دخيلة النــمر

الهارف

الكاتبة : ترف علي

عمي خلصنة حصد المحصول وصار مثل ماامرت.

والحقول كملناها وعدو الدواجن وامنتضرين انصعد بالسيارات ونوزع ع الاسواق

حجة بنبرتة الخشنة وهوة يكف ردان دشداشتة ويكعد ع الكرسي
والحلال بوية ماكملتو شصار بي الصغار عوفوهن والروس الوالدة نزلوهن للسوك
واريد الهمة بشغلكم وماريد اي خطأ انتبهو زين والمخضر مال البستان يمتة تنزلو.
الفلاح حجة. شيخنة والله اني جايك بسويلفة ماريد اضيج خلكك لجن طلعت عن حدها. 
عدل كعدتة وسحب كرسي ثاني يمة. اكعد بوية واحجيلي شكو شصاير اني زمان مارايح للبستنة ماعندي مجال شصاير
الفلاح.  بيت التايب كطعو السگي علينة وابنهم فهد هوة الازم السالفة ومتربع على ساگية الماي وكاطعة يكول روح لشيخك كلة فهد التايب يكول العندة حجي يجي يواجهني. والزرع راح يروح من ادينة وهالسنة محصولنة حيل ثجيل ولا يصوفر ومحد يستقبلة من الاسواق شكلت يشيخ.

هارف.  وليش اني ماادري الة هسسة عميي حجيك وين عني من زمان وليش خال هالزعطوط يتمرجل علينة ذاك اليوم صار جاي هسة يكطع المااي. وابستانة اب عن جد موجود من اجدودي وهذا متعجب بألف متر. كام وشمر الكرسي بعصبية اخذ الحزام المتروس اسلحة ونضارتة السودة وشغل سيارتة وانطلق لبيت التايب.

.................

ملك. يااايااايااا شبيج خية شبيج.

صرخت ملك من شافت زمرد كامت وصاحت بعلو صوتها وطاحت ع الكاع

زمرد. كمت ونسيت دست على مكان الكزازة الي برجلي من يم الاصابع مال القدم شاغت روحي فرفحت من الوجع صحت بعلو صوتي وطحت بالكاع والتمن علية النسوان كلهن يكلبن بية يردن يفهمن شكو شبية رفعت العباة ونزعت الجوراب على كيف والدم ترس الكاع شافن رجلي وصرخت ام نمر يااااايمة شبيييها رجلج هاي شصاااير بيها اباوع عليها ودموعي تجري هذا الكلاص من شردت دست عليه مشمور بالدرب ودخل الجعب مالتة برجلي ضليت رافعتها وامشي ع الكعب مال رجلي بس هسة نسيتها ودست عليها. اشوفها الجعب كلة مغروز بيها وصايرة قطعة حمرة والداير مدايرة مفتوح منضر يشوغ الكلب غير عن الوجع البيها. صاحت الشيخة بيهن

الشيخة. ولجن شمنتضرات مللك حبوبة صيحي لزام يجيب ام عباس بساااع البت خلص دمها يمة يلا بنيتي يلا

ملك. الوضع مو مال اجادل حبوبتي واكلها ماريد ركضت لبست شالي وخليت العباية على راسي وطلعت اركض وامسح دموعي
اني بية حالة من اشوف شي كدامي متأذي بسرعة اتأذة اني حبوبتي سنها يوجعها اني اسناني تضل توجعني بطن غزل توجعها تضل بطني توجعني وهسة هالمنضر اليموت. وصلت للباب مالت بيت عمي ابو لزام دكييت بكل حيلي طلع لزام لابس فانيلتة البيضة النص والسروال الابيض ومبين دياكل تفاجئ بوجهي الاحمر من البجي وناشغ.

لزام. هااا هاا شبيج بوية شبيج هدي هدي هدي ليش تتراجفين صاير شي حبوبتي بيها شييي احجييي شمالج

ملك.  لزمت ايدة بدون ماانتبه وكتلة. حبااب حبااب جيب ام عباس المضمدة حبوبتي كالت جيبها بساااع فدوة لزام بعدين حجت بصوت مخنوك. وهي تباوع بعيونة.  المنضر خوفني شهكت لزتم يخوف والله

لزام. لزمت ايدي وعيونها متروسة دموع وصايرات دم تحجي وتريدام عباس بوية الف رحمة على روحج. ام عباس خليتي اشوفها بعد بس من شالت عينها بعيني وهي تكلي يخوف فقدت مالكيت روحي الة. واني خالها على صدري وحاضنها وهي تناشغ ومجلبة بفانيلتي بكل قوتها.  كافي بوية كافي ليش هالبجي ها ليش هسة اصيح ام عباس وانتي ضلي يمي حتى لاتخافين بس البس دشداشتي واجيج

ملك. صحيت على روحي اني بحضنة اول مرة احضنة بأرادتي جنت محتاجتة عطرة وي نفسة العالي وحرارة جسمة انطاني امان وسكن من خوفي وايدة على راسي من كالي بوية حسيت بحنيتة علية بعدني عنة وراح يلبس ويجي ضليت واكفة وكل شوي شاهكة شكلت بية ماتروح طلع لزم ايدي ومشة للباب خلاني ورة ضهرة غمضت عيني حيل واني اشم عطرة مرة ثانية واباوع على عرض اكتافة وعضلاتة البارزة من الدشداشة. وصة الحارس يجيبها. ويجي
والتفت الي كال تعاي غسلي وجهج شوف شصار بيج علما يجيبها الحارس ويجي.
.................................

ابو نمر. الوو هلا هلا وجثير الهلا بهالصوت بعد ب ك شلونك اخبارك ليش هجي بوية ماتكول عندي ابو عندي ام خابثتني عليك خياتك حبوبتك وغير الديوان المنتضر جيتك وكفتك على يساري يبعد ابوك ليش تأخرت هالمرة شنهو الصاير اكو مشاكل صايرة وياك بالحمل لو شكو.

ابو اسد.  ضحك بصوت خشن رجولي يذوب الكلب من بحتة المميزة. شيخنة انطيني مجال اجاوبك وحدة وحدة بهداك عليه لو موديتك علية وضحة هالجيت هايج علية.

ابو نمر. لاياملعون والله موصوجك صوجي اني الكلبي لهفان اشوف طولك بين ولد عمومتك وانور عيوني بيك. ووضحة والله ان اجيت تكول مااحجي ويا ولا اريدة بعد

ابو اسد. من فدوة اروح لترابك ياتاج راسي الله لايحرمني من شوفتك بوية. هههههه هاه هجي صارت وضحة ماتريد ابو اسد بعد وزعلانة العشك مالتي هههههه.  اجي واراضيها ماضل شي يومين وجايكم بوية. بس المستشفى بيها نقص علاجات ولزام ماودالي علاج القلب والسكري متأخرات بالباخرة وتعرف يابة دبي شلون يراد وقت يالة تدخل البضائع. وهسة يالة خلصت جرد والمعمل مالت المعلباة هم الحمد لله بس عندي شوي ملفات بي اجيبهن وياي طيارتي بعد يومين امي شلونها ملوكتي العمام شخبارهم والله مشتاقلكم صار 6شهور اني هنا.

ابو نمر.  يبعد ابوك يعزوتي وذخري سندي انت شعندي غيرك يعزيز وضحة.  ياهلا بيك بوية يوم السعد يوم تنورنة بجيتك. الحمد لله بوية عاشت ايدك. اي والله لزام هاي الايام ملتهي وياي بسالفة صارت بالديوان علمود مرة دخيلة عدنة. دير بالك على روحك بوية بالسلامة بالسلامة. 

سلااام عليكم يابة قراءة ممتعة
تصويت +شاركوها
حتى نستمر بالتنزيل ان شاء الله

الهارف. خليت صورة تشبها حيل فوك 👆

الناقل :صگير