جمال الروح19
مع من بنتعارك أصبري عليا وعطيني شوية وقت ونوعدك نخلي زواجنا ينجح
أنا قريه كويس باش ينجح
باسم بايخة زي وجهك
أنا احلا منك ع الأقل
باسم والله تهبلي
خديجة تعرفي ياعيشة مدرهلتي كبدي حاطة ولدي تحت باطها وهو ماشي وراها
تسنيم تعرفي ياخالتي من زمان هيا حاطة عليه وكانت تمشي لشيوخ وتتعامل بالسحر
خديجة قتله انا سحارة لكن شن بندير نتكلم وماحد يرد عليا
عيشة زوجيه وحدة تانية
تسنيم ناضت ضيف ف خديجة وتعرض ف روحها
خديجة كان بتعطونا تسنيم عادي وضحكت
عيشة والله شن بنقولك اهيا بنتي قدامك مال وجمال وفلاحة والحوش كله قايماته فوق رأسها
نكره نوعية الأمهات الى تبدا تعرض في بنتها كأنها نعجة ف سوق السعي باش تتزوج وتقعد تقول بنتي وبنتي وهيا مرقدة ع النت
خديجة قالت كلمتها بصارة لكن حست ان تسنيم هيا الى بتعرف كيف طلعني من الحوش
انا نسيق ف الشقة ونغني
باسم يغني معايا يامتع النعنع يامنعنع يامنعنع وقعدنا نضحكو
خديجة نورهان يانورهان تعالي بسرعة
نورهان نعم ياماما خيرك
خديجة لقيتها لقيتها
نورهان من ياماما
خديجة مرات خوك الجديدة
نورهان حي ومن هيا
خديجة تسنيم بنت عيشة والله لما طلعها البقرة هديكا من الحوش
نورهان كيف مافكرنا فيها من زمان
خديجة هدا وين جاء وقتها
نورهان وكيف بتخليه يوافق ولدك
خديجة والله كان ماوافق الما نغضب عليه ليوم الدين
باسم دينا تعالي نطلعو نتغدو البرا
أنا كأني سمعتك قلت شي
باسم شني نطرشتي قتلك هيا نتغدو البرا
انا لا لا لا مستحيل انت بجلالة قدرك عازمني ع الغداء أشبح وين بيموت حمار
باسم ياوجه الفقر الحق فيا أنا الى حبيت نغيرلك جوك توا بري طيبي بازين مادخلي فيك
انا لاوين نطيب يابعدي قبلت عزومتك وانت بروحك قلتها وجه فقر يعني خودني ع قد عقلي
باسم والله نحاول نأخدك ع قد عقلك لكن مافيكش عقل أنتي
أنا لا غير انت الى عقلك يوزن بلاد
باسم تبي نتعاركو
انا لا حبيبي هيا نغيرو جو
باسم قلتي حبيبي
انا ايه وقت الطلوع انت حبيبي
باسم اصبري شوي جاني أحساس غريب وكأنه قلبي بدا يدق
انا هيا خير مانتهور ونديرلك تنفس اصطناعي
باسم ووواوو بعدها ندوب انا
انا بنت ع حقيقتك ياصايع
باسم بري غيري قبل مانغير راي ونطلعك لدار النوم
انا حطيت إيدي ع فمي وشهقت حي عليك من ربي عيب ياسخيف
باسم يضحك جاهلة وعبيطة غيرت دبشي وطلعنا
خديجة وين
باسم طالعين عندنا مشوار
خديجة والهانم ماتفكرت يتبعجمال الروح 20
والهانم ماتفكرت مشاوريها الا ف القايلة
أنا بسومي حبيبي عازمني على مطعم راجلي ويدلع فيا عيب ولاحرام
خديجة لاياكبدي عرق الحشم قطعتيه إنتى تقولي فيها عيني عينك
انا والله أمي ماعلمتني ع الخبت ولالف والدوران
باسم دينا أسكتي خلاص وأسبقيني لسيارة
انا حاضر من عيوني وقعدت نتمشى بدلع قدامها باش تموت عزوز النار
خديجة بعد ماتروح نبيك ضروري تسمع ولا
باسم حاضر مش معطل عليك
ف السيارة
باسم ماتعرفيش تشدي فمك وتفوتيهم
انا لا والله امك ع ابسط حاجة طلع فيا العيبة كيف تبيني نسكت
باسم عادي ديري روحك طرشة مش كل شي تردي عليه
أنا زمان كنت نسكت ومانأخد ف حقي ولقيت الناس كلها ركبت فوقي لكن توا لا الى بيقولي كلمة بنرد بعشرة
باسم حلوة الناس كلها فوقي وانا خيرني ماحصلت دوري مع الناس
انا لاياسخيف دماغك وين مشى
باسم نبصر بس عجبتني بسومي حبيبي وراجلي اليوم تغزلتي بيا هلبة وانى حساس ورهيف مانتحملش
أنا ع اساس هيا أول مرة
باسم نقولك حاجة دينا رسالتك الى كتبتيها ليا قاعد محتفظ بيها لعند توا
انا بجديات تحكي أحرقها بعدين
باسم مصح وجهك ماحرقتها زمان بنحرقها توا
انا وقتها كنت غبية سمعت كلام تسنيم
باسم الكلام الى ف رسالتك حسيت أنه طالع من قلبك يعني كلام حتى ميسون ماعمرها فكرت تقوله ليا مانكدبش عليك ندمت لأنى قريتها جنب الطلبة وحاولت نمزقها بس ماقدرت وكنت نبي نعتدر منك لسببين الأول لأنى أهنتك والتانى لأنك حبيتيني وانا مش ليك بس ماصارت فرصة
أنا ماضي وفات وكنت غبية مانعرفش كيف نتصرف
باسم نفهم منك انك ماتحبيني وماعندك مشاعر تجاهي
أنا لا
باسم متأكدة
أنا كل التأكيد
باسم تمام وقف السيارة ونزلنا للمطعم
انا حلو المطعم
باسم نحب نجي هنا باش نكحل ف البنات
أنا بطل صياعة باش مانحشمك
باسم مش ماتحبيني شن دخلك فيا
أنا توا انا ع دمتك معناها أحترم الشي هدا
باسم نحاول بس أنا نحب الجمال والحلاوة
أنا نوض نديرلك بازين ف الحوش
باسم ههههه ماخسرت البنزينة باش نروح للحوش
أنا معناها عيونك عليا وماتحولهمش
باسم شن بنشوف بالله عليك لاكحل لاروج لابودرة لادلع لاكلام حلو كأنى قاعد مع واحد من الجماعة
أنا بس مانحبش الحاجات هدي
باسم بس أنا نحب كاراجل من حقي نشوفك لابسة حلو ومدايرة مكياج ودلعيني شويا
أنا بس مش مقصرة ف حوشك وماكلتك
باسم انا ماقلت مقصرة ف واجباتك ف الحوش بس انى كازوجك نبي نروح نشوف مرتي لابسة يتبعجمال الروح21
لابسة حلو وقصير مش واسع وفضفاض
انا نفكر
باسم عارفك شريرة مش حاديري شي عشان خاطري
أنا هيا غدينا بلا دوة زايدة
باسم انتى بقرة تغدينا ومرة نتعاركو ومرة نضحكو وروحنا
خديجة هدا غير مش معطل عليا
باسم أهو جيتك يام والله ماعطلت
أنا الحق تمنيتك تمشي معانا غيرنا جو
خديجة تعالا ياباسم نبيك ف موضوع
انا بسومي تلقاني نراجي فيك الفوق
باسم هيا يام
خديجة انا بنزوجك نبي نشوف ولادك
باسم يام ربي مازال ماكتب العيل يجي وانا مش مستعد لين نكمل قرايتي قبل
خديجة انا خطبتلك تسنيم والله ياباسم كان ماتوافق وتخلي الموضوع يمشي ع خير لما نتبرا منك
باسم ليش يام هكي خيرك
خديجة والله هدا الى عندي وانت لو تبي أمك تغضب عليك زيد سكر رأسك
باسم طلع وسيبها
نورهان شن صار ياماما
خديجة انا قلته شن عندي خليه توا نشوفه شن يدير
انا خيرك تقربع ف الباب
باسم خليني ف حالي وأطلعي من رأسي
انا تي خير دعوتك شن قاتلك أمك
باسم يعيط أطلعي من رأسي خير مانقلب الحوش ع أمك
انا ان شاء الله بكل وخشيت لدار وطربقت الباب تي شن يحساب روحه أكيد أمه اشبح شن نكدت عليه
ف الليل الساعة كانت10
انا باسم تعالا تعشى
باسم مقعمز ف البلكونة ويدخن تعالي أقعدي جنبي
انا قعدت جنبه وأخيرآ بتقولي خيرك
باسم كيف عرفتي باه
أنا نعرف كل شي عليك نعرفك لما تكون مضايق قبل ماتكون فرحان
باسم ياروحي عليك مش عارف گيف بنقولك على الموضوع
أنا خش فيه وخلاص ونوعدك لو نقدر نساعدك مش مقصرة
باسم ماتقطعيلي قلبي
أنا هيا قولي شغلتني
باسم أمي تبي تزوجني وقاتلي لو ماوافقت حاتغضب عليا
أنا والعروسة من هيا
باسم تسنيم
أنا عيوني تعبو دموع ونضت من عنه
باسم لحقني لا لا لا يادينا مش هكي مانبيكش تكوني ضعيفة نبيك توقفي معايا
أنا خلاص ياباسم ماعندي طاقة بيأخدوك مني صح عايشة معاك وماتحبني بس والله راضية المهم معاك بس يبو يفرقونا
باسم مش حاياخدوني منك ماتخافيش
أنا بس انت حاتتزوج
باسم مش متزوج لا
أنا لاتزوج ولاأمك تغضب عليك
باسم توا نلقو حل
أنا مانبيش حل نبيك أنت مانبيش حد يأخدك مني
باسم هدا كله وتقولي ماتحبيني
أنا حتى كان مانحبك مانبيكش تخليني نبيك ليا أنا بس
باسم جيفة ولايأكلوها الكلاب
أنا ايه
باسم حضني وكانت أول مرة يحضني معاش تبكي لأنك تولي شينة
أنا معناها بنبكي كل يوم باش نخوفك
باسم ياشريرة وقعد يمسحلي ف دموعي اليوم بندلعك وبنرقدك ف حضني
انا يتبع
