*اختاري صح👌*
*جنه*يابنتي هتوافقي ليه طالما مش مرتحاله*
*ساره*انا الايام بتعدي وبكبر لو موفقتش هعنس كده*
*جنه*كبرتي ايه دا انتي لسه ٢٠سنه وعشان أهلك توافقي علي اي حد*
*ساره*انا معرفش ماما عماله تكلمني عشان اوافق وانا متردده*
*جنه*بوصي انا من رائيي تفكري كويس قبل اي حاجه عشان ده جواز يابنتي*
*ساره*هفكر واللي فيه النصيب يقدمه ربنا*
*ساره ساره*مامت ساره "علا"*
*ساره*حاضر ياماما*
*ساره*هقفل يا جنه واكلمك بعدين*
*جنه*ماشي بس فكري في اللي اتكلمنا فيه سلام*
*ساره*حاضر سلام*
أنهت المكالمه وخرجت ساره تكلم مامتها في المطبخ
*ساره*نعم ياماما*
*علا*ساعه بنادي ياست هانم*
ساره في سرها يوه علي موال كل يوم
*ساره*نعم يا ماما*
*علا"*خدي قطعي السلطه عشان ابوكي زمانه جاي*
*ساره*حاضر ياماما*
ساره خدت السلطه وقطعتها وهي بتفكر في اللي اتكلموا فيه هي وجنه ومحتاره جدا عاوزه ترضي اهلها وتتجوز وخايفه جدا لتندم عشان مش مرتاحه للعريس وترجع وتقول اللي مامتها قالته ليها انها هتاخد عليه لما يتجوزوا وكلام الأمهات ده خلصت وغسلت أيدها وجرز الباب رن وبيدل أن ابو ساره "مجدي" جه من الشغل
اخو ساره فتح الباب وأبوه شاله وقاله
*مجدي*ايه ياقرد وحشتني النهارده*
*عمر*ايه يابابا انا مش قرد*
*ابو ساره"مجدي"*لمض ياولا يلا روح العب علي ما اغير هدومي*
*ابو ساره لساره وامها*ازيكوا*
*ساره وعلا*الحمدلله*
*مجدي*اومال فين الزفت مش احنا في اجازه هو فين بقا*
*علا*بيلعب مع صحابه كوره وزمانه جاي يا حج*
*مجدي*هو انا مش قايل محدش يخرج من غير ازني قبل كده*
والباب خبط فتح عمر جري زي العادي ودخل محمد واول ما شاف أبوه اترعب
*محمد*بابا*
*مجدي*ايو بابا يابيه كنت فين لحد دلوقتي*
*محمد*كنت كنت مع صحابي في الملعب اللي في أول الشارع بتلعب كوره يابابا*
*مجدي*هو انا مش سايبك راجل البيت يا استاذ لحد مرجع افترض حد احتاج حاجه وانت بره اختك اللي هتنزل*
والكل في البيت مرعوب ماعدا القرد الصغير بيلعب في البلكونه بعجلته الجديده اللي أبوه شاريها من يومين
*علا*اخر مره يا حج مش هتتكرر تاني* قالت وهي بصه لمحمد بعتاب
دخل مجدي ووراه علا الاوضه وفضل محمد وساره في الصاله
*ساره*لازم نتبهدل بسببك يا استاذ النهارده*
*محمد*هعمل ايه الماطش طول النهارده غصب عني*
*علا*ساره ساره تعالي كلمي ابوكي*
.................
يتبع ........ اتمني تعجبكم❤.
*#الملكه👑💜*
