هاي لبنات بون قبل ما نبدا نهدر على التجهيزات حبيت نحكو شوي و نفرغو قلبنا على نهار غدوة نشاله بون علابالكم نحس بلي العيد لكبير فيه بزاف حوايج معقدة( هذا ليس الوصف الصحيح ) دوك تفهمو اول حاجة نصبحو غدوة نشاله على التبعبيع نوجدو لفطور تعدي صلاة العيد والباقي معروف وهنا يبدا الجهاد (نفوتوها خير) واذا فتنا الخطوة هذي علا خير(مظنيتش) فالعشية ولا فاليوم الثاني(كل واحد كيفاش) هناك مشاكل اخرى وي اولها التسلام التسلام و التسلام كوشمار علابالكم اكثر اللحظات احراجا في حياتي هادي الحاجة الوحيدة الي واحد ما لقالها حل يعني تحيرو اسكو تسلمو 2ولا4 وتاتي بعدها اكتر سؤال تافه في حياتي:ذكرى كليتو اللحم، يا سبحان الله ما كل هذه السخافة هذا السؤال صراحة لحد الان ملقيتلوش جواب يعني قد ما سييت والو تسما حنا شاريين الكبش gâ®ñÎtÛ®Ê ؟؟؟ قبل منحط البارت هذا كنت نهدر معا ملاك في اجتماع سري طارئ على نهار غدوة حتا فكرتني في وحدة الفئة تع لولاد الصغار الي اغلبهم يعني يكونو ولاد خالتك ولا ولاد عمتك يعني انتي رايحة تغافر عليها في امان الله تروح تطبطبي تحل عليك الباب تدخل تسلمي علاها وكامل هذيك الطقوس منبعد تبعتك تجيبي حاجة ولا اي سبة المهم من غرفة بنتها و لا ولدها الصغير لي دايمن يكون مسموم و شرير و انتي تروحي زعما تحلي الباب تلعباها تعيدي عليه جونتيمو يعني هذا الكل بش متديريش مشاكل مع ذاك الفرخ علاجال خالتك و لا عمتك برك وفجاة يقلك :نتي واش جيتي تديري في دارنا؟؟، وانا نحاول نشد روحي بش مننقضش عليه ونوريلو وش يسوا المهم يقعد يتبع فيك من بلاصة لبلاصة و يحاول يطيحك في مشاكل و يخليك تندمي علا نهار الي عفتيه فيه هاد الدراري نحسهم مجرمين ارهاب متنكر علابالي كون نبقا نحكي يعطيوني جائزة نوبل لاطول بارت وات فالعالم تسما نعتلكم لبستي تع العيد وعطوني رايكم (نسيت مقلتلكمش فالبارت التعريفي بلي انا حيجابيست مي صحبتي لالا) قولولي نتوما اسكو لابسين حجاب ولا لا بش نعرفو كتر علا بعضانا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
