قصتي مع ولد قيسمي

الجزء 3

شكرا بزااااااااااااااااااااااااااااااف على التفاعل البنات ♥♥♥
-----------------------------------------------------------------------
داز داك نهار زوين وزدت تعرفت مزيان على شيماء وولات عزيزة عليا حيت كتشفت بلي تقريبا كبرنا فنفس الظروف الأسرية ولاكن محسيتش براحة حيت مرة مرة كنحصل وليد كيشوف فيا بنص عين  . رجعت للدار مع خويا فرحانة  بدلت لبست بيجاما فالغوز بارد و مرسوم فيها جوج نونوسات ولقيت ماما مطيبة الملاوي (المسمن)  غسلت غسلت يدي و كلينا و فاش سالينا انا نضت تعاون ماما فغسيل لماعن و خويا فهد شعل التلفزة و بقا كيتفرج فغامبول ساليت و دخلت لبيتي و بقيت كنفكر فوليد لي كان كيشوف فيا بديك الطريقة حيت نجوى ماشي بحالي هي من داك النوع لي مسلي و ديما وجها ضاحك و مكتسكوتش من الهدرة اما انا قليل فين كنهدر مع الناس و مافيقني من افكاري غير الدقان فالباب و صوت ماما كتعيطلي باش نحل الباب
نضت و حليت لباب و لقيتو بابا جا من عند عمامي و كلس و ماما حطاتلو حقو من الملاوي و بطبيعة الحال لابد ما يعلق شي شوية :
بابا : دابا هادا ملاوي يا ربي واش حنا كنجيبو طحين باش نتي ضيعيه .
و كالعادة ماما متقدرش تهدر حيت بنسبة ليها الراجل هو ليعندو الحق و انا هادشي طلعلي فراسي حيت واخا وليديا و لاكن المشاكل ديالهم كتاتر عليا بزاف ماعلينا مشيت لبيتي و نعست حيت لاغدا كان كيخصني نوض مع 6 .
أصبحنا و أصبح الملك لله ،فقت هاد نهار ناشطة حيت غنطلاقا مع شيماء أولا لسبب انا براسي معارفاهش  دخلت لطواليت (حاشاكم )  قضيت حاجتي و غسلت وجهي و حكيت سناني و خرجت لقيت ماما صوبات الفطور و كتنوض خويا فهد لي كيصبح خاسر هههه و مشيت لبست كسوة طويلة  كحلة و من جيهت الخصر داير بوريدات بويض مع فولار بيض و فيه وريدات كوحل مع سندالة بلا فالبيض و بطابيعت الحال طابلية بيضة درت العطر ديال 10 دراهم حيت حنا ناس بسطاء مشيت للصالون لقيت ماما حايرة مع خويا حيت مبغاش يفطر  و قترحت على ماما باش تعطيه طرف ديال الخبز فيه الزيت باش ايلا جاه جوع ياكلو و خرجنا نتسناو النقل المدرسي من بعد 15 دقيقه تقريبا جا و مشينا غير وصلت بقيت كنقلب على شيماء حتى شفت صديقة الطفولة نجوى كتهدر معاها و فاش قربت بدلو الموضوع دغيا .
-----------------------------------------------------------------------كنتمنى يكون عجبكم هاد الجزء =)