زياد/من شفتهه وكعت من الدرج جانت اكبر صدمه الي بحياتي مااعرف شلون سويت هيج انفعلت من تجاوزت مسيطرت على عصبيتي
نزلت اركض عليهه وهيه تصيح من الوجع
ام عماد/يم اسم الله شبيهه
زياد/شجن حبيبتي حاولت ااحركهه عاطت اكثر
شجن/اخخخخ يمه لحكولي ....اريد امي
ام عماد /ولَك يمه شيلهه بسرعه
اي ....اي دعاء جيبي جبتهه بسرعه
حاولت اشيلهه صرخت من الوجع
شيوجعج شجن
بطني وظهري وكل جسمي .....راح اموت
صارت هوسه الكل احتار ناس تجيب جبتهه وناس شحاطه وامي ركضت تلبس عباتهه شلتهه وصرخت ساعه تصيح ايدي وساعه ظهري صعدتهه وسقت سريع وكل شويه التفت اشوفهه
وصلنه للمستشفى وكالو طاكه مي الرأس ولازم هسه تدخلل للعمليه سوولهه تحاليل ودخلوهه للعمليات
الله يتلطف بينه ان شاء الله
يمه خوما بنتي تموت
ادعيلهم يا معزززه ......شلون تدفعهه ولَك دلال كالتلي بس محجيت كدامهه هيه بيا حال
ماادري شلون سويت هيج مو قصدي والله
اووف يا زياد اووف منك شنكول الاهلهه هسه ....ابوك وأخوك جايين
ليش كلتيهمً
لعد شلون ما اكللهم
استغفر الله والله عليج سوالف
ظليت انتظر واني قلق خايف عليهه وعلى ريم اذا صار بوحده منهن شي شلون أسامح نفسي .....يارب احميهم الي والله مو قصدي أذيهه انت تعرف نيتي
طلعو الطفله ركضت عليهم حسّيت كلبي كام يدك سريع ممصدك بس ماكو صوت الهه
شنو وضع الطفله وشجن شخبارهه
زينه بعدهي مصاحيه من البنج
والطفله تحتاج خدجً ......
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اخذتهه الممرضة بسرعه حتى مخلتني ابوسهه امي راحت وياهه واني بقيت انتظر شجن وراهه طلعوهه وجانت تونون من الوجع مو كلش صاحيه ورادو يودوهه بردهه بيهه هواي ناس
