فُصْلِيَة سُمْرَّةَ

بارت....٦

غزل:-

فكلت :شنو؟ وانتة منو تمنعني من الدراسة هاا....؟.
فكال:هيي ولج لتغلطين او تعلين صوتج...
فكلت:والله لاروح لعمي واكلة عليك....

فكال : لا يلوك.. صارت تتقاوة بابوية علية....
فاني كلت اهدي نفسي واتفاهم وياه....
فكلتلة:اسمع ترضة انو سجى اختك متكمل دراسة...

فكال:لااكيد ماارضة... بس شعليج بسجى..
فكلت:يعني حلال على اختك وحرام عليه...

كال:اكيد ومنو انتي... حضرتج تقارنين نفسج بسجاوي...
فطلعت اركض ورحت لعمي...
كمت ابجي وصحت : عمي ترضالياهة...

فكال : خير عمي شصارلج...
كتلة: عمي باجر عندي امتحان مهم وني سنة رابعة بالكلية وابنك ميرضة اروح للدوام...

فكال : لاعمي معليج بيه حترحين لدوامج غصباً عليه.. وانت اسمع هاي من اجت صارت وحدة من بناتي اليمسها بكلمة كانما جاي يتحداني فديروا بالكم احسن وانتي عمي روحي اقري...
فكلت : مشكور ياعمي...
وبست ايدة وراسة ورحت الغرفتي..

كعدت شوي وماحس غير بومة الخرايب طبت.. هسة اريد اعرف انت شدتسوي هنا شنو الي جابك هنا معندك غرفة تلمك.. طردتني من غرفتك واجيت لهنا....

كتلة : خير شرايد..
فكال : خير المايصيبج... بيتي وكيفي اروح ون ماريد....
ني غلست وسويت روحي مسمعت شي ...

كاعدة اقرة وماحس غير اطجع بجربايتي وشغل التلفزيون وعلة الصوت...
كتلة : شبيك انت شكد مليق دسدة مدتشوفني اقرا هنا لو شبح الي كدامك...
كال : طبج مرض معلي بيج عن نفسي اريد اباوع...

فاني باوعت لكيت روحي مضال شي غير سطور عندي..
فكمت قريتهن شلالي ودور وكفت باوعتلة هجي😒... الواضح انو محيكوم ابد...

فكمت جبت دوشك ولحاف من الكنتور وفرشتهن بالكاع ونمت...

_______________________________________

علي :-
اااح هاي شبيهة البنت مدتفهم ني رافض هالشي اريد اظوجها واخذ حق اختي بس مداكدر وماعرف السبب دوم عيونها تفوز..
اااح اشو ون راحت هي...

فكمت اريد اشوف ون ولت وماحس غير دست بشي... اباوع دست علة رجلهة اااااااح...حتعيط اكيد اكيد....
يا اشو دارت وجهها شنو متحس هاي... حيوانة اكيد هههه...

فكمت اريد امشي حتين ارجع لفراشي بس ماعرف َ.. حسيت اني نعست لهالسبب سحلت اللحاف ونمت يمهة...
احساس غريب ودفوا حلو لو ما... ماعرف شدافكر ني شنو هالخبال....
{الصبح ساعة ٦:٣٠}
كعدت ولكيتهة نايمة بين ادية جنهة طفلة خاتلة بحضن ابوها...
ني لمن شفتهة هجي ماكدرت ماضحك.. فضحكت ضحكة هادية حتين ماكعدها...

وماحس غير كمزت من مكانها وكمشت المبايل شافت الساعة وذبت روحهة بالكاع...
فكالت : ااااخ شوف حتين المنبه ديخبث وياية ااااخ عالحظ..