كعدو الصبح في يوم جديد وكل الديرة عرفت الشيخ ابا الحسن ناهي على بنت عمه أبو محمد
الكل كاعد يتريكون
ابا الحسن/احم عمي
ابو جنه/ها بوية
ابا الحسن/عمي اذا ماكو مشكله الخميس اليجي المهر وعقد سيد
ابو جنه ابتسم /هاهية ابني
ابا الحسن طلع فرحان وراح لديوان
جنه سمعت الخميس مهرها هي وابا الحسن
صفا/اكلكم لازم من اليوم نطلع نشتري هدوم
كوثر/ايي لان مابقى بس 3 ايام
جنه/اكول لمحمد لو لجلال يجون ويانا
كوثر وصفا/اووك
نزلنا جوة وحضرنا الغدة لان اكو خطار يم الشيخ وهم هواي ساعدنه عمتي وحنان كالبة خلقتها وتذب حجاية بس عمتي ام ابا الحسن تردها وتسكتها
ضلينا غدة إلزلم بالديوان والنسوان بالصاله والبنات بالهول يتناقشون على يوم الخميس
صار العصر البنات بدلت وام ابا الحسن وحنان اخذهم محمد وجلال للسوك
ضلو بالساعتين
محمد/الله يخليكم كااافي رجلية وكعن
جلال/ايي والله اخخخ يابة
وكعدو على الرصيف والعالم تباوع عليهم
جلال/اويلي على النسوان تشوف الفستان تدور مدايرة تشوفه من بعيدة تشوفه من قريب تتخيله لابسته بعدين تكول اذا ألبسة يطلعني سمينه ولج ياسمينه اني القميص اذا يطلعني ثور مارجعه ألبسة وانجب
محمد/هههههههههههه شبيك كلبك محروك هسة يطلعن
طلعت ورة ربع ساعه
محمد وجلال/كلووش صلوات على محمد صلوات على النبي صمون حار ولبلبي
ابا الحسن/وجع شبيكم يلة كومو جنكم مجادي
محمد وجلال كامو وضلو يفترون لل٧ يلة رجعو البنات راحن يبدلن ويعلكون الفساتين ويرتبون المكياج والغسولات مال وجه وسبحن وبدلن وصلن ونزلن
ساعدوهم نصب العشة الكل اجتمع اكلو وغسلو المواعين البنات صعدن نامن لان تعبن من السوك
بعد مرور الأيام اجة الخميس كعدت من ٧ الصبح والبنات وياية خايفه لان حرتبط برجال اليوم واتخيل حياتي ويا
كمت سبحت ونزلنا تريكو اني ماكلت ماشتهي شي بعدين كامو العملات والخالات والعمام كلهم اجو البيت مينمشي بي ادري هي خطوبة مو عرس
ام ابا الحسن/كومي جنونه بدلي انتي وخواتج علمود جلال يوديكم لصالون
جنه/اووك عمه
راحن يبدلن ونزلن وداهم جلال للصالون
اول شي بدو بالعروسه طلعت كلش حلوة
وبعدين صفا هم طلعت حلوة
وبعدين كوثر هم طلعت حلوة
رجعو ب٤ للبيت والمهر ب٥ بسرعه صعدن لبسن الفساتين وصبغو اضافرهم وحطو عطر ونزلن
ام ابا الحسن/كلوووووووووش صلوات على محمد طالعاات تخبلون
ودوني للكوشه بنات عمهم مسويها كعدت وبدن البنات يركصون ويهلهلن كوثر وصفا ذبو لحم شويه وصاحو اجة الشيخ عمتي ودتني لبستني الكلابية البيضة وشحاطة(تكرمون ) بيضه وشال ابيض مال عرايس على رأسي جابو كرسي كعدت بدة الشيخ يحجي جابو طاسة بيها مي وهيل وياس وعمتي حطت هيل بحلكي ويقرون قرآن على رأسي وفوكي شكر يقرون علي قرآن
السيد/بنتي تسمعيني
عمتي اشرتلي كولي اي/اي شيخ
بدة يقرة ايات عن الزواج وكال/بنتي تقبلين شيخ ابا الحسن ال٠٠٠٠٠٠٠٠زوجا لك على المهر المقدم بينكما ١٠ مقدم و١٥مآخر وان وافقتي فقولي نعم وانته وكيلي
عادها ٣مرات
جنه/نعم وانته وكيلي
بدن الهلاهل وبعدين كالو
الشيخ /الشيخ ابا الحسن هل تقبل جنه ال٠٠٠٠٠٠٠ زوجه لك على المهر المقدم بينكما أن وافقت فقول نعم
عادها هم ٣مرات
ابا الحسن/نعم
هم كامو يهلهلون وطشو الجكليت علية ودتني عمتي لبستني الفستان ونزلنا كالو حيطب يلبسها الذهب طب والهلاهل ترست المكان طب هو بهيبتها وميباوع بس الي ومبتسم اجا يمي باس رأسي وكال
ابا الحسن/مبروك
جنه/الله يبارك بيك
اجت عمتي شايلة الذهب بدة يلبسني الحلقة وإني هم لبسته الحلقة وبعدين السوارات 3 ومحبس وتراجي واخر شي كلادة ايدة تطخ بركبتي واحس جسمي برجف
بعدين جابو الكيكه والببسي
وكلني وإني هم وكلته وشربته ببسي وهو هم شربني
اخر شي كامو ياخذون النا صور وكعدنا شاورها
ابا الحسن/جنه طالعه كلش حلوة
جنه خجلت/شكرا وانته هم طالع حلو
ابا الحسن/ههههههههه زين رفعي راسج
رفعت راسها وكال /احبج جنه
جنه رجعت نزلت راسها
ابا الحسن/زين متكوليها الي
جنه /موهسة من اتعود عليك
ابا الحسن/امممم بكيفج حبيبتي
اجت امه شاورته وراحت
ابا الحسن/حبي اني لازم اروح يردوني برة
جنه/الله وياك عيني
ابا الحسن/فدوة لعينج يلة بالليل احجي وياج
هزيت رأسي باي وهو طلع ورجعو يركصون كوموني وياهم
ركصنا وتونسنا كامو العالم يروحون بقو بس الكرايب كلش ضلينا نركص
ام ابا الحسن/جنه عمه روحي سبحي وبدلي لان حيطبون إلزلم وعمامج يردون يسلمون عليج
جنه/اووك عمه
حنان/عشتو عروس يلة روحي بدلي علمود تنضفين البيت
كوثر وصفا/عوفيها احنه نضف
عوجت حلكها وراحت
هناء/معليج بيها عمه لتضيعين فرحتج يلة سوي مثل ماكتلج
رحت الغرفه اصلا ماهتميت لحجي حنان فليت شعري من الماشات ونزعت الذهب بقيت بس بالحلقة ورحت غسلت وجهي بالغسولات وطبيت سبحت وطلعت صليت ولفيت شالي ونزلت انطيت الذهب لعمتي
ورحت لديوان طلع ابا الحسن
ابا الحسن/يلة حبيبة تعالي سلمي على عماامج محد غريب
طبيت سلمت على عمامي وعلى أبوية وعلى اخوية وولد عمي اشرلي ابا الحسن طلعي طلعت بسرعه رحت اشوف البنات علامات اغاني وينضفن البيت كعدت اكل كيك وببسي بالهول بحدي احس ورائه احد همسلي يم اذني
ابا الحسن/ادري كيك يأكل كيك
غصيت بالكمه ضرب على ضهري
ابا الحسن/الله الله هههههههه شبيج
جنه/لا مابية
راح لغرفته وإني رحت يم البنات فوك لكيت صفا تسبح وكوثر تراسل وتبتسم
جنه/احم احم منو تراسلين
كوثر نزلت راسها /لالا انتي تخجلين كولي يولي منو
كوثر/حماج المغرور
جنه فتحت عيوني/زين العابدين
كوثر /ايي ولج
منسمع الاعياط
عاااااا هلا بنسوان اخوتي
ندارينا لكينه صفا دتمشط وتحجي
جنه/وجع عابت هل صوت
طبت كوثر تسبح وصفا تصلي بعدين خلصنه كلاثتنا نزلنا تعشينا وبنات عمي البقية غسلت المواعين ضلينا نسولف لل١٢ يلة راحو وإني ميته من التعب رحنه ٣ المرح نمنا
الخاتونه
اليوم اكو بعد بارت
