الشخصيات الي في البارت💜 ليلي: ١٧ سنه داخله اولي كليه شخصيه انطوائيه لحد ما تتعرف عليها مبتعرفش تتعامل مع اي حد و لا تعمل اي حاجه لوحدها بتتكسف من اقل حاجه و كل حاجه و بتزعل بسرعه و بتتصالح بسرعه برده بتركز في ادق التفاصيل لغاية ما توصل لاسوء تبرير عشان تنكد ع نفسها😂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
داليدا : صاحبة ليلي الانتيم نصها التاني و مع ذلك عكسها تمام اجتماعيه جدا و كانت بتعمل ل ليلي كل حاجه و هي صاحبتها الوحيده و بالرغم الاختلاف ف هما بيحسوا انهم الاتنين واحد و بتريح دماغها و مبتركزش ف اي كلام
7:00 am صحيت مفزوعه زي كل يوم اني بحلم ان النتيجه طلعت و جبت ٧٢٪ و اني عماله اعيط و صحيت من كتر العياط اه يا جماعه مستغربوش ده حلم كل يوم من بعد ما خلصت امتحانات الثانويه لا حلم ايه بس ده كابوس ده كابوس كان بيجيلي طول السنه و انا نايمه و حتي و انا صاحيه كنت بفكر فيه مستغربين ليه ٧٢٪ بالذات عشان اختي الكبيره كانت جايبه نفس المجموع و انا الي قولتلها النتيجه ساعتها و كنت خايفه تردهالي هي كمان 😂💔 بس انهارده مكنش زي اي يوم عادي لا ده كان اليوم الي قبل النتيجه ع طول و طبعا بلدنا الجميله الي كل حاجه فيها بتم بالواسطه الي عنده ضهر احسن من الي عنده عزبه كل الي كان ليه حد في الكنترول جابله النتيجه و مكنش فيه احساس خالص لا كانوا بينزلوا درجاتهم و اد ايه هما فرحانين و لا درانين بالناس التانيه الي معندهاش حد ف الكنترول و قاعده ع اعصابها كنت كل لما اشوف بوست ع الفيس انه حد جاب النتيجه و جاب مجموع حلو و اهله فرحانين و عمالين ينزلوا بوستات اقعد اعيط بعيط بحرقه مانا مش عارفه ايه الي هيحصل كمان كام ساعه يا تري اهلي هيبقوا فرحانين و لا هيبقوا زعلانين و يقعدوا يعيطوا زي ساعة نتيجة اختي الي كان يوم من اوحش ايام حياتي هل هحقق حلمي وافرحهم و لا هبقي من الناس الي بيتظلموا ف الثانويه و بيقعدوا يسمعوا ان ده احسن ليهم و ان ربنا فعلا مبيكتبش ل أي حد حاجه وحشه و ان مجموع الثانويه العامه ده جزء من الخطه الي ربنا راسمها لكل واحد فينا عشان يفرحوا هل هلاقي تعبي و لا لا ! كنت بفكر في كل ده افكار مشوشه و مش بعمل حاجه غير اننا عماله اعيط بعيط و بس و قاعده جوا الاوضه و قافله النور عشان محسسش حد ب أي حاجه و لا اوترهم اكتر ما هما كانوا متوترين و فضلت طول اليوم من ساعة ما صحيت لحد صلاة المغرب بعيط و بس و تقريبا كانت دفعتنا كلها عرفت نتيجتها الا كام واحد زي حالاتي ملهمش حد ف الكنترول و فجأه لقيت بابا بيقولي هاتي رقم جلوسك اديته رقم الجلوس و دخلت اوضتي قفلت ع نفسي الباب و عياطي مقلش لا بالعكس قعدت اعيط اكتر خلاص ثواني وهعرف جبت كام و لقيت تيلفون بابا بيرن و بابا رد و بيقول كام؟ جابت كام! و باب الاوضه بيتفتح و بابا بيعيط و يحضني و ماما بتعيط و انا كمان اصلا كنت بعيط انا بصوت متطقع: ب.. بابا ج...ج..جبت كام بابا :٩٨.٩ انا قعدت اعيط اكتررر و لقيت ماما بتحضن و تبوس فياا و بابا بيسجد و انا مش مستوعبه الموقف هل ده بجد ؟ ولا انا بحلمم زي حلم كل يوم بس انهارده حلمت حلم حلو بدل كابوس كل يوم! لا انا مبحلمش ده بجد ربنا وفقني صح انا فرحتهم صح ديه دموع الفرحه مش دموع الزعل صح بابا و ماما فرحانين و اخواتي فرحانينن الموقف بتاع السنه الي فاتت اتكرر تاني و كلنا بنعيط بس دموع فرحه مش دموع زعل و شويه شويه هديت و بطلت عياط و قمت صليتت ركعتين شكر بعد ما صليت العشاء و سامعه ماما بتكلم خالاتو و جدو و تيته بفرحه تقولهم و انا برده مش مستوعبه حاجه لسه هديت و مبقتش اعيط و قولت اكلم صاحبتي الي كنا بنحلم مع بعض ندخل الكليه و الي كانت كل يوم معايا و بنذاكر مع بعض بتصل بيها افرحها لقيت اخوها بيرد عليا بيقولي جبتي كام ؟ بقولها هي جابت كام الاول بسس قام قايلي ٩١.٦ و فجأه حسيت ان جردل مايه سقعه اتدلق عليا مبقتش عارفه ارد و لا اتكلم و لقيت مامتها بتكلمني و بتقولي خايفه تموت مني و قالتلي سلام دلوقتي يا ليلي انا قعدت مش مستوعبه الي حصل مش عارفه اوصلها نفسي اكلمها و نفسي كنت اكون جنبها في الوقت ده بس هكلمها اقولها ايه؟ هقولها معلش! مفيش اي كلام يتقال يعني كدا مش هندخل الكليه مع بعض؟ طب انا هدخل ازاي اي كليه؟ طب هنبعد عن بعض و لا هنفضل صحاب؟ طب هنفضل بيست فريند ولا هتلاقي ناس تصاحبهم تانين! اه اصل انا مش هلاقي صحاب زيها و لا هعرف اصاحب حد و لا عايزه اصلا هي نصي التاني الي محدش ينفع ياخد مكانها و لا يبقي زيها طب هتفتكر اني سبتها؟ كل فرحتي اتحولت ل زعل و مبقتش عارفه اعمل ايه ولا عارفه ابين اني زعلانه عشان مكسرش فرحة اهلي الي كان نفسهم يزعلوا طب اعمل ايه طيب ! ************************************ كل ما كنت اخشي حدوثه في الماضي ، يحدث الآن .
The end 💜 بقالي كتير مكتبتش حوالي سنتين ف يارب يعجبكم و لو معجبكمش قولوا عشان مكملش🙄
