دخيلة النــمر

زمرد

دخل يركض ويرجف بخوف للديوان شييخ شييخ الحگ الحگ وكف ابو نمر على حيلة وكفو الي بالديوان كلهم.

شصاير يلزاام شبيك شنهو الجرى.

شيخ شيخ يلهث بتعب يشيخ سيارة ذبت حرمة مدماية كدام ديوانة وشخطو سيارتهم وراحو

ابو نمر. شنهوووو وخال الحررمة براا يالزاام وين الاصول ولكك صاح بي بصوتة الخشن الي مبين عليه الكبر

لزام. يشيخ الحرمة وراها سالفة جااايدة ماهي بخالية والله ومابيها حيل تنهض روحها ولا صوت الها

ابو نمر. دخلها يلزما حدر بيها لجاي. خلنة نفهم سالفتهة شنهي

لزام. امرك يشيخ راح يركض لباب الديوان. وشاف ذاك الشي النحيل وضعيف مابي قوة وحيلة بايد ومغطى كلة بقماش اسود مثل غموض سالفتها. وصل يمها وحجة

بويةة يحرمة كومي حدري وياي الشيخ رايدج انتي بأمان لاتخافين ديوان النمر يرحب بكل الناس الغريب قبل الكريب

تون من الضرب المتعرضة الة والدم الي يصب منها مابيها حيل تحجي او تكوم ويا بس من كاللها انتي بأمان وديوان الشيخ.
عرفت الي سوا محمد جان الة بيه معنى والامان منهم هنا توجت على اديها ورفعت راسها المبرگع وحجت بصوت ضعيف يادوب تسمعة

زمرد. اريد الشيخ يعمي امشي عليك الله واحبابة اريد الشيخ اريد الأمان راح يكتلوني من ذكرت هاي الكلمة انتفضت يكتلوني اييي يكتلوني اريد امان امان هسة يجون ياخذوني ويخلون جيلة براسي شيخ شيخ تركض وتصيح ماتعرف القوة الي خلتها تكوم منين اجتها
دخلت بلا وعي للديوان وارتمت يم بالوسط كامت الناس مفزوعة معبالهم هجي راح تدخل صح عرفو اكو حرمة بس منتضرين لزام يجيبها. وكف الشيخ وحجى وهوة يتوجة على عصاتة.

ابو نمر. شبيج يبوي احجي كلشي ولاتخافين انتي بضيافة ديوان النمر ومعروف عنة الي يدخلة مايطلع الة وهوة راضي بعزم الله
احجيلي شنهي قصتج.

رفعت راسها الي ممبين منة بس عيون ودم سايل على حاجبها مشوش الرؤية كلها. بعد هالكلام حست الامان يدب بعروگها. ونطقة كلمة هزت قلب الشيخ ابو نمر.  حجت وكالت يشيخ اني يتيمة ودكيت بابك ودخيلة عندك تقبلها يكتلوني واني مالي ذنب بشي.

ابو نمر. تقدم يمها ونزع عباتة وخلاها عليها تغطت كلها وكاللها دخيلة ديوان النمر محد يمسها والي يرميج بورد ارميه بدم لاتهمين بشي وان جانج يتيمة اب لصيرلج اب وانجان يتيمة ام الشيخة امج
يلزاااام اخذها داخل وصي الشيخة عليها يلا بوية هذي عرضنا وبشاربي الة اخذلج حگج مربع لو جنتي صادگة وعلى حق

لزاام. ابشر شيخنا كفو منك والله

الناس الي بالديوان والوجاهة كامو يحمدون بأبو نمر وديوان النمر المايرجع احد ومشهودلة هالشي كعدو يكملون سوالفهم ومشاكلهم والحكم الي تنطرق على مسامع الصغار قبل الكبار بطريقة سهلة توصل للعقل بدون تصعيب.