فُصْلِيَة سُمْرَّةَ

بارت....١

- 1‪
مرحبا.... بالبداية حبيت ارحب بيكم اني. اسمي غزل وني

عمري ٢٣ سنة اداوم بكلية طب الاسنان جاَمعة بغداد....

عائلتي همة والدي الله يخليه.. جلال الدين عدنان...
والدتي ربي يحفظها... اساور ياسين...
اخوي الجبير أزّر.. حبيبي هو صح نفسية بس بضهري من احتاجة...
ني جنت كولش محبوبة من كليتي لان حلوة وذكية.. واخلاقي ينحلف بيها....
جانت عندي ٣ صديقات <اديان وسارة وهاجر>...

جانت اديان اغلى صديقاتي وجنت كلش مقربة منها... بس القدر فرقنا لان بيوم اجة الولد التحبة اديان اعترفلي وكتل روحة علي بس ني اعرف انوا اديان تحبة فرحت كتلها...
اديان كامت تبجي وتعاركت وياي بحجة انو اني...
كح** تبوك بالزلم....
_________________________________________________

فقبل كم يوم خابرتني اديان وكلتلي اذا متبطلين من الدوام عندي صور الج بعرس اختي نور حنشرهن وافضحج...!.

ني هنا ختنكت واخذتني العبرة بس لزمت روحي وصحت بيهة لج اديان جربي وني لاراويج شلون...
ورة ايام اجت امي تلطم وملخة روحهة....

كتلها: خيرج يالغالية شبيج تبجين... شصاير خوما ابوي صايرلة شي...؟.
هنا امي حظنتني وكعدت تبجي... كالت:ولج يابنيتي سودة علية... اااخ يمة اااخ...!.

كتلهة: شصاير؟... هنا طب ابوي ولمن شفتة حسيت اكو شي عيونة صايرات دم والوجه اصفر...

كتلة :خيرك يالغاي شصاير....

كال : كلة من وراج.. اخوج اخوج أزر كتل اديان...!.

كتلة : لايابة لا اخوي مايسويهة.. اخوي ميمد ايدة علة مرة...!.

كال : اخوج لمن شاف الصور وعرف هية السبة راح للكلية اتعارك وياها وهية طولت السانها فما تحملت غيرتة.. واحد يحجي علة عرضة ويسكت الة.. كام طلع المسدس وكتلهة... وهسة ني شردتة بالكوة...!

هنا ني اتنغز كلبي اخوي.. اخوي يكتل اديان.. لا لا....
ماتحملت اخذتني العبرة وكمت ابجي راسا...

فسالت ابوي: وشكلولك هسة شصار...؟.

كال: انتهت الفضة بين العشاير تعويض ببنية و٢٥ مليون...! او اذا رفضت يكتلوها لاختة....

كتلة: لا لا اخر شي ارضة بي ماتزوجة لو اموت... ني اتزوج واحد مثل علي اخو اديان.. لا بابا ماكدر ماارضة...

كال:بابا يكتلوج ماكدر يبنيتي لاتسوين هيج...

كتلة:مارضة.. ماروح فصلية لو علة جنازتي...

كال:لاتكوليها بوية.. تفديج روحي يا بنيتي... ارضي بي لو عالفلوس ادفع دم كلبي بمكانج بس يردون بت لو يكتلوج..!.

كتلة:انت مو هيج تكول هاذا اخر شي وكل لابنهم غزل ماتاخذ منهم واذا يريد وهمة الثار خلي يجي يجيب شاجورة ويرميني ني راضية.... عندي الموت احلة من زواجة...!.

كال :هيج تسوين بية وني ابوج.. اخوج ماراضي بالشردة يكول حيسلم نفسة بس لاياخذوج... وابنهم لازم تفكتة وكاعد..!.

فاليوم الثاني داومت بالجماعة... مدري بس كلهة داتباوع علي وتتهامس... رحت لشعبتي..
وفجاة تجي هاجر تشبكني وتبجي وسارة نفس الحال...!.

ني هنا خفت.... كتلهن: شبيجن هبطتني شصاير؟...

*كالت سارة: ولج غزولة اجة علي اخو اديان الصبح هاد يدور عليج.. يردون يكتلوج لان رافضة الفصلية... وهو كاعد منتظر بالقسم مالتة لحد مايخلص الدوام ويجيج...!.

كتلهة:خلي يجي هلة بي لااخاف منة ومن امثالة...

فلمن خلص الدوام اجة علي...
____________________________________
علي... :

اخ يابوية رجعت تعبان كلش من الدوامة وهمي اشوف ديونة شلونهة لان مااعرف كلبي نغزني عليهة اليوم..
رحت اركض والكة الدنيا نسوان مملخة انفسهة اطب والكة ديونة بالتابوت ني شفتها هنا واحس الدنيا وكفت بعيني...

كلشي حلو راح... كعدني بوية.. كعديني يمة ماتحمل فركاهة ني هاي اخيتي ونظر عيني..

اخ والله لاحرك كلوبهم مثل ماحركوا كلبي...

رحت وجنت رايد اكتلها بس ابوي كال مايصير جيبوا البنية فصلية لاخوهة...

ني هنا حلفت بغلاة ديونة لاراويها الضيم...!.
واسمع لنهة رافضة الفكرة... شني ترفض وهية بهالحال...

طبعا دلال جلال واكف بعينهة تعوفة وتجي للضيم يامن الف يتمنة اظفرها...

هنا تعصبت رحت شلت المسدس وحطيت الطلق بي وطلعت للكلية... ولن يكولون ماجت بعدهي..

رحت كملت دوامي واجيت ولكيتها بنية سافرة مو محجبة..
تتلولح جنهة ابو ابريص يدلع عيعععع والله عيععع هاي الكتلوني بيهة وحلوة وتجنن....
غزل:عابتلك هم تعيب ابو حلك....؟.
... اسكتي ولج خلي اكمل....!..

كلتلها :اكلج نتي الي وفصليتي ماخذج ماخذج... ولاتتنعوصين وهاي الحركات مال الحياية....

كلتلي: اسمع لك ني مو خدامة الخلفوك وتحجي علية... ومااخذك هاي انتة اذا زلم وكد كلمتك اكتلني وخلص السالفة...

ني هنا فار دمي واشتعلت نار.. اخذت مسدسي وسحبت اقسام..
وجهت سلاحي بوجهة...

هية مانهزت قربت ساحي براسها... وكلتلي:اكتلني واخذ ثارك...
ني اجيت اضربهة بس توقفت جنة واحد لزمني وكالي لاتكتلها..

باوعت وسفت عيونهة الخضرة تضوي بالشمس جنهة عيون بزون هنا ماتحملت سحبت مسدسي ورحت..

هية ظلت مصطنبرة بمكانها... باوعتلها بطرف عيني لكيتها كعدت بالكاع وكامت تتنفس بالكوة وجسمها يرعش من ااخوف...

ماهتميت رجعت كلت لابوي هاي البت اريدهة لو تنكلب السمة بالكاع ماخذها.. وحارك كلوبهم عليهة...!.

رحت رايد انام فجاة منظرهة طرف بعيوني واكفك جنهة عسكري مخايفة تموت.. وفجاة من رحت صارت بزون يخاف من الهوة....
ااااخ اختي اديان ليش هيج تسوين..؟ جنتي كتيلي اجيب ابن الكلب لرجليج...

وورة اسبوع سمعت امي تصيحلي... فبدلت هدومي ورحت اشوفهة شتريد...

كالت: يمة البت غصبوهة اهلها وهسة جايبينها هية والشيخ يعقدلكم...!.

هنا كلت اييي والله لاراويهة ولجيبلج حقج ياديان...

اكمل باجر لان تعبت....
باي...