دخيلة النــمر

رهام

زمرد. اليوم عيد ميلاد ملك ومحد جاب طاري الها نريدها مفاجئة طبعا اني اعرف اسوي كيك كلش طيب والكريم وصيت يجيبولي وغير لزام راح جاب اشكال والوان وكيك جاهز وكلهم تحضرو وعزمو اهلهم ع الحفلة اليوم بليل. وام نمر نزلت للسوك تسوك النواقص وهم تجيب هدية لملوكة. واني مهمتي اقنعها تبدل وترتب نفسها.

مللللك وينج ولج. تعاي اريد اكلج شي

ملك. ها شتردين جاي اسوي شعري تعاي

زمرد. فدوووة شهالشعر الحلو تدرين ضايجة وخلي نتونس كومي لبسي فستان عندج حلو وي شعرج واني اخليلج مكياج. حبابة

ملك. بتفكير صدك خلي اكوم اجرب فستاني الماروني وسويلي مكياج واني وحدي احتفل حتى لو خبزة وشمعة اطفيها.

زمرد. يلا كومي لبسي واني احضر المكياج

ملك. لبست فستان. ماروني الصدر كلة شفاف اسود ومن الخصر هم شفاف وانوب مفتوح تلة ويجي لحد ركبتي. حيل حلو طلعت لزوزة

زمرد. اويييلي شن هالجمااال ولج تخبلين والله. طلعي ذهبج لبسي وتعاي اسويلج وجهج وبعدين ارفع شعرج

سويتلها مكياج كلش نازك ماكثرت حمرة فاتح ماروني خفيف وعيونها خطيتهن بكحل اسود برز لونهن حاجبها طوختة بالجوزي لان هي شكرة طلعت تجنن حلوة حيل. رشت عطرها وكامت

ملك. وللللج زوزة هاي منوووو الي بالمراية ولج شسويتي بشكلي طلعت مو اني هههه فديت الايادي والله.

بعدني احجي وندكت الباب وصاحولنة بسرعة امي متخربطة نزلت بدون وعي ووو....

.............
نمر. اليوم ميلاد ملك ومحضرين كلشي وعازمين اهلنة وصلت للبيت اريد انام شوية وراي طلعة للبصرة جبت هدية لملوكة سبحت ونمت كعدت ع المنبه بدلت ونزلت اشوف منو اجة لكيت مرة عمي ام رهام واصلة ورهام وغزل ونور واشرف هم جاي شكد اضوج منة عيونة موتمام يبصبص على البنات.

رهام. نزل واني كلبي صار يدك حيل يمة فدوة لهلطول شكد احبه رحت يمة اريد بس اشم ريحته
احبة هواي وموبيدي زرعو حبة وياي من الطفولة بس هوة يتاحاشاني ومايسولف وياي

اني عمري 22سنة تاركة من السادس علمي شكلي حلو حلكي وسط وخشمي صغير لوني حنطي مو بيضة شعري لأكتافي يوصل جسمي متروس مو ضعيفة وطويلة مو قصيرة لون عيوني اسود جان يحبني ابن خالتي بس اني كلبي وي نمر كتلة ماريدك وبعد كمت ماروح لبيت خالتي اصلا. وبية صفة الشي الي اريدة اصير مجرمة بس المهم اخذة الي. واموت ع الصرف والمشترة عقلي بيهن وهمزين نمر فلوسة هوااااي يعني اشتري بكيفي واصيغ بكيفي ههههه

رهام. هلا بأبن العم شلونك اخبارك عاش من شافك

نمر. هلا بت عمي الحمد لله من الله بخير ههه وانتي العايشة والله مشاكل وشغل وملتهي

رهام. الله يساعدك ويقويك والله اليوم كلت الة اشوف ابو اسد مابيها مجال مشتاقيلك

قاطعنة دخول عمتي ام نمر

هلا يمة كواج الله تعاي كعدي

رهام هلا عمة شلونج انطيني عنج اشيل الغراض

عمه هذا الفستان اكيد هدية ملوكة مو.

ام نمر. لا يمة هذا جبتة لبنيتي زمرد

رهام. هاي منو عمه ؟!!

ابو اسد. سدن السوالف يمة راح اودي ياسمين تكل لزمرد تنزل ملك خوش

ياسمين. اريد اصعد صاحت امي عليه.

تعاي ولج اخذي هذا كليلها تلبسة وتنزل.

ياسمين. اي يمة صار. خذتة اباوعلة لونة حلو يجنن بس فصالة ماشفتة دكيت الباب مدت راسها الي كتلها

يلا كلهم جوة حاضرين وهذا لبسي وتعاي ترة امي تزعل منج والله ودتني خصصي الج

زمرد. صار صار يلا روحي لاتحس بينة

ملك. ها شكو شتريد ياسمين

زمرد. هااا ماتريد شي بس اطتني فستان اللبسة لان دشداشتي بيها ريحه من الطبخ "😂خوش جذبة "

لبستة وطلعت يااا لونة زيتوني يجنن والصدر كلة شغل ذهبي ومخصر على خصري ومفتوح من جوة والردن نهايتها كلها شغل ذهبي يجنن لفيت شال من ملك ذهبي ونزلنة على صوت نمر صاح

نمر.  وللللللللللللج ملللللللللك اميييييي طاااااااحت جيييبي عبااااتها

ملك. من سمعت نمر يصيح وامي الطايحة متت من الخوف

نزلت ركض ونصدمت بالمنضر الكدامي ......

....................
سلام عليكم شلونكم يابة اعتذر على التأخير.

سؤال تردون بارت قصير بين يوم ويوم يعني بحدود 500كلمة لو كل يومين بارت 1000كلمة

هالبارت هدية الكم واريد جوابكم حتى ابدي بالنشر

صورة رهام تقريبا مثل الفوك خصوصا حلكها

الكاتبة :ترف علي
الناقل :صگير