ولج بسج يادنيا شلون اني وياج يعني نضل حرب مابينه هدنه دواره سمعت عنج يكولون شمالج عالفرح مادرتي يمنه بقينه علحزن وخاوينه الفراك وماضن للفوفه باقي اي معنى ناس بلا سبب تجرح بلكلوب وانتي ويه الضلم تمشين ضدنه ......ّ...................................
اميره : مثل شعور ماعرف اوصفه بس اذكرت مثل يكول اجاك الموت يا تارك الصلاه يعني هلد دقيقه احس حياتي توقفت بس بعد الفاس وكع بالراس المهم كملت كتله بابا اني موافقه
ابو اميره .. الله يكملج بعقلج انشاء الله هوه خوش ولج او حباب انشاء الله راح يسعدج
...اشكرك بابا عاد اني كمت طلعت من الاستقبال او صعدت الغرفتي طبيت للغرفه او راسن رحت اتوضيت او كعدت اصلي او ادعي ربي انشاء الله يوفقني اتمنى حياتي تصير سعيده
..المهم كمل اليوم او اليوم يجون النسوان حته يحددون المهر يايوم يصير اني وثل احس نفسي فاصله عن العالم خارجي جسمي يمهم بس عقلي بغير مكان
عاليه.. حبيبتي اميره شنو بيج اشو ضايجه اكو شي صاير انشاء الله خير المهم اليوم راح يجزن حضري روحج
...ماشي هسه احضره همه ساعه بيش يجون
...حبيبتي يجون ساعه 5العصر
..هزيت راسي بلموافقه بس بحزن هزيته المهم كعدت فوق صعدت رحت اشوف شعندي بلكنتور المهم لكلت فستان مال محجبات طلعته او شفته حلو جان لونه ماروني او بي تصميم بسيط لبسته او رهمت ويا حجاب طلعت كلش حلوه او اني بيضه فيلولكلي
ابتهال.. عيني شهل جمال طالعه التخبلين عيني بارده عليج
عاليه.. اي عيني عير اختي تخبل طالعه عله اخته اميره.. ضحكت عله سوالف عاليه هيه وين او اني وين
..المهم راحت عاليه او ابتهال بقيت وحدي فوك ضجت او كلت خلي انزل جوه يم ماما اكعد نزلت رحت يم ماما كعدت بالهول جان جاي تسوي بخور بالهول الان الناس عله جيه
ام اميره ... اللهم صلي على محمد وال محمد يمه بنيتي شهل جمال الله يوفقج او ينطيج عله كد نيتج
... شكرا ماما طبعا يعيوني دمعت الان راح اودع امي او اعوفه وحده الول مره راح ابعد عن امي حسيت روحي ترح المهم اشويه او اندكت الباب اني راسا كمت من الهول او رحت للمطبخ رحت حضرت العصير او الكيك او امي صاحتني كلتلي. تعالي يمه سلمي اني راسا اخذت الضيافه او رحت
ام احمد ... يمه تعاي كعدي يمي خلي احجي وياج كعدت يمه او اني خجلانه كلش هيه كعدت تحجي او تمدح بابنه خوش ولد او حباب او ماعمده سوالف مكسره او صايم مصلي او عاد بعده اتفقو عله المهر انو يكون الجمعه يعني بعد 3ايام ..راحو الجماعه او اني صعت للغرفه ابجي او افرغ الهم الي بكلبي رحت نزعت مالابس او لبست تراك او نزلت جوه يم اهلي جانو يسون عشه مالي خلك اي شي كعدنه نتعشه او همه كعدو يحششون او اني اباوع عليهم او اتحسر اكلول هم راح انحرم منهم او من هاي الكعد راح انحرم من الكعده بين اهلي او ناسي ياربي منك الصبر والسلوان المهم كملنه او رحت غسل اماعين اغسلهن او بالي كلش مو وياهن
..ماما اميره بس اتخلصين انتي روح اصعدي نامي باجر ورانه طلعه للسوك عله مود المهر ... ماشي ماما هسه اكمل او اروح (في مجتمعنا يختارون شريك حياتك ويقولن قسه ونصيب لاعزيزي تلك ليست قسمه ونصيب وانما اختياركم)
..رحنه للسوك او اشتريت فستان وردي امدنفش بس كصير للركبه او رحت حجزت يم صالون هم او اخذت شويه نمنكات اني هم احتاجه اليه او المهم رجعت للبيت او اني ميته من التعب حيلي راح من الفره الي بسوك اخ يابه يمه رحت رسأن صعت فوك او كبل ذبيت روحي او رحت بسابع حلم
...اخر شي كعت من النوم اوشفت ساعه تسعه الصبح المه كمت طبعا روتيني الصباحي سويته الي هوه خسلت او فرجت او بدلت او مشطت او واخيرا نزلت جوه يم ماما
..ولج بنيتي ناوشيني من يمج الملح اريد املح السمج
...اهو ماما هم مسويه سمج شنيه يعني مو تعرفيني ماحبه
..ولج اكو اطيب منه بس انتي عياره
دروحي تريكي كاعده علينه من الصبح جنج جني
...خلف الله عليج او رحت كليتلي بيضه او كعدت اكل او اجتي ابتهال
...عمه شوفيلج حل ويه هذا سيف خبلني مو جاهل يمه من الوكاحه ماله ايوديج للشط او يرجعج عطشانه
...عاد كلتله اي والله والا ينجرع ابنج
...المهم اتغدينه او خلص اليوم او باجر المهر مالتي ودوني للصالون او رحت للصالون طلعت كلش حلوه او رجعنه للبيت او امي ما بطلت هلاهل
...او اجوي اهله او كامو يهوسون او انتو بعد اتعرفون الهوسات العراقيه بعده صاحتني امي يله ماما الشيخ يريد يعقد طبعا اني احس الدم وكف اباطراف رجليه اجتي اني كومتني او وكف وره الباب حجيه ويايه الشيخ كلي هل تقبلين باحمد زوجا لك اني ضليت صافنه او بعده جاوبت نعم
....من جاوبت او اشتغلت الهلاهل او كالو راح يطب الولد يلبس الذهب اجه طب طبعا الاول مره انتبه عليه هوه كشكل حلو المهم كعد يمي او ضل يحجي ويايه
...اشلونه الاميره انشالله زينه
...كتله الحمد الله زينه
...كال انشاء الله دومج او عد من راح تكونين اسعد وحده بهل عالم
...ابتسمت عله حجيه يمكن شويه طمنت
بعده راح طلع من البيت او راحو كلهم المهم كملنه او كلمن صعد بغرفته اني صعدت او شوف تلفوني رقم غريب ايدك
..بعدين دز رساله فتحي اني احمد
يتبع .... اعتذر عن التاخير بس اتعرفون عيد او خطار او رحنه زياره نزور فهم اعذروني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
