القاسي ادمنتها

صبري خلص

اشعرُ  بالغصه عند اكتشافي
لمن أحببت اني لستُ المفضلة
#ايلول

رهف
الحمل ماذيني ودائماً اشتهي بطيخ بس من خلصت فترة التنسي ارتاحيت شوية

مرات الأيام بيني وبين احمد ما نحجي علاقتنه مو مثل قبل فقط اغسل ملابسو احضرلو الأكل نحجي الا مضطرين صحيح صرت أتمنى انام بحضنو وأنسى المشاكل بس ثقتي بي نهزت وهذي الفترة صار يزكح عليه ع الطالعة والنازلة على الرغم فرح هواي بالحمل بس تغير بعدها حيل
اني مشيت الأمور عادي مالي خلك
اليوم اروح لدكتورة أتوقع راح ادخل بالرابع على حسابي اني

هدى انتقلو لبغداد صار شهرين رنا دائما هين يمنه هيه وجهالهه
وتكلي ارجعي مثل قبل محد يفيدج غير رجلج اني معانده وباقيه على موقفي بس رنا صارت قريبه حيل كولشي احجي إلهه بس مااكدر احجي واكول مشتاگتلو ل احمد

اخويه حتو خطب وما قبل احمد اروح لان حامل انقهرت بوگتهه حيل ان شاء الله اعوضهه على العرس
خل انزل للحجيه يمهه خطار اكيد اخته. والعگرب صبا نزلت بعدني ع الدرج واسمع بالمطبخ لأنو الدرج قريب على باب المطبخ
اسمع نور وصبا (هما بنات عم لان خالتي وأخته مااخذات اخوان ونور بنت عمهم)واسمع نور
نور؛ وج صبا علاقتهم مو زينه هالأيام كثري جياتچ لهين بلكت تاخذينو ل احمد منها
صبا؛ أوف يا نور رايدتو حته لو يوم أحبو وهو مااعرف شعاجبو بهالملسوعه

رهف؛ ياا تريدو حته لو يوم الله لا يوفقج نور رجعت صعدت سديت الغرفة وابچي تسويهه وتأخذوا مني غير احرگها لهل الخايسه
شوية وسمعت راحو واحمد يتاخر من يرجع اني نايمه ويطلع الصُبح لدوام ويرجع الضهر
احمد
رجعت من الدوام چثير تعبان قضايا اتشيب الرأس ومنا انه ما مرتاح بالبيت بس لمصبرني انهه حامل
صرت ادور الزله عليهه ما متحمل بس ادحگها بعيوني اتحارش بيها من احسها نايمه بس ماايطفي نار گلبي عليها

دخلت لغرفه غدا يلا
رهف؛
حته ما يدحگ بوجهي )
دقايق واحضر الاكل
نزلت سويتلو الاكل وصعتو الو
احمد
انه متقصد بكل شي لان صبري خلص هاي مو عيشه
رهف كربي لهين
رهف؛
اني صافنه على التلفزيون واسمعو يحاجيني
كربت لعندو
احمد؛ شنو رايچ ب صبا بت خالتي
رهف؛ بصراحه صبا وبالهذا الوگت واني هالسالفه مال البارحه ما ماناسيتها معقول تخابروصدمني سؤالوو جاوبتو
من اي ناحيه تريد رأي
احمد؛ هيج ك مره
رهف؛ ما بيهه شي
احمد؛ اشلون يعني وضحيلي ؟
روحي جيبي چاي
رهف؛ صار
نزلت واني مااعرف الف فكرة براسي دخت صبا؟؟؟؟
صعدتو الچاي وجبتو الو خليتو على الميز وكعدت
احمد؛ اي كملي شلون يعني مابيها شي
رهف؛ يعني بنيه عادية ليش اليوم تسال عليهه
احمد؛ اريد اتزوج
رهف ؛ شنوو وضربت على صدري واني شنو وهسه يلا حلت بعينك صبا الخايسه ام السحورة
احمد؛ (الحمدلله ما نجلطت انه ردت اكتشف لسع اتحبني لو انه مو بگلبهه بس من كالت ام السحورة بلكو ه صيطرت وما ضحكت عليهه )بداخلو يحجي
احمد
-رهف انتي شنو احنه عيشتنه عيشه
وترا صبا حلوة

رهف
هذا مااعرف منو حاجي براسو صبا؟؟؟قهرني علمود صبا العگره اني بالگوه بديت انسى هذيج السالفه تجي صبا
بس بصراحه
هيه ريحتها مو طيبه
احمد؛ انه كالت ريحتهه كو طيبه وأنه سكرت من الضحك على شكلها ليكول اتشم بيها وعافسه وجه
رهف: ها ليش تضحك على ريحتهه هاي بت خالتك
احمد؛
لا هيج بس فضول وسالت المهم من هذا الموضوع عرفت رهف بعدهه تريدو لگربي ابتسمت بداخلي اهيس گلبي ارتاح شوية
رهف. طفي الضوء اريد انام

رهف
نزلت جوا يم خالتي بس سألفة صبا مو خاليه
الحجيه؛ ها يومه خوما يرجعج شي
رهف؛ لا خاله ما بيه شي خاله هدى خابرتيهه
الحجيه ؛ لا والله جيبي الموبايل خل انخابر ودكيلي عليهه هاي بس لا بعدهه تبچي بلكت اتعودت
رهف؛ دك عليهه اني رايحه للملابس اغسلهم
الحجيه؛ هلا يمه اشلونج  يمه بالي يمج
هدى؛ هلا يمه مشتاگتلكم حيل والله اي يمه اتعودت
الحجيه ؛ خالد اشلونو جهالج  يمه مرتاحين
هدى؛ الحمدلله يمه اخواني اشونهم رهف اشلونهه
الحجيه؛ الحمدلله رهف زينه ولو متعبهه الحمل وغيرهه
واختج هم دايره بالهه عليهه تجي لهين على طول
هدى؛ نور خوما مخلصتهه نوم
الحجيه ؛ يمه تعرفينهه مو جديدة
شسويلهه نضيفه وصخه لنفسهه ،انتي هم سويلج جيه لا تطولين
هدى؛ اي ان شاء الله سلاميلي عليهم كلهم
الحجيه ؛ يوصل ديربالج على نفسج

5:40مساءً.
رهف
كاعدين بالغرفه ورنا يمنه اليوم ودخل علينه احمد سابح ومغير ملابسو وصبيتلو چاي والحجيه تسولف بهدى حيل مقهورة على بتها لان قبل ما تفاركنه دائم تجي ومااسمع. الا صوت صبا واني نار شبت بگلبي وانوب صابغه وجه حته تشوفو ل احمد
صبا؛ هلا عسا دوم هاللمه اشلونج خاله بعد گلبي
الحجيه ؛ هلا يمه جايه لوحدج
صبا؛ لا خاله بكر وصلني ؛ اشونك احمد مشتاگيلك اسأل عليك
احمد؛ هلا ابت عمي لا والله هين موجود وأنه بعد مشتاگلكم
رهف؛ احمد تتأخر اليوم
رهف؛ ادحگ بوجهه هالبومه مگيفه وطايرة
احمد؛ يمكن أتأخر
رهف؛ حياتي انتضرك لا تتأخر هو
وگف وطلع واني ورى
احمد؛ جية صبا ماي بارد على گلبي
بس اهيس وراي تمشي

- اذا تشتاگيلي ارجع من وگت

رهف؛
روح بعد بوس صبا مو مشتاگلها
احمد: لا ما ابوسهه ريحتهه مو طيبه هههه
ما أتأخر انتظريني اذا نمتي بالقران اغرگج بالسطل مال المي
رهف؛ من هسه تصبح على خير
احمد؛ بسيطة نشوف

القاسي ادمنتها
احمد/رهف

العمل الجديد (عشگ)