نوح (مكتمله) بقلمي آلاء محمود

الفصل التاسع

سفيان : انا خايف
عز : وانا كمان
سفيان : اسلام هو محصلش اي حاجه صح !؟
اسلام : هو انت ليه حاطت ف دماغك اني انا السبب
عز : موت سوزان غريب وف وقت اغرب يا اسلام 
سفيان : انتوا مستغربتوش انها جابت سيره نوح انا حسيت ان هيغمي عليا
عز : انا حسيت ان قلبي وقف للحظه
اسلام : خرعين اوووي انتوا خايفين من واحد ميت .. وبستهزاء ايه روحه بتطاردنا مثلا .. متعصبونيش بجد
عز : اسلام بطل سخافه .. ع اساس يعني ان سلمي عارفه مين نوح !؟ وغير برضو سوزان عرفت نوح منين !؟
سفيان بقلق : انا معنديش حاجه اخسرها تاني .. انا تعبت مش كفايه موت مراتي هما عايزين مننا ايه !؟واضح اني اللعنه هتفضل تتطاردنا دايماً انا حاسس اني مبلحقش افوق ..
..
د. رؤوف : كل حاجه جاهزه ..
الممرضين : كل حاجه
د.رؤوف : كويس .. خليهم وقت مايحين الوقت يبقا كل حاجه جاهزه
..

اوضه مرام ....
دخلت لقتها ماسكه ورقه وعماله تشخبط شخبطه غريبه
مرام : لدرجادي كنتي متردده تخشي يا دكتوره
سلمي بستغراب : انتي عرفتي ازاي ؟
مرام : بصتلها .. قولتلك اني اعرف عنك كل حاجه وكل مكان بتروحيه .. الله يرحم قريبتك وبخبث مش سوزان برضو
سلمي : انتي مين !؟ وعايزه مني ايه !؟
مرام : اسألي السؤال الصح !؟ هو اللي عايز منك ايه ؟ مش انا
سلمي : هو مين وايه الالغاز دي متلعبيش معايا بالالغاز يا مرام
مرام : انا مبلعبش معاكي وانتي عارفه كده .. انا ف رساله بحاول اوصلهالك وانتي تحولي تفكيها
سلمي بسخريها : انا دكتوره .. مش بفك شفرات
مرام : عارفه .. بس تقريبا .. الدكاتره اذكيه وبيفكروا وبيحاولوا يفكوا صعوبه الحالات بطريقتهم
سلمي : ساكته
مرام : تعبانه صح .. حاسه ان عقلك بيتحرق
سلمي : بصلها وساكته
مرام : فيه ف دماغك مليون سؤال انا عارفه بس للاسف انا مش هعرف اجوبك عليهم ..
سلمي كانت هتمشي بس صوت مرام وقفها
مرام : سلمي .. احمي روحي ومتأمنيش للي قريبين منك .. انتي حواليكي جزارين .. دي الحاجه الوحيده اللي هقولهالك
سلمي بصدمه : جزارين !؟ انا مش فاهمه حاجه
مرام : مانتي مش هتفهمي اي حاجه يا سلمي .. بس اللي لازم تفهميه عشان مايجيش عليكي الدور .. عشان لو جيه عليكي الدور هيكون فات الاوان
ودخل فجاه اسلام
اسلام بستغراب  : سلمي !
مرام : بقت تصرخ بهيستريا .. بطريقه مفزعه ... طلعوا برا .. وبقت تنكمش في نفسها وتصرخ .. وتبص لسلمي .. طلعي برا ارجوكي طلعيه ابعديه ابعديه عني
سلمي : اطلع برا يا اسلام .. اهدي اهدي يا مرام
مرام بعياط : متخليهوش يخشلي ارجوكي
سلمي : اهدي كده بس ..  ليه ؟! .. هو متابع حالتك زي بظبط
مرام : اطلعي برا انتي كمان اطلعي ..اللي حواليكي جزارين .. اللي حواليكي جزارين .. اللي حواليكي جزارين
سلمي : بقت دماغها  مدوخاها من كتر التفكير والجمله عماله تتردد ف ودنها 
..
سفيان : مالك واقف ف الممر ليه يا اسلام
اسلام : مرام طردتني من جوا
سفيان بستغراب : غريبه ده انت اللي متابع حالتها انت وسلمي .. احنا بس بنكتب ملاحظات اللي بنتقولوا عليها .. بس غريبه اوووي بجد
سلمي : هو ايه اللي حصل .. هي اول مره تتفزع منك كده .. هو انت عملتلها حاجه
اسلام : معملتش حاجه .. انا كنت داخل اشوفها واتفاجأت انك عندها
سلمي : مسكت دماغها انا مصدعه جدا ... وسوزان الموضوع مش عايز يخرج من دماغي مش متخيله اني بنت عمتي ماتت ربنا يصبر قلب عمتو جليله بجد ..
سفيان : هو العزا امتي بتاعها
سلمي : مش عارفه .. بس تصرف ماما وعمتو جليله النهارده .. بيقول ان ماما مش هتخلي حد فينا هيروح العزا اصلا ...
اسلام :  بس موتها مفاجيء يعني لازم تتشرح ..عشان يعرفه سبب الوفي
سلمي. : تتشرح ايه لا طبعا .. اكيد هارت اتاك (ساكته قلبيه )
سفيان : فعلا سلمي عندها حق .. ولنفسه بتمني تكون هارت اتاك  فعلا مش حاجه تانيه ياررب
..
نبيله رايحه جايه ف الشقه
ياررب انا كنت ارتحت ليه .. بعد السنين دي كلها يحصل حاجه تاني .. انا تعبت .. سلمي لو عرفت تبقي كارثه .. كل حاجه بسببك يا محمد انت ورؤوف .. كل المصايب دي جت بسببكوا الله يسامحكوا
واكيد زي ماخده سوزان ممكن ياخده سلمي .. لا ياررب سلمي مالهاش دعوه  ياررب مايعقبوها ع حاجه هي مالهاش ذنب فيها .. يارب احميها ياررب
انا لازم اكلم اسلام لازم هو يشوف حل ف اللي هيحصل ده ..
نبيله : الو يااسلام
اسلام : متوقع حضرتك بتكلميني ليه ؟
نبيله بخوف : ابواب الجحيم شكلها بتتفتح علينا تاني
اسلام : متقلقيش مافيش ابواب هتتفتح ..احنا قفلناها من ساعتها
نبيله : قفلته ايه .. واللي حصل مع سوزان .. ده حد راجع ينتقم ده صوته غضبان .. ومين نوح ده كمان هو قال اسمه
اسلام : جتله رعشه كده بس مهتمش .. مش مهم متقلقيش يا امي محدش هيقرب لسلمي ..انا هعمل المستحيل انها تكون كويسه .. ربنا يستر بس
..
سلمي نزلت تتمشي ف جنينه المستشفي وقعدت ف مكان بعيد عن المستشفي ..
سلمي لنفسها : ايه المكان ده انا اول مره اشوفه .. شكله يخوف اوووي .. وكانت لسه هتخشه بس ف صوت وقفها
الشخص : بلاش تدخلي .. المكان جوا يخوف ماينفعش تدخليه
سلمي بخضه : انت خضتني بجد
الشخص : اسف مكنتش اقصد .. متبعديش عن المستشفي
سلمي : لا انا كنت بتمشي عادي ولقيت نفسي هنا ولنفسها ايه ده ف ايه هو انا ببررله ليه اصلا وهو ماله
الشخص : مشوفتكيش الصبح
سلمي : كان عندي حاجات بعملها .. وبطرف عنيها هو كان ف حاجه حصلت مع مرام كنت حضرتك عايز تقولهالي
الشخص ببتسامه : لا كنت عايز اقعد معاكي بس .. انا اصلا برتاحلك
سلمي بأندفاع : ع فكره انا مخطوبه .. وماينفعش نهائي تقولي برتاحلك والكلام ده
الشخص بهدوء : تقريبا مخطوبه ل د. اسلام صح ! بس انتي مبتحبهوش
سلمي : نعم هو انت دخلت جوايا وانا معرفش .. وازاي اصلا تدخل ف حاجه متخصكش ..  بقولك ايه انت بس اخو مريضه هنا ومن هنا ورايح علاقتك مع اسلام او باقي الجروب اللي ماسك حالتها مش معايا تمام
الشخص بهدوء و ببتسامه : وقت ماتحتاجيني هتلاقيني يا دكتور سلمي وسابها ومشي
سلمي بستغراب  : احتاجه ! اوف اه ياربي ع الصداع .. بقوا كل اللي حواليا بيجبولي صداع .. وافتكرت جمله مرام " كل اللي حواليكي جزارين " قد ايه نفسي اعرف قصدك ايه يمكن اقدر اساعدك وتخفي
..
خالد : ماما انا هروح اقف مع سراج ف عزا سوزان
نبيله : لا مافيش مرواح هناك
خالد : هو ايه يا ماما اللي بتقوليه ده !؟ لا طبعا ماينفعش نسيبهم ف وقت زي ده
سلمي جت ..
خالد : كويس اهي سلمي جت ..  الحقي يا سلمي .. ماما بتقول ايه !؟
سلمي : سبني اتوقع ايه مش موافقه تروح العزا اكيد
خالد : ايوه انا مستغرب ليه بتعمل كده هو ف ايه بجد
سلمي : ماما عمتو محتجانه جمبها حرام يعني
نبيله بزعيق : قولت مافيش مرواح والموضوع انتهي واياك يتفتح تاني وكل واحد يلا ع اوضته
خالد : انا ف حاجه عايز اتكلم مع سلمي فيها
نبيله : ع اوضتك مافيش كلام
سلمي : ماما ع فكره احنا مش صغيرين ف ايه !؟
نبيله : ف ان انتوا تسمعه كلامي ومتتعبوش قلبي يلا اتفضلوا
سلمي وخالد بصوا لبعض وكل واحد نفذ كلامها
..
د. رؤوف : مالك يا اسلام متوتر كده ليه
اسلام بقلق : مرام النهارده اتفزعت اول ماشفتني .. وبقت تصرخ .. انا مقلق انها تكون شافتني بس ازاي .. هو انتوا مش كنتو مخدارنها
د.رؤوف بزعيق : دي تبقا كارثه لو شافتك ..كارثه فاهم
..

سلمي دخلت اوضتها ...
وبدات تغير هدومها ومتعرفش ليها جتلها قبضه القلب اللي بتجلها وحسيت كان ف حاجه بترقبها وقريبه منها كمان .. بقت تستعيذ من الشيطان بس قلبها بينبض بطريقه ترعب لدرجه انها حاسه اني قلبها هيقف ف حاجه غلط ف حاجه مرقبها ايوه هي حسه بده
وبهمس متلفيش وراكي نهائي
غمضت عنيها ولقت نفسها تلقائي بترد عليه انا حاسه بنفس جمب ودني ف سخنيه انا حاسه بيها كان ف نار حد بينفخ ف ودني
وبهمس فيها نبره خوف متلفيش متلفيش نهائي

يتبع «««««««««««««««