اسلام : سفيان انا عايز تقرير عن حاله مرام وبسرعه
سفيان : حاضر وبخبث بس هعرضه ع سلمي الاول
اسلام : لا هاتهولي انا ع طول
سفيان : هعرضه الاول عليها برضو
اسلام : انت عايز ايه يا سفيان ؟؟
سفيان : انا هعوذ ! لا مش عايز انا بفهمك بس
اسلام : المشكله اني عرفك يا سفيان
سفيان : والمشكله اني مش واثق فيك يا اسلام ولا انا ولا عز
اسلام ببرود : وايه كمان يا سفيان !
سفيان : هقولك ع حاجه ... اسلام اظن انك خسرت طنط .. ايه متوجعتش عليها .. ولا انانيتك وجشعك نسوك ده .. شيطانك حلو اوووي مسيطر عليك يا اسلام وللاسف انت مستسلمله .. ليه يا اسلام احنا اتعاهدنا اني محدش فينا هيرجع تاني
اسلام ببرود: وانا مش من المبشرين بالجنه يعني عشان التزم بالعهود
سفيان : قرب منه .. لو حد فينا اتعرض ل اي حاجه انا هقول ل سلمي وهفضحكوا يا اسلام فاهم
اسلام ضحك جامد بسخريه : تقولها !؟ ..هتقولها ايه .. هتقولها اني احنا ابشع مخاليق ربنا طب وبعدين .. بس ياتري بقا هتقدر تقولها اني د.محمد كان من ضمن الناس الابشع مخاليق ربنا دول . طبعا لا .. عشان انت عارف اني سلمي مش هتقدر تتقبل ده ابدا ... واني هي خدت وقت عقبال ماتقبلت موته .. ياتري بقا هتتقبل اني احنا كنا متحالفين مع الشياطين .. امشي يا سفيان امشي
_________________________________________
د. رؤوف : اقعد يا عز
عز بغضب : مكنتش اعرف اني انت واسلام بالقذاره دي .. بتزلني بشروق .. هي مالهاش ذنب .. ليه تعاقبها ع حاجه مالهاش ذنب فيها .. برافو عرفت تمسكني من ايدي اللي بتوجعني
د.رؤوف بلامبالاه : خلصت ! لو خلصت .. خد بعضك وروح ل اسلام وهو هيفهمك هتعمل ايه !؟
عز : ارجوك كفايه .. انا مش قادر اخسر حاجه تانيه .. شروق اللي فضلالي حرام عليك حرام .. انا مش هقدر اخسرها صدقني مش هقدر
رؤوف بهدوء : انت ليه مكبر الموضوع يا عز .. اهدي كده .. طب مانا خسرت وبرغم ده اهو موجود
عز : انا مش عارف ارد اقولك ايه .. بس ارجوك فك اللي انت عملته فيها ارجوك
رؤوف : مفعوله كان هيروح اول ماتجيلي وانت دلوقتي عندي يعني راح المفعول خلاص
_________________________________________
سلمي دخلت مكتبها وفجأه بدات تحس بأرهاق وسخنيه غريبه حواليها وراسها بقت تنزل ع المكتب براحه من تعب غريب بقا ف جسمها .. وفجأه لقت نفسها ف البدروم تاني برضو
بس المرادي البدروم مش ضلمه البدروم منور كانه جديد ولقت طفل والطفل بدا يزحف عليها كانت هتوطي تاخده ... وفجأه الطفل بقا شخص كبير وملحقتش تشوف ملامح والنور ضلم تاني .. فضلت وقفه مصدومه وفاقت
ع عياط طفل ف عربيه اطفال .. واول مابدات تقرب لقت بوقه بينزل حاجه خضره لزجه .. وبصرخه هكون جواكي وف دبان طلع من بوقه ف وشها ..
اسلام : سلمي
سلمي اتنفضت وبقت تبص حواليها
اسلام : مالك يا سلمي .. انتي كويسه !؟
سلمي : اسلام اقعد انا عايزه اقولك ع حاجه
اسلام : قولي يا حبيبتي
سلمي بخوف : اسلام انا بشوف حاجات غريبه .. انا معرفش ليه بقولك انت كده بس مش عارفه بجد
اسلام : حاجات غريبه ازاي مش فاهم !
وقطع كلامهم دخول سفيان المفاجىء
سفيان بخضه : انتوا قاعدين هنا .. الحقوا مرام الحقوها يلا بسرعه
اسلام وسلمي بصوا لبعض واتنفضوا من مكانهم
________________________________________
خالد واقف ف الحمام لقي ايد بتحط ايديها ع كتفه
بص ورا مالقاش حاجه
هو انا عيان لدرجادي .. لقي اللي حصل اتكرر تاني .. ايه ده بقا بص ورا لقي وفضل متنح هاله
هاله : مالك يا حبيبي
خالد : حبيبي ! وف اوضتي بقا يدعك ف عينيه
هاله : خالد انت كويس
خالد : هاله انتي اتجننتي انتي بتعملي ايه ف اوضتي يلا اطلعي عشان ماما لو شافتنا كده هتفهمك غلط يخربيتك
هاله : وفيها ايه يعني يا حبيبي .. مانت كلها فتره وهتكون خطيبي وبعد كده هتكون جوزي وكده يعني
خالد : هاله .. مالك ماتهدي كده
نبيله دخلت فجأه
نبيله : كلملي اختك
خالد : بص ورا مالقهاش .. فضل متنح .. ايه ده ف ايه هي فين !؟
نبيله : هي مين اللي فين !؟ف ايه يا خالد مالك
خالد بستغراب : هاله
نبيله : مالها يا ابني .. هي كويسه !؟
خالد : ساكت
نبيله : خالد خالد
خالد : فاق نعم يا ماما ف ايه !؟
نبيله : انت اللي ف ايه يا بني !؟
خالد : مافيش وعشان يتوهه الموضوع .. انا هكلمك سلمي حاضر يا ماما
نبيله : ماشي يا خالد وخليها ترجع بدري وسابته ومشيت
خالد : انا لدرجادي دماغي خلتني اتخيل هاله .. يا حول الله يا ررب ايه اللي بيحصل ده
_________________________________________
اوضه مرام ....
مرام بيحصلها تشنجات بس بطريقه مخيفه ... لدرجه ان كل الممرضات خايفين يقربه منها
سلمي واسلام دخلوا وفضلوا متنحين من المنظر ..
لقوها عماله بتقول كلام غريب وصوتها اغرب ومتعلقه ف الهوا وكمان مربعه رجليها
سلمي : الصوت ده انا سمعته من سوزان نفس الصوت قبل ما سوزان تموت
عز وسفيان : بقوا خايفين بطريقه خلتهم يتمنوا الارض تنشق وتبلعهم
مرام بدات تقرب منهم ووقفت قدام سلمي
مرام بصوت غريب : حطت ايديها ع بطنها .. لسه محطش بذرته جواكي .. بس هيحطها وابتسمت ابتسامه شيطانيه
اسلام : كان لسه هيمسك مرام ..لقي مرام مسكته من دراعه وتنتهوله عملتله كسر
سلمي : اسلام
اسلام : اه دراعي ... ااربطوها يلا يا اغبيه
مرام بصوت مخيف : هيجيلكوا كلكوا هيموتكوا بأبشع الطرق .. هيخليكوا تكرهوا اليوم اللي جيتوا فيه ع الدنيا ... وبصت ل سلمي وبهمس انقذي خالد .. وسلمي سابت اسلام و طلعت تجري
سفيان : سلمي سلمي .. انتي قولتلها ايه !؟
مرام : ابعد عنهم .. ابعد ده اللي هقولهولك .. واغم عليها
_________________________________________
خالد : ماما انا كلمتها بس مبتردش ممكن تكون مشغوله .. ايه ده هي راحت فين !؟
انا العياه ده بجد هيوديني ف داهيه
سلمي جت وعماله تنهج ..
خالد : سلمي ايه اللي جابك بدري ومالك بتنهجي كده ليه
سلمي : هو انا مش بكلمك مابتزفتش ترد عليا ليه
خالد : انا كنت بكلمك اصلا ومجاليش اي رد افتكرتك مشغوله اهدي كده ف ايه
سلمي بقلق : المهم دلوقتي خالد انت كويس
خالد : انا عيان بس .. بس تمام .. عايز اقولك ع حاجه
سلمي : الحمدلله .. الف سلامه يا حبيبي .. قول
خالد : حكالها ع اللي حصل معاه وانه شاف هاله
سلمي : شوفت هاله ف اوضتك وماما مشافتهاش ؟! وغير ازاي هاله كانت معانا اصلا
خالد : ورحمه ابويا يا سلمي شوفتها وكانت بتكلمني زي مانا بكلمك كده ..
سلمي : بدات تحس بخوف بس حاولت تداريه .. بص ادخل نام هو انت بس السخنيه عمله معاك مشكله
خالد : مكنش العشم بتتريقي ع اخوكي حبيبك
سلمي : امشي ع اوضتك .. هي صح ماما فين !؟
خالد : مش عارف والله قالتلي كلملي اختك وبعد كده فص ملح وداب . ايه ماما دي بجد
سلمي : ماما تخلي الواحد يتجنن اكتر ماهو
خالد : ف دي عندك حق .. انا هدخل انام بقا ولما اصحي نبقا نشوف ماما فين انا وانتي وبابا وناهد وكلنا
سلمي بضحك : انا وانتي وبابا وناهد وكلنا .. جايلك قلب تستظرف وماما مش موجوده
خالد : وانتي جالك قلب تضحكي وماما مش موجوده
سلمي : بتردهالي انت كده
خالد : مبحبش اتكلم عن نفسي كتير
سلمي : ادخل استريح .. بدل ماريحك من الدنيا كلها
خالد : عنيفه انتي اوووي يا سلمي ..ع فكره انا لو حصلي حاجه هتحزني عليا اوووي خليكي فاكره .. عشان انا حد مهم جدا بنسبالك
سلمي : قلبها انقبض اول ماخالد قال كده .. بعد الشر عليك يا خالد بس بقا
خالد ببتسامه : اهو شوفتي .. وملحقش يكمل الكلمه ولقي النجفه بجزء من السقف وقع عليه
سلمي بصريخ : خاااااااالد
يتبع «««««««««««««««««
أنت تقرأ
نوح (مكتمله) بقلمي آلاء محمود
Horrorبقلمي الاء محمود 💜 كيف لروح تسعي للأنتقام يكون داخلها الخير والشر .. كيف اذا تدخل الأمر لتحرير ارواح بريئة من ايدي شيطاناً او بالأحرى شيطاناً يجري ف دمائنا دائماً يجعلنا نعصي ويقوم بإيقاعنا في شر اعمالنا .. وفي النهاية يخبرنا بأنه يحب الله ويطيعه...
