا موقعها ي افندم
الظابط: يالا بيناا
راحوا بسرعة ع المكان وراحت معاهم حلا ووصلوا البيت وكسروا الباب
حلا بصريخ: اييماااااااان
راحوا بيها ع المستشفي ووصلت مروة وامير المستشفي وياسين هييجي وراهم
مروة بعياط: ماما ايماان مالها
حلا حضنتها بعياط: ف العملية والدكتور بيقول ان الاصابة جنب القلب
مروة بعياط: منك لله ي انس
امير مشي بسرعة وراح ع شقة انس مش لقااه وسأل البواب قاله انه ف فيلا فؤاد وقاله ع العنوان وراحله
امير بعصبية: اااااانس
انس: افندم عايز ايه
امير مسكه من قميصه: انت ايه كمية البرود اللي انت فيها دي انت ازاي تعمل كدا ف ايماان
انس ببرود: هي اللي دمرتني من الاول
امير: مش بإيديهااا هي كانت متهددة من الزفتة نرمين
انس بتفكير: نرمين اخت وائل
امير: مش اخته دي مراته
انس بصدمة: نعم
خلص البارت الثامن
