رجع كلشي طبيعي للبيت
الشيخ بديوانه عندة كعدة اخذ ويا أبا الحسن ومحمد وزين وجلال راحو بس نسمع صوتهم عالي خاصتا أبا الحسن ومحمد اني كلبي كان يوجعني اجو كلهم معصبين وخاصتا حبيبي
عمي /ويننننننكم
اجينا الكل نركض ونكول شكو
هناء/خير شيخ مو من عوايدكم تصبحون بالديوان
الشيخ/شوفي يامرة بأجر محمد وصفا يعقدون الصبح والمهر العصر خووش
هناء/زين ليش هل سرعه
الشيخ/رادو صفا مرة لواحد والا يأخذها وهم ناس عندهم سوالف مكسرة خاف كلشي يسوون فا ابن عمها بأجر يعقد عليها
هناء/ستر ياربي خوش شيخ تأمر يلة يا بنات تعالو وراية
جنه/عمه كلشي ماعندي البس وهو مهر اخوية وبنت عمي
كوثر/ايي عمه اني شلبس هم
صفا/يمه زين اني العروس شلبس
هناء/كافي كافي شكد تحجون البسو اي شي حلو عود بالحنه اني بعيوني اشتريلكم بس صفا خطية اجرلها بدلة
جنه/خوش عمه ايي صفا اهم شي
سوينا العشة تعشو وهم يسولفون واشوف محمد ضايج وابا الحسن هم
كملت كل واحد صعد لغرفته
اني بالخفية رحت لغرفة دكيتها
أبا الحسن/تفضل
طبيت هو شافني كعد
أبا الحسن/هااا حبيبي شو ليهسة كاعدة وراكم شغل
جنه/ايي هسة كلت اروح انام بس كلت اشوفكم بعدك ضايج
ابا الحسن ابتسم/لاحبي مابية شي
كام اتقرب يمي باسمي من خدي ردت اروح بس لزمني وكال
أبا الحسن/احبج😍😍
جنه/وإني اموت عليك
حضني حيل وباسني طلعت من الغرفه رحت لغرفتي فرحانه رهمت فستان يخبل لونه احمر ويا حذاء واللي ذهبي وكوثر فستان زيتوني وحذاء وكالت هم البس ذهبي
نمنا كلنا كعدة على هوية ب٨. غسلنا ونزلنا الكل يمنا شوكت اجو سلمنا وصبينا ريوك اكلت ونضفنا البيت من فوك ليجوة
صارت ال12اجو من العقد هلهلنا واشوف صبا ومحمد فرحانين ربي يديمها ومشترين ذهب وراجعين وجايبين بدلة لونها سمائي ومطرز الصدر كلش حلوة وصو ام الصالون تجي اجت باشا بصفا وإني طبيت سبحت وصليت وخلصت من صفا طلعت تخبل بدت بية وكوثر هم طبت سبحت وطلعت اني خلصت طلعت حلوة
صفا/جنو حبابة جوعانه
طلعت جبالها غدة تغديت وإني لبست فستاني وذهبي وحذائي وكوثر كذلك وساعدنه صفا بدلتها ونزلنا علت الهلاهل كعدناها بالكوشة وعلمنا الديجي ونطلع اغاني ونركص ونهلهل عمتي فرحانه تمنيت امي ويانا هي ام العريس عمتي يمكن قرت افكاري اجت يمي باسمي وكالت
هناء/اليوم اني ام العريس فرحانه لمحمد هذا وليدي
بالله هاي المرة شكد بيها حنية بيها وحضنتها وركصنا كالو العريس حيدخل
دخل ركضنا بسنا اني وكوثر راح كعد يمنا ولزم أيدها فرحان كلش لبسها الذهب وهو يشاورها وهي تضحك وتنزل راسها جابو الكيك والعصير وكلته وكلها وشربو عصير راسها من راسها عمتي هلهلت محمد باسها وهي ضحكت قبل لايطلع سحبنا اني وكوثر وطكينا سناب ويا وية صفا
وطلع ورجعنا للركص لل٨ بليل تعبنا راحو الغربة بقو بس الكرايب
صفا/بنات تعبت هل نصعد
كومناها صعدنا هي بالاول طبت تسبح
ندكت الباب فتحتها بنت خالي عمرها ٦ سنين اسمها مريم
جنه/هلو بالحلوة بستها
مريم/شيخ يريدج هنا
وأشارت على الممر
راحت تركض جوة
وإني رحت للممر بصوت الكعب واعدل فستاني وشعري
شفته واكف وداير ضهرة سمع الصوت مدار وباوع من جوة ليفوك وباوع على الحلقة بتسم. وإني ضحكت بوجها
جنه/هلا حبيبي كلت تريدني
أبا الحسن/اي ردت اشوف الكمر
ضحكت وهو ضل يسولف وياي راد يروح بس طكيت صورة ويا ورجعت للغرفة لكيت صفا واكفة
صفا/ايي عيني عوفوني وطلعو
جنه/شبيج شنو عفناج باوعت ماكو كوثر بتسمت عرفت قصدها
طبيت سبحت وطلعت صليت ونزلنا ساعدنا عمتي ونزلت كوثر وصفا راحت الهول تسلم على عمامي
الخاتونه
بنات اليوم ماكو نت هسة نشرت
