اتصلت لكيته هم مشغول .... وراهه سمعت الباب انفتح
وصعد للغرفه
وين جنت زياد
يم جماعتي
وليش مشغول
رفع حاجبه وشنو اني داخل للاستخبارات .....شنو تحقيق
لا موًتحقيق هذا واجبك تكلي وين
أشر بإصبعه على صدره واجبي دتحسسيني احنه كاعدين بالجيش
أكلك ضو كل مااحجي وياك مركز واستخبارات وانوب جيش متكلي شبيك
اكول يا حلوه انتي يا ام الواجبات اني هم اطلبج واجب
تطلبني شنو
حقوق زوجيه مو لو اني غلطان .....اني توني عريس
والله من إيدك ....انت أذيتني .....والله ياربي
اكول
شكو
السانجًً طويل أو اني متوهم
لا اللساني مو طويل بس انت استفزازي وبعدين مكتلي ويه منو جنت تحجي
ويه صديقي
لعد انت مو جنت يم جماعتك علساس
اي صح....بس هذا صديق ثالث عنده مشكله
ممممم ....مشكله
نمت عَل جربايه وغطيت نفسي وهو ضَل واكف
اكول
شكو
تره النسوان من يجون ازواجهم يكولن حبيبي جوعان
كمت كعدت على حيلي
والله ويحولون ماكو رجال توه متزوج يعوف زوجته ويسهر ويه جماعته
أخذ خاولي وكال
بس اكلجً انتبهي النفسج
اول مطلع طلعت لساني انننن كمت. ورحت الموبايله باوعت ماكو مكالمات بالوقت الي خابرته بي والكل مشغول
هاي حاذفهن معقوله يخوني واحنه تونه متزوجين كلبت لكيت مكالمهًًً لمًيرد عليها من رقم ب١١وربع دكيت عَل رقم بسرعه وعيني عَل باب
رِن ....رِن ....رِن بثالث دكه جاوب الرقم بصوت يتماوع
ألًــو .الــو
منو انتي ....آلو ....آلوً...شو الصمتيً
كبل انطبكً الخط بوجهي رجعت اتصلت مجاوبت....حسّيت جسمي كله كامًً يرجف صرت اعصاب ....متحملت انتظره الحد ميطلع من الحمام دكيت بابا الحمام
افتح الباب زياد
فتحه بسرعه
هاي شنو. وشوفته الرقم
