جنه كعدت الصبح كمت غسلت وجهي ولفيت شالي ونزلت شفت الكل كاعد حتى رنا وابا الحسن ردت ارجع بس كلت لازم ماضعف كبالهم
جنه/صباح الخير
الكل/صباح النور
كعدت يم عمتي وتريكت وعيون أبا الحسن علية كامو الكل لدوامهم ورنا فلتت فوك علمود متنضف وإني غسلت المواعين وصفا مسحت البيت وكوثر تعزل وعمتي تسوي الغدة
هناء/جنه ميصير هيج تبقون انتي وحسن
جنة/عمه لعد شتريدون مني هااا حطو مكانكم بمكاتب تتحملوها
هناء/لاالله الاالله هاهية عمة اهدي ولتبجين
اجت رنا
رنا/تريدون مساعدة
عمتي/ايي تعالي ثرمي البصل للمركه
رنا/شنوو اييع بصل لاخاف اني عندج خدامه
صفا كامت سحلتها من راسها وكوثر تكتل بيها
صفا/وووولج حيوووانه حقيرة شلون تحجين هيج وية امي وكفشتها من شعري
رنا/عااااااا وخرري عني وخررري
طيبة/ولج والله الا أبرد كلبي بيج
كوثر/نجبي لج يالخبلة يالزركه ولج شنو خدامه متستحين متخجلين وصلت يكتلنها وصياحهن واصل السابع جار وعمتي تحاول توخرهن وإني واكفه صافنه بهلاثناء فاتو محمد وجلال راجعين من الجامعه شافو ديذابحن ركضو جلال وخر طيبة من فوكاها ويجر بيها ومحمد لازم صفا وعمتي وخرت كوثر
رنا كانت وتعيط/الله ياخذكم ياهمج
محمد/هي هي اششش لتعيطين يامرة
رنا/والله دشوف مرتك واختم ومرة اخوك شسوو بيه لو بس كادرين علية
جلال/اكلج شو انتي تعيطين وتصيحين احترامي نفسج
رنا عوجت حلكها وصعدت
وكل واحد هو ومرته فاتو للغرفتهم وعمتي راحت تصلي اني كعدت على الكرسي مال مطبخ جان يفوت ابا الحسن لحد الان من اشوفه كلبي يكون يرجف
أبا الحسن/السلام عليكم
جنه بلعت الغصة وكلت/وعليكم السلام
ردت اطلع من المطبخ بس جرني من أيدي
أبا الحسن/ولج كافي رحميني ولج ماطايقها وماباوع بخلقتها العمدة كمر يباوع على النجوم بس والله نجبرت وحق العباس
جنه/جان كدرت ترفض
أبا الحسن/دكلج جنت كاعد بنص إلزلم والله ماكدرت
جنه/شوف حسن من تطلقها وترجعها من وين جبتها اصيرلك مرة
عفته وطلعت نزلت دموعي صعدت لغرفتي قفلتها وكعدت ابجي ياربي دخيلك والله تعبت اهئ ساعدني اتحمل
كمت غسلت وجهي وصليت ونزلت شفت الكل كاعد رحنا صلينا ورنا نزلت مادرتلها بال كعدت يم البنات هي راحت كعدت يمه غمضت عيني وكلت ربي صبر. اكلت وكمت حطيت الجاي وشلنا السفرة
ابا الحسن/حضرت جنابج حاطة حنة لرجلج كومي شيلي وياهن
رنا/شوف عيني اني التنظيف والكلاب مالي علاقة بي
أبا الحسن كام جرها من شافها/ولج شو تراددين احترامي نفسج صلفه وشلي وياهن لااكسر المواعين على راسج
كلنا صافنين يعيط عليها عاد شالت ويانة وغسلتهن وية صفا اني سويت جاي وقدمتلهم من وصلتلا ضل يباوع علية
جنه/اخذ الاستكان اريد اروح
أبا الحسن ذب حسرة وأخذ. الجاي وشرب وكان طلع لغرفة
جنه رحت ذبيت الصينية وصعدت الغرفه مالتي كعدت بيها احس جسمي بارد نمت بلكي ارتاح حسيت على صوت طيبة
طيبة/جنه جنه
جنه/هاا طيبة
طيبة/جسمج حار وعيونج مدمعه
جنه/ماعرف رأسي يوجعني كلش وجسمي هم
طيبة/ياعمري بس الفلاونزا كومي سبحي بمي بارد بلكي ترتاحين حعلك الصوبة واجيبلج دوة
كمت سبحت احس يذب تيزاب مو مي وطلعت تمددت
طيبة/عمه جنه مريضة كلش
هناء/يمه بنيتي شبيها كامت صعدت فوك لزمت راسها
هناء/يمه جنة شبيج
جنة/عمي جسمي كلة يوجعني وكمت ابجي
هناء/لتبجين حبيبتي كومي وياي نوديج للطبيب
كمت لبسوني الجبة والشال
نزلت وياية عمي جلال ودانه للدكتور
كال صخونه قوية لازم نحطلها مغذي حطولي كانونه وضربوني إبرة ورة ساعه خلص المغذي وجلال راح جاب الابر والدوة حطولي كانونه ورجعت دايخه
هناء طبعا اني اعرف بيه جنه مقهورة من تنقهر تتمرض
جنه
رجعت دايخه البنات تلكوني تحمدولي ومحمد حضني وباسني من رأسي صعدت عمتي سوتلي شوربة واكلت نطوني دوة عافوني ارتاح نمت بس حسيت أحد يمي
أبا الحسن
طبعا ورة مارزلت رنا شربت جاي وصعدت نمت كعدت رحت للديوان لليل يلة رجعت سمعت كوثر تكول لطيبة شربت دواها ونامت رحت سالت امي كالت مريضه تعشيت والكل راح لغرفته طبعا رنا تنام بغرفه الخطار لو تموت متصير مرتي
صعدت لغرفه جنه دكيت الباب ماكو رد فتت نايمه مثل الملاك مشتاقلها رحت يمها هي حست ضلت تباوع علية
جنه/شسوي هنا اطلع
أبا الحسن/جنه كافي عاد جيت اشوفج كالو مريضه
جنه/لا مابية شي اطلع كما ابجي اطلع اطلع برررة
ابا الحسن حضنتها كااافي عادد والله مشتاقلج
جنه وخرت عنه/عووووفني عندك مرة غيري روحلها
أبا الحسن/ماعندي بس مرة وحدة وهي انتي خوووش وغصبا عنج انتي مرتي قبلتي لو لا
طلعت وسديت الباب الفرج ياصاحب الفرج
رحت لغرفتي نمت بلكي ماكعد واخلص
جنه
من طلع ضليت ابجي واندب بحضي بعدين صليت الفجر ونمت
الخاتونه
