*اختاري صح👌7*
*ساره*انا همشي يا بنات*
*احمد*ايه يا ساره مش هتقعدي معانا ليه لحد ما المحاضره تبداء*
*ساره*لا انا هطلع المدرج علي ما الدكتوره تيجي سلام*
احمد حس انها اتغيرت تاني وبقا يقول لنفسه هتراجع عن الموضوع ولا ايه لا انا هحاول عشان مضعش من ايدي
*جنه*انا هرحلها عشان متبقاش لو حدها*
*احمد*روحوا انتو وانا هروح عشان محاضرتي سلام*
*جنه، نرمين*سلام*
راحوا لساره
*جنه*ايه يابنتي تكسفي الولد كده*
*نرمين*هي عملتله ايه يعني*
*ساره*اه انا عملتله ايه*
*جنه*كنتي بتبصيله بطريقه تحسسيه انك بتكرهيه*
*ساره*اكرهه ولا احبه ليه دا احنا منعرفش الا اسماء بعض بس مش اكتر*
*نرمين*عندها حق*
*جنه*هو انتي عشان اتخطبتي هتتغيري ولا ايه*
*نرمين*في ايه ياجنه*
*ساره*ايه هنتخانق عشان ده خلاص*
*جنه*متزعليش يا نرمين*
*نرمين*عادي يا بنتي ولا يهمك احنا اصحاب*
*ساره*يختي حلوه انتي وهي الدكتوره جت*
ضحكوا ودخلوا المحاضره
احمد كان مراقبهم من بعيد واتبسط اول مشاف ضحكتها
و *بيقول والله لو بايدي كنت احطك في قلبي عشان محدش يشوفك غيري*
*سامح*هي مين اللي بتاخدك مننا ياصحبي*
*احمد*شكلي هعملها وهتجوز يارجاله بس ادعولي*
*ابراهيم*مين اللي بيتكلم انت عيان يبني دا انت مبطقش البنات تقوم تحط وحده في بيتك*
*احمد*دي مش اي وحده دي بنت قلبي يابني*
*خالد*دي شكلها عملاله عمل ههههههههههه*
ضحكوا وراحوا علي المحاضره
انتهي اليوم الدراسي
وروحوا وزي ماقولنا أن نجاة كلمت باباه في موضوع الجواز هنروح نشوف ايه اللي حصل بليل لما الحج رجع من الشغل
الكل قاعد بيتفرج علي التليفزيون بعد مخلصوا مزاكره
*سعيد*حصلني علي البلكونه ياحمد عاوزك وانتي يا حجة حضريلنا كوبيتين شاي*
دخلوا البلكونه
*سعيد*ها يبني امك كلمتني الصبح بس موضحتش هي مين والموضوع كلو اقدر أفهمه منك*
*احمد*خلاص يابابا انا بفكر ناجل علي مخلص السنه واول ما اخد الاجازه نروح ونتقدملها*
*سعيد*هو لعب عيال بولاد الناس هي مش عجباك نروح ونكلم اهلها*
*احمد*بس افترض رفضت*
*سعيد*لو رفضت هي اللي خسرانه وكمان لما ترفض دلوقتي احسن من ترفض بعدين*
*احمد*طب يومين يابابا واجي احكيلك معلش*
*سعيد*المهم انك تكون راضي*
سعيد دخل وأحمد فضل يفكر هل يروح فعلا يتقدملها ولا يستني ولا يروح يعترفلها الاول ولا هو محبهاش وحابب يتجوزها عشان معصلجه معاه مبطلش تفكير الا لما لقي اذان الفجر
دخل وخبط علي أبوه وأمه وقالهم *انا هنزل اصلي الفجر وارجع*
*سعيد*ماشي وانا هحصلك*
نزل احمد فعلا وفوجئ في الجامع ب............
يتبع......
*#الملكه👑💜*
