نوح (مكتمله) بقلمي آلاء محمود

الفصل الثالث

ف المستشفي ....
د. رؤوف : اومال فين سلمي؟
هاله : تعبت يا دكتور ومقدرتش تدخل
اسلام بقلق : هي كويسه !؟
هاله : مش عارفه بس شكلها ميطمنش
د.رؤوف : طيب يلا نشوف الحاله
................................................................
اوضه الحاله مرام .....
الممرضين مكتفينها ..
شروق بهمس : ع فكره ياجماعه .. الحاله دي مريبه بجد
د.رؤوف : نورتينا يامرام
مرام : هيجي ... هيجي .... هيجي ... هيجي
سفيان بستغراب : مين اللي جاي !؟
مرام : هيجي ... هيجي .... هيجي .. هيجي
................................................................

سلمي دخلت تغير هدومهاوبصت ل ايدها واتنفضت ايه ده دي اختفت .. وبخوف ايه ده بقا هو ايه اللي بيحصل ده
نبيله : سلمي تعالي كلمي  اخوكي ع التليفون
سلمي بخوف : بصتلها وبصت ع ايدها .. ماما العلامه اختفت
نبيله بأستفهام : علامه ايه سلمي !؟
سلمي بأستغراب : يا ماما ركزي اللي قولتيلي عليها امبارح  لما لقتيني نايمه ف الحمام .. الحرق ياماما
نبيله بخضه : حرق وريني !؟  وغير هو انتي نمتي ف الحمام يا سلمي .. يالهووووي  ... ده اللي باخده من شغلك
سلمي بستغراب  : ماما المهم دلوقتي  انتي دخلتي ورايا بعد مادخلت الاوضه امبارح ودخلتيلي الحمام
نبيله :  انتي سخنه يا سلمي ياحبيبتي تعبانه .. ايه اللي انتي بتقوليه ده ... سلمي انا دخلت نمت بعد انتي مادخلتي اوضتك ع طول يا حبيبتي .. حتي اسألي خالد
سلمي بصدمه : نعم
نبيله : اهدي كده و نامي شويه .. انتي واضح انك مرهقه وتعبانه ومش مركزه يلا يا لومي وسابتها وخرجت
سلمي : لا انا واثقه اني ماما كانت معايا ف الاوضه .. طب ازاي وماما بتقول لا .. اومال انا مين كان عندي ف الاوضه ! مين وفضلت مسكه راسها ... والمكان فجأه ضلم .. وفي همس كتير حواليها .. اتنفضت .. وبصريخ ماما ماما ماما
بهمس محدش هيسمعك .. انتي هنا ف عالمي انا
سلمي بخوف : اعوذ بالله من الشيطان الرجيم
صوت ضحكه عاليه ..  انا ولا  شيطان ولا جن ..
سلمي بخوف : طب طلما انت ولا كده ولا كده .. عايز مني ايه .. وليه مش شايفاك ... والنور فتح تاني ..
خالد : سلمي .. ايه يا حبيبتي انتي بتنامي وانتي قاعده عادي كده
سلمي اتنفضت : وبصت حواليها لقت نفسها ف اوضتها .. خالد انت هنا من امتي !؟
خالد : بسم الله .. مالك يا بنتي .. انا بقالي شويه هنا  .. دخلت لقيتك ماسكه راسك وعرقانه .. انتي تعبانه اوووي كده تعالي يلا اخدك للدكتور عشان شكلك مايطمنش عشان اطمن عليكي
سلمي : لالا .. انا هنام وبأذن الله لما اصحي هكون كويسه
خالد : سلمي بطلي مقاوحه
سلمي : متقلقش عليا .. والله لو لقيت نفسي تعبت اكتر هجيلك بنفسي ونروح للدكتور ...
................................................................
ف مكتب د .رؤوف ...
عز : دكتور الحاله دي غريبه اوووي بجد تخوف
شروق وهاله : ايوه فعلا .. دي مش غريبه دي مرعبه
سفيان بخوف : انا متنازل عنها .. انتوا شوفتوها لمابقولها مين اللي جاي مسكت ف رقابتي ازاي .. دي كانت هتموتني حسبي الله ونعم الوكيل
د. رؤوف بحده  : ف ايه يا دكاتره .. احنا هنهزر ولا ايه .. الحاله دي مهمه جدا .. اثبتوا نفسكوا فيها .. وبص ل اسلام .. اسلام انت وسلمي الحاله دي اشرفولي عليها .. رقبولي تصرفاتها .. كل حاله بيكون ليها نقطه ضعف .. وهي اكيد ليها نقطه ضعف .. اعرفوها وهتسهل عليكوا كتير ..
اسلام : حاضر يا دكتور  هقول لسلمي ... 
د. رؤوف : والباقي اكتبولي ملاحظات عنها .. وبتمني انكوا تكونوا عند حسن ظني وسابهم ومشي
سفيان : واضح اني احنا داخلين ع مرار طافح ...
................................................................
سلمي صلت فروضها وطلعت قعدت مع مامتها وخالد
نبيله : ياااه يا سلمي .. بقالك كتيىر اوووي مطلعتيش تقعدي معانا كده
سلمي : يلا اهو عشان تعرفي اني مش حرماكوا من حاجه
نبيله : بلا نيله يا اختي .. ده انتي واخوكي دايما حرقلي دايما
خالد : طب وانا مالي يا ست ماما .. انا اتكلمت .. ده احنا بنحبك والله
نبيله : اللي بيحبني يسمع كلامي .. مش تنحروا ف قلبي كده  وبصت لسلمي .. عامله ايه مع اسلام ؟
وجرس الباب رن ...
خالد وهو رايح يفتح
سلمي بأندفاع : ده اسلام
خالد فتح لقي هو فعلا
خالد بستغراب : انتي عرفتي ازاي
سلمي : مش عارفه والله ..
اسلام بستغراب : هو ف ايه !؟
نبيله بفرحه : اصل واضح كده ان قلبها حس اني انت يا ابني اللي ع الباب
اسلام بأمل : بجد يا سلمي
سلمي بنفاذ صبر : ف ايه يا جماعه .. دي كانت كلمه يعني
نبيله : بقت تبصلها عشان تسكت .. طب انا هعملكوا حاجه تشربوها قعدي مع خطيبك يا ميله بختي ف الدنيا
سلمي : اقعد يا اسلام .. عملتوا ايه ف حاله مرام !؟
اسلام : مكلمتنيش !؟ هو لازم انا اكلمك عشان تكلمي .. بس ع العموم مش ده اللي جاي عشانه
سلمي : طيب طلما انت مش جاي عشان كده بتكلم فيه ليه !؟
اسلام اتنهد تنهيده حزن : ماشي يا سلمي حقك عليا يا ستي
سلمي : خلينا ف المهم دلوقتي .. حاله مرام طلعت ايه !؟
اسلام : لسه مشخصنهاش
سلمي : ازاي
اسلام : اول مادخلنا قعدت تقول كلام مش مفهوم .. وبعدين لقيناها بتقول هيجي هيجي مافيش ع لسانها غير الكلمه دي ... وسفيان بيقولها مين ده اللي هيجي .. وهوبا لقينها مسكته من رقبته بطريقه تخض .. 
سلمي قلبها انقبض بس حاولت مايبنش عليها ...  عادي يعني اكيد عدوانيه ولا حاجه  ع اساس اني احنا اول مره نتعرض لحاجه زي دي
اسلام : لا يا سلمي مش عادي ... دي مسكت راجل وقوه راجل مش قوه بنت ابدا .. انتي مشوفتيش المنظر ... واضح اني احنا هنعاني منها بجد
سلمي : قلبها انقبض اكتر بس برضو حاولت مايبنش عليها ... يوم اسيبكوا وامشي فيه بدري ويحصل كل ده
اسلام : انتي مشيتي ليه صح !؟ انتي كويسه !؟
قطع كلامهم دخول نبيله
نبيله : عشان مبتسمعش الكلام يا اسلام ..  مبتفطرش ومغلباني ف الاكل .. والله انا خايفه تقع من طولها ولا يحصلها لقدر الله حاجه .. اذا كان ف الشارع او ف المستشفي .. ده وشها يا حبه عيني الفتره دي دايما اصفر كده
سلمي بنفاذ صبر : ماما خلاص .. هننشر غسيلنا قدام الناس
نبيله : اسلام مش ناس .. اسلام خطيبك يعني من العيله .. والنبي يا ابني عقلها ممكن تسمع كلامك
اسلام : بنتك مبتسمعش كلام حد يا امي ... هستأذن انا بقا بعد اذنكوا وبص لسلمي لازم تيجي بكره عشان انا وانتي اللي هنشرف ع حاله مرام ولازم تشوفيها عشان انتي الوحيده اللي لحد دلوقتي لسه مشوفتيهاش
نبيله : كده يا اسلام .. انت جاي ف ايه ورايح ف ايه
اسلام : بعتذر يا امي .. بس انا بجد مرهق جدا
نبيله : ربنا يقويك يا ابني ياررب
اسلام : اللهم امين يا ررب
.................................................................
نبيله : انا نفسي اعرف بتعامليه كده ليه .. ده شكله يا حبه عيني مرهق وانتي جبله مابتحسش وبتعامليه وحش
سلمي : ماما لو سمحتي بس
نبيله : طبعا بس ماهو الكلام مش عجبك ولا ع هواكي
سلمي : استغفر الله .. ماما انا داخله انام عشان الشغل بكره تصبحي ع خير
خالد : خلاص يا ماما سبيها ع راحتها
نبيله : هو ده اللي باخده منكوا يا ولاد محمد هتفقعولي مرارتي
................................................................
ف اوضه سلمي ..
موبايلها رن ..
سلمي : ايه يا هاله !؟
هاله : ايه يا حبيبتي كويسه دلوقتي .. انتي كنتي تعبانه اوووي الصبح
سلمي : الحمد لله احسن
هاله : والله يا بنتي انا لو عليا كنت خليتك تاخدي اجازه بس دكتور رؤوف الحاله الجديده دي عملاله هسهس
سلمي : واضح .. اسلام حكالي
هاله : الواد سفيان .. ميت ف جلده اصلا .. بقولك ايه انا كنت بكلم شروق دلوقتي وقالتلي ان رقبه سفيان فيها كسر اصلا
سلمي باستغراب  : لدرجادي
هاله : البت قادره اوووي عصابها ناشف بنت اللذينه .. برغم لو شوفتيها رفيعه جدا تحسي انها مبتكلش اصلا يعني مايطلعش منها خالص انها تكسر رقبه سفيان  .. ده احنا هنشوف ايام سوده الفتره الجايه
سلمي : خت بالي .. طب يلا روحي نامي وانا كمان عشان نبقا فايقين الصبح
هاله : اشطات تصبحي ع خير
سلمي : وانتي من اهل الخير
................................................................
سلمي اول ماغمضت لقت نفسها ف نفس البدروم بس المرادي لقت بنت مربوطه ف سرير
البنت بصريخ: سااااااااااعديني ... ارجوكي ساعديني قبل مايجواااااااا
سلمي : بدات تفكها .. مين دول وانتي مين وبتعملي ايه هنا ؟!
البنت ببتسامه خبيثه وصوت غريب : مرررررررررام 

يتبع ««««««««««««««