مرحبا شلونكم تأخرت بس مشغوله هل فتره اعذروني وهذا بارت مفاجئ
_قلوب من صخر
_بارت تاسع
_استمتعوا
::::::::::::::::::::::::::::
سما:كد القهر الي اخذتهه نمت كعدتني ماما بليل حتى اتعشه مااكدرت اكل اكلت بس شوربه ورجعت للفراش تمددت واجتي ساره
ساره:سما ولج اني اختج ومجاي تحجيلي فدوه والله كلبي يتكطع عليج احجي
سما:وكعن دموعي وصرخت ب اوف بلكي ارتاح
ساره:ولج احجي مو كطعتي كلبي
سما:كمت اشهك ولج علي متغير كلش صاير مو هو نفسه الي اعرفه من وره السحوره الي سوتهن دعيوه
ساره:يمه اسم الله
سما:راح اموت ساره ولج وصل الحال بي يضربني واخذ بنتي اخذ روحي مني ولج سااره
ساره:سوده بوجهي يبعد اختج الله لا ينطيهن نشالله عساه بحظهن وبختهن الجلبات
سما:حضنتني ساره وكمت ابجي واشكيلهه بحضنه شوي رتاحيت اجت ماما
سناء:ها يمه سماوي باجر الصبح اذا تردين نروح للامام تزورين وينطيج امرادج انشالله
سما:هزيت براسي وطلعت بعد محسيت غير ساره جاي. تغطيني ونمت كعدت ب 8 ونص راسي يوجعني رحت للمطبخ شربت مي واجه بابا
اياد:لا صباح المباركه بوجهج
سما:اشكرك ياابوي
اياد:لا طوليم السان لج لا امدج بلكاع
سما:كلي شنو سويت حته تكرهني لهل درجه
اياد:طبج طوب كل الي ديصير بيج كتلج وحذرتج بس ماارديتي هذا نتيجة زواج الحب
سما:زواجي جان ناجح بس ابن ادم هو الي يفرق هيج مكتوب بقدري شسوي استسلم من اول مصيبه لا اني اقوه من هيج تعلمت اواجهه مشاكلي مااشرد منهه
اياد:جذبي على. نفسج بهل سوالف اروح احسن لي ولا هل جهره
سما:وكعت دموعي ...ياالله شنو هل دموع من يمته دموعي رخيصه ميهمني كلام احد بعد الي عليه سويته ونشالله اشوفج مذلوله ي دعيوه صعدت فوك كعدت ماما
سناء;ها يمه كااعده
سما:اي يمه يله ارد اروح راح اموت من كد ماامختنكه
سناء:اي يله بس نتريك ونروح
سما:مااريد مااشتهي ارد اروح
سناء:يله امشي بدلي
سما:انتظرج....رحت بدلت ولبست العبايه ونزلت لكيت ماما متانيتني...ها يله نمشي
ساره:تانني بس البس الجواريب حبابات
سناء:انتي المن جايه
ساره:ليكون كلولجن حارس واضل احرس البيت وحدي جني مسكونه ماا والله اروح
سناء:يله بسرعه
سما:اني واكفه بلباب بسرعه تعالن
سناء:اي روحي
سما:طلعت ب الباب صفنت على شارعنه وطفولتي ومراهقتي ونضوجي كله هنا سمعت صوت يكول سما
.....: انتي سما صح
سما:اي منو
.....:افا عليج مااعرفتيني
سما:لا بلا زحمه منو
سناء:هلا يمه قائد شلونك
قائد:هلا بيج خاله الحمد الله انتي شلونج
سما:عززه لك لا بس انته قائد صديقي
قائد:اي اني شلونج شخبارج متغيره
سما:الحمد الله زينه وانته
قائد:الحمد الله
يتبع
أنت تقرأ
قلوب من صخر!
Romanceقصه تدور حول امرأة تعاني من اهل زوجها التي قلوبهم من صخر لتكمل طريقها عليها ان تتحملهم وتكمل القصه ابنتها (زهراء) للكاتبه زهراء الدليمي
