امي - أنوضي يا دا تالفة طيبي الغدا ونتي حاضية داك المشقوف انا - دقيييقة ونووض نشوف هاد غي الحرام منين كيتقفل مي - أولله وماتنوضي تنجي نهرسو ليك على راسك سلامة الحاجة ملي كدخل لهاد دار كتكوانسا حطيتو ونضت نطيب العدس لداك القشلة ديال خوتي لي ميكّر لي فيهم غي جغديد درت كوكوت طيب ورجعت لتليفوني لقيت مي شاااادا الهضرة مع سيد مي - إيييه أوليدي دابا بنيتي شفرات ليك تيليفون... وحتا نتا أوليدي ديتيلها تيليفونها.... إوا كّول تخالط ليكم ماشي شفراتو ليك ... إييييه بغيت نسولك أوليدي وماديرهاش مني قلت صواب واش نتا عما معرفتي تفرق بين هاد زين تليفونات مع هداك شقِيفة ... دابا بغيتي ترد ليك غي كارطك ولاش بغيتيها البارح يالاه كنهضر مع خويا عباس لي فسبليون وهوما يقطعو عليا الله يقطع ليهم رزق ... تي هدا مالو قطع انا - ناري يا ميمتي قتلتي سيد قلت ليه سالتيليه لفلوس وبغيتيه يبقى واقف على رجلو مي - إيوا الله يجعلهم فيدينا وما يجعلهم فقلوبنا ردي لسيد تيليفونو راه باين ولد ناس راه كيقوليها غير اختي انا - عليها دخل لقلبك لعشية كلو ماهضرش واقلة مي سكتاتلو لقلب والله تا بقا فيا صكّع مالقا فيمن يطيح غير فتريكة الشلاهبية معندي مندير ليه مغرفتو وشجبداتلو
