صباح الخير البنات سمحولي على التعطال و شكرا بزاف على التفاعل ديالكم و داكشي علاش قررت نعوضكم بهاد الجزء
--------------------------------------
تصدمت حيت انا وياه عندنا نفس الأصل و هو كبير عليا بأيام قليلة صدفة زوينة و لاكن مكتفرحش بزاف حيت مابيني و بينو والو و كيبقا غير زميل فالقسم لا غير لذلك قررت نقصح قلبي و منستسلمش للنظرات ديالو .
عرفت حتى انا براسي ولاكن محاولتش نشوف فيه و من بعد عرفات شيماء على راسها و فاش سالينا بقينا كنضحكو و نقشبو بيناتنا و فواحد اللحظة شفت وليد جا و كلس قريب ليا و قالي
وليد : واش كتعرفي عتمان ****
فداء : لا مكنعرفوش و لاكن يقدر هو يكون كيعرفني
وليد :صافي بلاش يخخ ندمتينا حتى علاش سولنا
انا تصدمت مال هدا واش درت ليه شي حجا و انا زعما معندي لي يكعا عليا بقالي غير هو فالحساب .
داز الوقت طاير محسيتش بيه حتى جات 12 و خرجنا و انا كيلعدا مشيت للنقل و كلست حدا الشرجم (زعما انا الي كبيرة و انا لي خاصني نكلس فين بغيت هههه كبحال الزعيمة ) وهو يبانلي واحد لوليد صغير تكون عندو سي 3 ولا 4 سنين كالس كيدابز مع ختو لي تقدر يكون فعمرها 10 سنين هاكاك على لبلاصة ايييه الطفولة زوينة و لاكن مكنحسو بيها حتى كنكبرو فالتالي قولت لداك لوليد
فداء :اجي ازويون تجلس حدا شرجم و انا نجلس حدا ختك صافي
الوليد :شكلا خيتي (شكرا)
فداء :و شنو سميتك البوكوص ههههه
الوليد :سميتي آدم *****
ولتاني مرة كنتصدم اواااه زعما ممكن يكونو خوتو و بغيت نتأكد و سولت ديك لبنيتة
فداء : ختي شنو سميتك
البنيتة : سميتي أسماء ***** كنقرا فالرابع
فداء : متشرفين انا سميتي فداء كنقرا فالأولى إعدادي
أسماء : أدن كتقراي مع خويا وليد
فداء : لا اه اااه (كتقولها و هي تالفا )
أسماء : ههههه متشرفين سمحيلي دبا قربت للدار بأي
فداء:بأي خيتو
مشات و خلاتني غير ساهية حيت صدفة زوينة هادي دابا ختو و خوه كنعرفهم يعني غانبقا مرة مرة نسولهم عليه هههه هاء واصلا شنو بيني و بينو باش نسول عليه
وصلت للدار و تغديت وخرجت كيلعدا نتسنا النقل وصلت للمدرسة لقيت شيماء كتسناني سلمت عليها و بقينا كنهدرو و هي واقفة مقابلة معايا شوية قالتلي
شيماء :فداء بلاما دوري راه وليد كيشوف فيك
انا منين قالتلي ديك الهدرة استغربت علاش هادا حاضيني غير انا بقيت واقفا و درت راسي كبحال ايلا كنقلب على نجوى و درت و شفت فيه مباشرة فعينو وهو غمزني ناري ياربي كنت غنسخف حتى حسيت بشي قرسة درت و لقيت شيماء هي لي قرساتني و هدرت معاها بشوية
فداء :شيماء واش شفتي داكشي لي شفتو ناري راني غنموت انا عرفتي قلبي كيضرب و كنحس براسي كنطير اووووف
شيماء :ههههه هادشي غير غمزك و درتي هاد شي أما لوكان دارليك شي حجا خرى معرفت شنو ممكن ديري ديك ساعات باينة غيكون داك لقلب بدأ كيدق ههه
فداء :هنينا دابا ندمتينا كاع علاش كنعاودليك ...
قاطعنا صوت الجرس و كل تلميد لتحق بالقسم ديالو
قرينا من 2 حتا لستة عند الماط و رجعت للدار لقيت بابا جا من الخدمة و كياكل مشيت نغسل يديا و خويا فهد مشا سلم على بابا
لاحضتو بأن العلاقة مع الأب ديالي فيها المشاكل حيت السبب ال الوحيد فهادشي هو .....
---------------------------------
هاد الجزء طويل على الأجزاء لوخرين باش نعوضكم و سمحولي مجددا على هاد التأخر
أنت تقرأ
قصتي مع ولد قيسمي
Paranormalهاد القصة عاودتهالي صاحبتي وبغيت تكون أول قصة نكتيها نتمنى يكون تفاعل (قصة واقعية) قصة فداء و وليد كتعمق فحياة المراهقين مابين 13 و 20 سنة
