ဆေးလိပ်တွေ တလိပ်ပြီးတလိပ် ဖွာရင်း
မှုတ်ထုတ်လုပ်တဲ့ ဆေးလိပ်ငွေ့တွေနဲ့အတူ
မ ရဲ့ အတွေးတွေကို အဆုံးထိနယ်ချဲ့ပစ်တယ်။
ငယ် ထုတ်မပြခဲ့တဲ့ ချစ်ခြင်းမေတ္တာက
မ ကို ချစ်ခဲ့ဖူးပါတယ်လို့
တိတ်တဆိတ် ဝန်ခံနေခြင်းလား။
ဟန်ဆောင်ကောင်းခဲ့တဲ့
ငယ်ရဲ့ ခံစားချက်တွေနဲ့အတူ
ငယ်နှလုံးသားလေးဟာ
မကို သတိရတဲ့အခါ နာကျင်နေမလား။
မ ရဲ့ ရူးကြောင်ကြောင်အတွေးတွေကို
ငယ်သိရင် ခပ်စွာစွာ ရန်ပြန်တွေ့မယ်ထင်ပါရဲ့။
"ပြန်လာခဲ့ပါ ငယ်ရယ်''
"မ လေ သတိရတယ် ငယ်ကို''
" ငယ်ရဲ့ ကိုယ်သင်းရနံကအစ
လွမ်းဆွတ်နေကြောင်း"
ဒီစကားတွေ ငယ် ကြားတော့မယ်မထင်။
လရောင်အောက်က
ကောင်မလေးတစ်ယောက်ဟာ
သူရဲ ချစ်ခြင်းမေတ္တာကို သက်သေထားပြီး
တောင်းဆုတခုကို ခဏခဏ ဆုတောင်းခဲ့တာ။
"ငယ်အပေါ် မရဲ့ ချစ်ခြင်းမေတ္တာ
ရောင်ပြန်ဟပ်ပါရစေ" တဲ့။
