زولتي رافعه قزازها

البارت 10

#زولتي_رافعه_قزازها😉

بقلم :meme mohammed

طبعا صحيت من الصباح صبحته عليها بالتلفون ومشيت عشان اتجهز لانو عاملين غدا والحفله بليل🌚🖤✨

المهم لبسته جلابيه ومشينا الغدا كان في بيت مريم المهم مشيت والرجال بجوو يباركو لي لحدي ما جا واحد من بعيد شفته عيونو محمره جا سلم علي وقال لي ختها في عيونك امنتك ليها ومشا انا استغربته بس ما اهتميت بالموضوع☹ بعد شويه جاني مصطفى قال لي في واحد برا عايزك مشيت ليهو كان راجل كبير كدا بارك لي وعرفته منو انو عم مريم بس قبل امشي التفته ولقيت مريم حاضنه ولد😳😳😳 انا اتعصبته شديد ومشيت عليهم وفكيتو منها بالقوه هو زاتو اتخلع عاينته ليهو كدا واديتو كف وسقته مريم وركبتها عربيتي بقت تبكي وتحنسني رجعني اهلي هيفقدوني لازم ارجع عشان ماشه الكوافير انا اصلا عامل نفسي ما سامعها مشيت ووقفته بالجنيه للظلط وسالتها وانا بكورك:دا منو؟

سكتت ساي تاني كررته السؤال:دا منو يا مريم😡

هي:دا منذر "وسكتت"

انا:ومنذر منو 😡

هي: اخوي 😔

انا هديت وعاينته ليها لقيتها بتبكي شديد طوالي حضنتها علي لحدي ما سكتت وبعدو قالت لي: منذر اخوي من ابوي😔💔 صح انت عارف انوو معمر بس اخوي لكن ما كلمتك بمنذر منذر هو الوحيد الكان بعيد عني 💔 لمن جاك وهو عيونو حمر كان بيبكي من الفرح 😢 والله من الفرح وانا اول ما لقيتو طوالي جريت حضنتو وانت ساعتها شفتني وقايلني حاضناهو بدون سبب

بسته راسها وقلته ليها :انا اسف عصبته عليك بس ... بس من غيرتي عليك

قالت لي : عادي حبيبي😘

انا نططته عيوني وبسته راسها وطوالي رجعتها ومشت عشان تتظبط 🖤✨ المهم مر الغدا عادي وماف جديد والحفله مواعيدها قربت مشيت عشان البس اتظبطه وكدا وبعد شويه اتصلو لي قالو لي انها جاهزه انا بالجد كنته فرحان طوالي مشيت واول ما وصلته خشيت لقيتهت قاعده براها وماف زول معاها طوالي مشيت عليها وهي اول ما جيت قامت طوالي حضنتي وانا كمان بستها في راسها وحصنتها😘😘😘 بعدو مشينا الحفله وكانت حلوه شديد ومصطفى من بعيد بعاين لي وفرحان لي شديد انتهت الحفله وودعت اهلها وهي بتبكي معمر ومنذر جوني وبقو يوصو فيني انها بقت امانه في رقبتي وانا ووعدتهم اني هاشيلها في راسي 🖤✨ مشينا طوالي على المطار وسافرنا باريس😇🖤 مشينا قدنا شهرين وجينا راجعين كانت تعبانه شديد وبقت تتعب تاني مشينا الدكتور وطلعت حامل مرت الشهور وبقت في الشهر الخامس حا مصطفى يزورنا جا واتونس معانا بس انا جوالي اتصل طلع ناس ابوي اتكلمته معاهم وجيت راحع لقيت مصطفى بيقول: انتي عارفه انا كنته بقول انك رافعه قزازك😂😂😂

انا جيت ووقفته وقلته ليهو :ااي فعلا #زولتي_رافعه_قزازها "وغمزته ليها😉"" وبعدو تميت" انت عارف يا مصطفى البت دي تعبتني معاها 😂😂😂 ودوختني معاها وقلته اني هانساها بعد عرفتها بزولها بس ما نسيتها حبي ليها كان مسيطر على قلبي ونبضاتو❤✨

بقينا نضحك ومصطفى كان بيحكي ليها بيحصل شنو زمان 😂😂😂 وهي تضحك 😂😂✨

مرت الشهور وخلاص مريم ولدت وجابت احلى تؤام 😍😍😍

دالين وتالين🖤✨

وانا ومريم وبناتي عايشين حياه حلوه شديد وبسيطه😍😍🖤✨

#اختارو_صح🌚💕

#النهايــــه🖤✨

#للكاتبــــه✍🏻

#Meme_Mohammed💜🎶

#دمتم_بخير😴🖤✨