خاويت الحزن والدمع صار سنين وذبيت الفرح مايوم خاويته
عشت من الزغر يجرحني صوت بچاي وجرحي شكد نزف ومايوم شديته اباوع عالصور او ابجي عله عمري الفات ما اذكر ابد فديوم هنيته اذكر بس حزن رافكني كل دنياي لاهو يهدني لا اني هديته اعاتب كل محب حبيته بخلاص واعتب كل شخص بكلبي خليته (منقول) 🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱 السلام عليكم احبتي القراء تعالو معي سوين لنبحر في قصه جديده حقيقيه 🌱🌱🌱🌱🌱🌱🌱🌱🌱🌱🌱امي: ماما اميره روحي عدلي الصاله اليوم خواتج يجن او بيت عمج او بدربج كولي الابوج يجب وياه فواكه الان خلصت . اميره:ماشي تتدليلين عيني كم سعاد عدنه هيه وحده....(سعاد اسم ام اميره) تعالو شوي اعرفكم عن نفسي اني اميره عمري 17سنه عندي 2خوات هنه اكبر مني بوهواي الجبيره عاليه متزوجه او عده 2ولد و2بنات اما 2فعده بس بنيه احنه عائله جدا محافضه وضعنه زين الحمد الله ها نسيت اكول الكم عندي اخو متزوج مرته حبابه عنده ولد وبنيه هوه عايش ويانه بالبيت اي عندي عمام او خوال بس كلهم مو هنا بغداد متوزعين عله المحافضات 😂 بس عم واحد هنا هوه عمو رعد طبعا بنته بكدي فكلش احبه او علاقتنه اني وياهه قويه صديقات هيه اسمه حوراء .امي: ولج وين رحتي . اميره. عزه نسيت امي 😂 ها ماما هسه لحضه يا هي منو اجتي عاليه طبت من الباب الطرمه عاليه ولج اميره شلونج اخبارج ولج تعالي اخذي مني الجنطه او صعديه فوك .اميره .ها اليوم تباتين هنا هله بيج عيني طبعا اني كلش متدينه صايمه مصليه فاكعد اقره قران او اصلي فوك صعدت الجنطه خليته بصف الكنتور حته ليلعبون بيه جهال اخويه طلعت من الغرفه جاي انزل او سمعت صوت حبيبتي حوراء عاااااااااااااااا حوراء او نزلت اركض او شفته جاي تسلم عله امي او صحت ولج عوبه وينج .حوراء .هلو حبيبتي والله هسه اجيت جاي اسلم عله خاله .اميره . هلو شلون اخبارج زينه نشاء الله خلي اروح اسلم عله عمو طبعا رحت سلمت عله عمو وراه صبينه الغده جانت ماما بانيه او تمن او دولمه او زلاطه او لبن خير من الله بعده صبينه جاي كلمن كعد يسولف اني اخذت حوراء او صعدنه .اميره .ها ولج شخبارج امورج .حوراء. لحضه اميره بس جاي احجي ويه احمد .اميره. ولج جم مره حذرتج من كتلج ولج بس لا يضحك عليج عفج من هيج سوالف حرام والله اذا يريدج يجي يخطبج مو يضحك عليج .حوراء . يم عوده هوه ما عنده فلوس هسه جاي يكون نفسه عله مودي .اميره. والله حوراء اني الي عليه نصحتج او كتلج يله كومي اليوم عدنه طلعه للسوك اروح اشتري هدوم اريد .حوراء. اي والله اني هم اريد اشتري هسه كول البابا حته نطلع العصر .اميره. ماشي يله جاي ابدل فتح الكنتور طلعت جبه حلوه اتلوك عليه بما اني بيضه او صاحبه جسم رشيق سابقا كلتلكم احنه عائله محافضه يله ماما اتاخرنه طلعنه للطرمه او جاي نفتح الباب مال الشارع فتحت او طلعنع ابثناء ما جاي نمشي نكزتني حوراء .اميره. اي شبيج .حوراء. باعي ذاك احمد .اميره. شفته شاب حلو بس ماركزت زين لان ماشوف من بعيد زين مشينه وصلنه للسوك اميره ماما تعالي خلي ندخل الهاذا المحل اريد اشتري ملابس مال بيت سعاد اي تعالي بس مو ضيك تشترين عريض او مستور اميره ماشي ماما اشتريت او كمل اليوم او كلهم راحو بقت الختي عاليه اني طبعي باليل اقره قران او اصلي فكعدت اقره او اصلي طبعا اني ثالث متوسط او بطلت من المدرسه المهم كهدت ادعي ربي يوفقني وا يهديني الى الرشاد ولاصلاح طبعا كملت او نجطلت عله الجربايه كعدت افكر بالمستقبل شراح يصير عند مخاوف من للمستقبل كلش هواي مادري ليش بس احساس يعني حدس هيج شي نمت او كعدت عله صوت جهال اهويه كعدت رحت للحمام جان بلطابق الفوك اكو عدنه حمام رحت اله او
خسلت او فرشت اساني رحعت للغرفه بدلت او مشطت او نزلت او بقه يوم يجر يوم او نفس الروتين اى فد يوم اجه بابا كال اليوم خابرني رعد كلي حوراء ..... 🌱🌱🌱🌱🌱🌱🌱🌱🌱🌱🌱 يتبع .. طبعا خاف انقطع شويه لان عيد بعد كم يوم او تنضف اتمنا تعذروني بارت كان جدا قصير بس تعرضت الى وعكه صحيه طبعا هذا بارت تعريفي للاشخاص حبيت تتعرفون عليهم او تاخذون فكره عن الاشخاص
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
