الله على العظيمة ديالي رجع ليا خصني غي لاكارط أصلا معندي مندير بيها كيقيلو ولاد الحرام يبرزطوني فيها ... يكون مول تليفون شانق راسو دابا لا ديالو بقا لا وجهو تنقا مسيكين ولكن يستاهل طلع ديب وناوي لغدر أنا مزالا كنفكر فيه وهو يصوني دكر هاداك ووجد هاديك انا - ألو سي رضا رضا - شوفي معنديش لوقت لي نضيعو معاك عطيني نمرة سليم سربي انا - وباينة عليك شاعل مزيان نقص شوية راه غتجيك الفاتورة غالية رضا - تجيك فراس أديك القردة غدا غادي نمشي نحرق ليك لاكارط وداك تيليفون بخري بيه انا - صافي زعمة مسامح إيوا أسيدي الله يجازيك بيخير كمل أجرك وسيفط ليا سارجول راه كنسلفو غي معند جيران رضا - سيري الله ياخد فيك الحق عمر شي حد متاهمني بسرقة انا - حيت عمرك حصلتي ماشي عمرك سرقتي ونتا أصلا كنتي باغي تسرق ليا لاكارط أشلاهبي رضا - أستسلم صافي سيفطي ليا غير نمرة عافاك ومبغيتش نعاود نشوفك ولا نسمع صوتك يخلصك الله انا - أه تقول سارقا ليك طيارة ولا كوبتير = عطيتو نمرة وباقي دعاويه كيتعاودو ليا فودني الله يفضحو ناري إلى تحققات دعوة وحدة من داكشي لي دعا أخرتي غتكون فروضة إلى لقاو ميجمعو فيا صافي قررت نرد زبل لمولاه أش داني نحك القرد ظهرو... طلع صباح سيفط ليه أبيل موا والله مجاوبني سيد مقلق من نيييتو شديت تيليفون لواليدة لي بزز باش طلقاتو تقول كطلق روحها سلامة صونيت على مو حيت إلى صونيت عليه مغاديش يتيقني وقلت ليها راني ندمت وبغيت نردلو تيليفون عطاتني العنوان ديالو ديال الخدمة حيت يكون دابا خدام مشيت لخدمتو وخا عارفاه إلى شافني يكحل ليا بالعما بقا ليا شارع واحد نقطعو ونوصل لبلاصة فين خدام محسيت براسي تا خبطاتني واحد الخرخاشة الله يتبع ليها البلا حليت عيني لقيت راسي فسبطار ورجلي ملوي عليها الجبص وواحد اليد مكنقدرش نحركها أي يا ميمتي دعاوي المظلوم خرجو فيا تفكرت تيليفون درتي يدي فجيبي لقيتو كلو مهرس ليوم يصفيها ليا بشي دعوة منهزش راس منها... شوية شوية وهو يوقف عليا كي صاعقة رضا - واش نتي عميا مكتشوفيش قدامك جاب الله كنت خارج من الخدمة وشفتك انا - كنت باغا نرد ليك تليفونك وا حق مولانا ولكن هانتا شوف رجع فلوس رضا - واش باقا تفكري فتليفون فكري فحالتك ألمصيبة انا - أه تفكرت نتا سباب نهار ومطال ونتا تدعي فيا تا خرج فيا الله الحق رضا - عصبتيني أش ندير ليك عرفتي يتاهمك شي حد بشفرة باش غتحس انا - أري كارطي نعطيك كارطك اليد باليد رضا - هاكي انا - هاك من نهار شفتك مشفت نهار البيض رضا - قالوها ضربني وبكا وسبقني وشكا تا أنا ألالة من نهار شفتك و البلاوي طايحين لي فوق راسي بحال شتا وصلني لدارنا ومشا وحسيت بقلبي مشا معاه أويلي ميمتي تا لاكارط ولفتها واقلة تضربت تافراسي
