جمال الروح28
باسم ألو دينا
انا اهلين بالعريس
باسم صوتك مضايقة هلبة
انا غصبآ عني
باسم خطرت ع بالي فكرة افتحي وذانك وركزي
أنا نار الفكرة طلعت تفكر
باسم أكيدا ياقلبي شني تمام
انا ولايهمك كون متهني
باسم وين أنتي
انا كيف بنروح من المزينة
باسم حوشكم من فيه
انا حد
باسم بنجي نشوفك غادي
انا اوكي
ماما شن يبي
انا بيشوفني ف حوشنا
ماما حركات المراهقة
روحنا للحوشنا
باسم انا جنب الباب الخلفي
انا تمام وفتحتله
باسم شني هدا ظلام نبي نشوفك
انا اوف منك تعالا خش ودخلته لداري
باسم حولي العباية والشال بنشوفك
انا لا مانبيش
باسم قرب مني وحولي العباية والشال ياحليلي تهبلي طالعة عروسة تبارك الرحمن
انا عيونك الحلوات
باسم حول الجاكة وبدا يفتح ف بطم القميص انا معاش نقدر نصبر
أنا لا مش هكي وقعدت نبطمله ف قميصه
باسم ليش انتى قاسية القلب
انا نلبس فيه ف الجاكة خلي قلبك يحن قبل وبعدها حاتلاقني زي الخاتم ف صبعك
باسم مسكني من خصري لكن نبي تصبيرة وباسني من رقبتي وعضني لدرجة دارلي أثر
انا بعد عني خلاص
باسم رن تلفونه بأسم علي
انا رد ع تلفونك
باسم تي مش وقتهم انا خلاص بنمشي لكن دكري انى ليك انتى بس نحبك
انا قلبي دق وعيوني غرغرو بالدموع وقعدت نشوفله لين طلع
ماما كملتو تمعشيق
أنا قالي نحبك ياماما وأخيرآ
ماما تزغرط صبرتي ونلتي
انا الحمد لله
ماما حي ع العار رقبتك معلمة
انا تحشمت وسكتت
ماما أمشي غطيه بالبودرة ولانقولك خليها باش الناس تقول راجلها ميت فيها
انا عيب ياماما قدام الناس
ماما دبري رأسك
مشينا للخيمة وخشيت وأنا واثقة من نفسي والعيون كلها عليا الى يقول مسكينة والى يقول صحة ليها مقوا قلبها وقعدت ع الكوشة
خديجة نورهان هدى شن دير ف الكوشة
نورهان فوتيها ياماما وبدينا نسمعو ف صوت الكلاكسات
انا قلبي بدا يدق وتغيرو ملامح وجهي بس مش حانخليهم يتشمتو حبست دمعتي ورسمت ضحكة مصطنعة ع وجهي
خش باسم وهو ماسك ف إيد تسنيم وكانت ضحكتها لودانها
باسم عيونه فيا وبعتلي بوسة ف الهواء والبنات قعدن يعيطو
انا بتسمت وقعدت نشوفله قعدو ع الكوشة وبدت امه تغنيله وفرحانة
باسم أشرلي وجيت جنبه باسني ع راسي
انا بستله إيده ونزلت دمعتي
تسنيم طارتلها وقعدت تفنص فينا
باسم نحبك وطالعة ملكة الحفله خاطري نخطفك من جنبهم
كلهم قعدو يقارنو بينا وطلعت انا احلا منها لان مكياجها اوفر ويدره الكبد
شوية يتبعجمال الروح 29
شوية وطلع باسم كنت مقعمزة جنب تسنيم ونساير فيها
وجت اللحظة الحاسمة ركبناها للشقة وقعدو يغنو ويزغرطو
انا حابسة الدمعة وقلبي بيطلع من مكانه واعرة الضرة وحسبي الله ونعمة الوكيل ف كل وحدة تزوج واحد مزوج وبصغاره وتفرق بينهم خروج ع النص انا بوي متزوج وحدة تانية وعايشة معاها ف بلاد تانية وليا 6شهور ماشفته تحسبو عليهم خطافات الرجالة
باسم رن عليا
انا اهلين
باسم مستعدة
انا طبعآ
باسم وريني شطارتك
دخلنا تسنيم لدار النوم وكنا بنطلعو عشان باسم بيركب
أنا اااااه ياماما بطني بنموت وقعدت ع الأرض
ماما وووك عليا بنتي خيرها
أنا بطني ياماما مش قادرة نوقف بنموت
ماما عين وماصلت ع النبي ياباسم يامنتصر نادو حد يجي يرفعها للمستشفى
أنا نعيط بصوت عالي وبعدها فقدت الوعي
باسم خش يجري وقعد يفيق فيا بس أنا لاحياة لمن تنادي
ماما أرفعها للمستشفى بسرعة توا تموت
باسم رفعني وركبني ف السيارة
ماما بنمشي معاك
باسم ماحد يمشي أقعدو مع تسنيم
خديجة اللفعة والله الى تكدب ماتفكرت بطنها الا توا
تسنيم تبكي ووجعها خاطرها توا الناس شن بتقول عليا
عيشة صبري بالك لازم تتحملي
باسم هههههه طلعتي تعرفي تمثلي
أنا مقدمة ع برنامج المواهب واكيدا حايقبلوني
باسم أمسحي المكياج لازم تمثلي مليح باش يرقدوك ف المستشفى
أنا طلعت منديل وقعدت نمسح وبعت رسالة للماما من تلفون باسم وخبرتها ع الخطة باش تغطى علينا
باسم الحمد لله الى بوك مسافر كان هدا نكشفنا
أنا إيه بابا ملقبينه المحقق كونان
باسم أهم شي انك أنتى معايا ياعمري
أنا خاطري نشوف وجه تسنيم
باسم وقف قدام حوش
أنا مستشفى بلوك جديد
باسم وشن عندنا فيها المستشفى
أنا مافهمتش
باسم خشي وتوا تفهمي كان البيت حلو من داخل مفرش ونظيف
انا يهبل
باسم أنتي الى تهبلي وتجنني ورن تلفون باسم وكانت ماما
ماما ها ياولدي شن حالها وشن قالولها
باسم يضحك قالو بيرقدوها ف المستشفى لين غدوة تطلع نتايج التحاليل
ماما ربي معاكم وردبالك عليها
باسم يارب
ماما دارت جو الدراما بنتي اشبح شن بيها أكيد سحروها
تسنيم لما وصلها الخبر حولت الفيلو بغيض وقعدو دموعها زي الشلال
باسم قفل هاتفه ومسكني من يدي ودخلنا للمطبخ كان مجهزلي العشاء وسحبلي الكرسي
باسم تفضلي ياسنيورتي
أنا شديت القفطان من الطرفين شكرآ ياأميري
باسم قعد مقابلني ويشوفلي
انا خيرك تشوفلي
باسم رفع حواجبه يتبعجمال الروح30
باسم رفع حواجبه وابتسملي نحبك
أنا شفتله وضحكت
باسم وأنتي
أنا مانحبكش
باسم لامتقوليهاش جيبولي السم مانقدرش نعيش لو ماحبتني
أنا زيد تبرد وقعد يوكل فيا ويتغزل ف جمالي
باسم هيا تعالي نرقدو
أنا الكلمة هدي وراها حاجات تخوف
باسم معقولة تخافي من حبيبك ودخلنا لدار النوم
انا وجايب روب نوم أحمر واضح مش ناوي ع خير
باسم اليوم حاتكوني مرتي تبى ولاماتبيش
أنا غيرت ولبست الروب وفتحت شعري
باسم حاط إيده ع قلبه اااااه ياقلبي وقرب مني
أنا لو سمحت لازم يكون بينا حدود
باسم حضني بقووووة وبدا يبوس فيا ورقدني ع السرير
انا باسم بعد عني
باسم اس ولاكلمة ياحبي وكمل بوس والساعة 12.30تهنيت
فى الصبح نضنا وكنت أسعد إنسانة وانا نتبسم بدون سبب
باسم حضني من الخلف نحبك يابلوة حياتي يلي منكدة عليا عيشتي
أنا أنت فاهم الغزل غلط
باسم أهم شي فاهمك صح
غيرنا وروحنا
خديجة باسم تعالا نبيك الداخل
انا قعدت ع الصالون وحطيت رجل ع رجل
نورهان نحسابوك بتموتي كيف فرحنا
أنا كان بنموت باسم بيلحقني وزي مايقولو العافن مايموت
نورهان يعنى معترفة انك عافنة
انا للأسف من يوم ماخالطت عليكم
خديجة انت شن هدا الى درته خليت عروستك ومشيت مع اللفعة هديكا
باسم دينا كانت بين الحياة والموت
خديجة فيلم دارته وانت صدقته
باسم لافيلم لاشي كانت مريضة حق
خديجة تمرض ولاتموت امشي اركب رضي العروسة الجديدة
باسم تمام
أنا شنو
باسم هيا نركبو
خديجة اركب بروحك دينا تقعد هنا
أنا نبي نصبح ع وخيتي وحبي
خديجة قلت يركب بروحه
باسم أشرلي بمعنى أقعدي أنتي
انا خلاص حبي برا اركب وسلم عليها
ركب باسم وقعد ع الدروج يفكر كيف بيتصرف
أنا قاعدة وشابكة إيديا ونار والعة فيا وخايفة من تسنيم دير الحركات متعاها قدام باسم وطيحه
باسم رن الجرس
تسنيم فتحت الباب وكانت لابسة روب ابيض قصير هلبة ومفتوح جيهة الصدر صباح الخير حبيبي
باسم صباح النور وكان يحاول مايضعف قدام لبسها الأوفر
تسنيم نشغلت عليك ومارقدت وانى نراجي فيك
باسم أنا بنجيك من الأخير انى نحب دينا ونموت فيها ولو خديتك بس لأن أمي طلبت هالشي ومانبيش نزعلها فاياريت تعتبريني زي خوك ومتحاوليش تقربي مني
تسنيم بدت تنزل ف دموع التمسايح انى ليش ياربي حظي هكي كنت نحساب روحي بنتزوج وبنستقر وحصلت الراجل الى بيستر عليا وبيعوضني بعد مانضحك عليا واغتصبوني
باسم فنص عيونه وقعد يشوفلها بستغراب
يتبع
