وفى المساء فى دوار المنشاوى كان ذلك الوسيم يهبط السلم بطلته الرجوليه القاتله التى لم يقلل منها ارتدائه للعبائه الصعيدى ولو ذرة كانت عيناه تجول بالقصر هنا وهناك يبحث عن والده بعدما أرسل له سعديه الخادمه تخبره انه بانتظاره بالأسفل ويريد التحدث معه فكان بدر متوجها إلى حيث يجلس والده حينما استطدم بجابر ابن عمه الذى اتى حالا من الخارج ليقول له جابر
جابر : آش إش إيه الأبهه دى كلها على فين العزم يا كبير مشوار خصوصى إياك
بدر ببرود : لا يا خفيف أبوى شيعلى سعديه بيجول رايد يتحدت معايا ضرورى
جابر : وما جلتلكش ايه هو الموضوع
بدر : أكيد يعنى أبوى مش هيروح يجول للشغاله على موضوع مهم ثم إنى لسه ما جبلتوش انا توى نازل من فوج لجيتك جدامى
جابر : طيب روح يا عم شوف ابوك مشيعلك ليه اما نشوف أخرة حكاويك انت وابوك
بدر : ملكش صالح بحكاويا انا وابويا يا جابر وخليك فى حالك يا ابن عمى كل عيش وجول حاضر
جابر : هههههههه انا فى حالى اهه وطالع مطرحى اريح شويه لو بس ما كنتش هى ايلى مصبرانى عليكوا ويا ريت عاجب
بدر : حريم بجى وانت خابر ربنا يساويها اطلع اطلع
ثم انصرف جابر ليصعد إلى غرفته ليستريح بينما توجه بدر إلى والده ليرى ما هو هذا الموضوع الذى جعله يحضر لأجله فى هذا الوقت المتأخر من الليل فقد قاربت الساعه على 12 ليلا فتقدم بدر من باب غرفة مكتب والده ليطرق الباب ويدخل بهدوء فوجد والده يستند على عصاه بوهن ليسرع بدر فى خطاه يتقدم منه مسرعا حتى جلس امامه ليقول بقلق
بدر : فى ايه يا ابوى مالك
عبدالله : خير يا ولدى ما تخافش مفيش حاجه انا بس جلبى واكلنى عليك جوى ومش مطمن
بدر بعدم فهم : ليه يا ابوى منا زين والحمد لله وبعدين انت ما خابرش ولدك يبجى مين أنا بدر المنشاوى مش اى حد
عبدالله : ابو الليل يا بدر
بدر بلا مبالاه : وده مين ده بياع بليله
عبد الله: ما تتريجش عليا يا بدر انا لسه عبدالله المنشاوى ايلى بيتهزله اكبر شنب فيكى يا قنا و وجه قبلى بحاله
بدر : يا ابوى انا ما اجصدش اجلل منك انت على راسى من فوج بس انا بتكلم جد مين ابو الليل ده ايلى مطير النوم من عينك
عبدالله : ابن فراج السيوفى أبوالليل فراج السيوفى كبر وعوده بجى شديد وفراج مش هيسكت وانا متأكد انه هيبعت ولده لجل ما يجتلك وياخد بتاره ايلى ملوش وجود أصلا بس هجول ايه فراج ما رضيش يسمع منى راسه انشف من الحجر
بدر : بجى هى الحكايه كده يا ابوى يعنى هو ده الموضوع المهم ايلى شاغل بالك بيه طيب انا بجى بجولك ما تجلجش عليا وريح جلبك خالص
عبدالله : انا مش هرتاح يا بدر غير ما توافج تاخد معاك الرجاله ايلى جبتهم يحرسوك
عندما قال عبدالله تلك الكلمات تحولت ملامح بدر للغضب الشديد لتشتعل عيناه بحمرة البركان الذى كان على وشك الانفجار ليقول من بين أسنانه وكأنه يغتصب الكلمات لتخرج ليقول
بدر : لأخر مره بجولك يا ابوى مش بدر المنشاوى ايلى يمشى بحرس انا افوت يدى من الجبل تنفد منه ورجالتك ايلى بتتكلم عنيهم دول انا كفيل اكسحهم وحدى انا همشى عشان ما يصحش اطلع غضبى جدامك مهما كان انت ابوى ولو مش رايد إنى اهمل البلد كلها وارجع مصر يبجى ما تفتحش الكلام ده نوبه تانيه
انصرف بدر غاضبا يحرق الأرض تحت أقدامه من حديث والده فهو له كل الحق فى ذلك فمن يعرف قوة وهيمنة ابو الليل لا يغفل عن سلطة بدر وقوته التى لا توصف فهو حقا شخصا لا يستهان به بل هو قوة إذا سمح لها لقضت على الاخضر واليابس
وحينما كان بدر يخرج غاضبا من مكتب والده التقى بشقيقته زينه التى ما ان رأها انسحبت من وجهه كل ملامح الغضب وحلت محلها تعابير الحب والعطف الاخوى الذى لطالما كنه لاخته لتقول له
زينه : بدر كيفك يا جلب اختك دنا كنت عندم فوج دلوك فى مطرحك ما لجتكش كنت جايه اناديك عشان العشا جاهز
بدر : مسا الخير يا زينة البيت
زينه : مسا اللبن الحليب يا بدر السما ها هتاجى تتعشى معايا انت ما كلتش حاجه من وجت ما فطرنا الصبح يا جلبى
بدر : لا ما جادرش انا هطلع انام عشان مزاد المواشى بتاع بكره تصبحى على خير يا عروسه
ليله : استنى استنى عروسة ايه دى اول مرة تجولى إكده
بدر : عشان جابر طلب يدك من ابوك تانى انبارح وابوك وافج
زينه : 😲😲😲😲😲😲😲😲
بارت كمان اهو اسفه عالتأخير بس والله غصب عنى وتابعونى بقى انا مش شايفه اى تفاعل ولا عشان انا جديده وكيوت مش هتعبرونى 😂😂😂😂😂😂😂😂
تفتكروا زينه هتهبب ايه وهى ما بتقبلش جابر
أنت تقرأ
تار الحبيب
Randomقصه صعيدى كان ما بنهم تار ما يتمحيش غير بالدم هذا ما ظنوه فى بداية الامر ولكن ولانه لم يكن على علم بحقيقتها المخفيه لم يكترث لامرها ولكن ما سيحدث بينهم وما ستفعله هى يتخطى المنطق بمراحل ليقع هو أسيرا فى حب أنثى ليست أنثى و تعشقه هى ولكن دون ان تد...
