بين رموش عينك والسواد لكيت حچي مخنوك يتنفس هوه الميتين يرافس شوك شايب بالخجل مچتوف يزفر آه يذكر هوه العشرين بخيط المستحه عاكد حجايه الروح خاف الحجي يفرع يصبح سجاجين (منقول) ا............................................................... ... سعاد: والله ماما اميره يكولون جاين عليج يطلبون ايدج الابنهم احمد والصراحه ماعرف شكول خلي يجي ابوج او الله كريم . ا.. اميره :امي تحجي او اني احس الدنيه وكفت بعيني يعني معقوله هيج يسوي زين هوه مو يحب حوراء ضليت مثل المصنمه امي تحجي ويايه او عبالك ما اسمعه(يقول معضم العلماء ان الانسان عندما يسمع خبر فانه يفصل عن العالم الخارجي هذا الذي حصل مع بطلتنا هل يعقل ان هذه الحركه هي انتقام ام اعجاب ) ... اميره : اجه بابا كعدت ماما تحجي وياه عله الناس الاجوي اني الصراحه جنت ماريده الان صعبه (ليس من العدل ان ترتبط بانسان كان الاقرب الناس إيليك كل شيء لكن للقدر قرار) ا... ابو اميره: اني بصراحه يا سعاد موافق الان الولد خوش ولد حباب حته لو ماعنده فلوس مو كلشي انسان فلوس لاسامح الله اذا تزوجت شخص عنده فلوس بس عابشه اباهانه او مذله شنو راح تفيده الفلوس .. ا... عاليه : شفت اختي اميره حايره ماعرف شنو اسوي طبعا اني اعرف بحوراء والموضوع هم كلش استغربت الان هوه الولد يصير ابن خاله حوراء الله يعلم الاختي شنو مضموم من قدر بس احاول احچي ويه امي
ابتهال : اميره حبيبتي تعال انزلي عمو يريدج
اميره:هيه تناجي رب العباد وهيه تبجي يامنجي يونس من بطن الحوت نجيني يا منجي ابراهيم من النار نجيني يالله يا ارحم الراحمين مسحت ادموعه او هيه تسمع ابتهال تصيحه جاوبته اي نازله هسه كامت طوت السجاده او ضمته او فتحت باب الغرفه تريد تنزل نزلت من الدرج او فاتت للغرفه ما استقبال
ابو اميره : بحنيه فوتي باباتي شلونه أميرتي انشاء الله زينه حبيبتي اتعرفين انو انتي اجوج خضابه اكيد سمعتي من امج بنتي اني بالنسبه اليه موافق خوش والد او اخلاق مو كلش فلوس او فاطمه الزهراء عليه السلام اخذوه من دون مهر
اميره: بصيغه باكيه بابا اني ماريد هسه اتزوج بعدني صغيره اتمنى تفهمني اني مموافقه
...بس يا بنتي هوه خوش ولد شنو سبب رفضج غير اكو خلل بي حته انتي ترفضين لو من كيفج ترفضين هوه خوش اخلاق اهمشي الاخلاق بابا
..بداخل احجي زين هسه شكول الابويه عنده علاقه ويه بت عمي الي هيه اختي ياربي اختبارك صعب (احيانا القرارت التي تتخذ نيابه عنا من دون رضانا قد تقتل الانسان من داخله ويصبح فقط جسم من غير روح وكئن مات شيئ داخلنا ) بابا خليني افكر تو اردلك جواب اتمنى متضغطون عليه هاي الفتره لحد ما اخذ قرار
