قلوب من صخر!

بارت خامس

مساء الجوري 🎼

_قلوب من صخر!

_بارت خامس

_استمتعوا

''''''''''''':'''''''''''''''''''''''''''''''''''''''''':''''''''

علي:يله ولج سما شيلي الماعين وتعالي لبتج بس تبجي صطرتني
سما:نشالله حبيبي...رحت غسلت الماعين ورحت الزهوره نومتهه واجه علي شلونك اليوم علاوي
علي:زين اني راح انام كعديني العصر ب 5
سما:ماشي نوم العافيه .. نمت وفزيت ساعه 4 نزلت لكيت الكل نايم مااعدا دعاء كاعده بلمطبخ حاطه ايدهه على خدهه ....هاا دعاء رايده شي اساعدج بشي
دعاء:انتي بس ابتعدي عني وكلشي يصير تمام
سما:براحتج اني راح اسوي كيك تساعديني لو لا
دعاء:خدامه عند الخلفوج
سما:لا مو هيج قصدي بس قصدي انو هيج تنسله اني وياج
دعاء:لا عيني مااحب اتعب اديه يله كملي شغلج لا يكعدون الولد
سما:انشالله ... طلعت البيض والحليب والطحين والشكر (سكر) والكلاصات والزيت والفانيلا والكشور مالت البرتقال وكمت اسوي بلكيك ....خبطتهه وخليته بلفرن لربع ساعه شفته استوت طلعتهه
محمد:اوووه شنو هل ريحه اليوم كيك يي عيني غير ابو زهوره اجه شلون مااتبدعين
سما:ههههه شعندي غيره اذا مااخدمه اخدم منو
رضا:هئله شهل كيك هذا شهل تفاهات عود يضل يحبج هيج
دعاء:ههههههه وانته صاج يرضاوي عباله يضل يحبه
سما:مااحتاج الكيك ولا اشياء غيره هو يحبني والله يعلم شكد مااحتاج نصايحكم
احمد:عوفو البنت بحالهه انتو شكو بيهه روحي سما اخذي الكيك وصعدي الزوجج
سما:لا هااي مو بس النه هاي للكل مااخذته حته اعزل بيهه
عباس:شوفو هااي بنت الاصل عود نفسج امداج
دعاء:خاب دروح انته اخر واحد يهمني رائيه
سما:خلاص عبوسي انسه يله كعدو عمه وشهيد حته اصب الكم واني رايحه اكعد علي.....علاوي علوشتي
علي:هاااا شكو
سما:الساعه 4ونص اكعد
علي:كعدت
سما:يله انزل الكل منتضريك
علي:ليش شكو شمصخمه
سما:يا شبيك علاوي يمته مصخمه اني حته تكلي هيج
علي:انجبي وامشي يله خلي اصحصح واخذي هاي بتج بس تصرخ صطرتني
سما:اباوع الزهراء نايمه ومااصرخت بس وقت الغده وهذا بس يزمخ شبي تركته ونزلت دااصب وزوجة رضا ودعاء يتبسبسن
دعاء:ياا جا محد كعد زنوبه
زينب:اني جيت
رشا زوجة رضا:هلا بيج عيني
زينب:وبيج شكو شو تتبسمن وتبسبسن ضحكنه احجن كدامنه شكو
دعاء:يا جا انتي شمالج رأسن غرتي لتخافين مو عليج
زينب:خاب اخر همي سوالفجن بس ضحكجن وراه انه
رشا:شقصدج زينب
زينب:قصدي واضح ومفهوم
رشا:لا تخليني اكل لخوج
زينب:خاب دروحي خوفتيني
سهام:كافي انتي وياه احترمني اني على الاقل صالجن ساعه وارد اشوف لوين توصلن
علي:مساء الخير جميعاً
الكل:مساء النور 
علي:سما جيبيلي مي ميت عطش وراسي حيل يوجعني بسرعه
سما:اي ...رحت جبتله. واجيت. هاك
علي:كولي اتفضل تعلمي الاصول
سما:يا هذا شبي من الضهر لهسه
دعاء:خويه هاي وينه وويت الاصول بنت هوايش جبناهه من وره الطليان
زينب:هاي ياطليان ياهوايش التحجين عليهن نسيتي اخذتي منو لو اذكرج خلي لسانج بحلكج وسكتي
دعاء:جاي تعيريني يساقطه
زينب:مو طبعي اعير بشر بس الحيوانات التي بلا عقول لا تفهم كلام البشر
سهام:كافيي بنات النعال انعل ابوجن هسه ادبسزيات شو لا تحترمن لا زغير ولا جبير كل وحده الغرفتهه يله
سما:كملت العركه واني بلمطبخ مالي علاقه بيهم اجه علي
علي:امشي للغرفه واني الج
سما:صعدت للغرفه وكضيت زهوره جاي ارضع بيه
علي:لج انتي شنو بس كليلي
سما:شنو
علي:حيه من تحت التبن والله يابنت الكلب بس المشاكل من وراج بااجر لبيت اهلج مااشوفج اهنا افتهمتي
سما:علاوي شبيك شسويتلك اني

........................

يتبع

للكاتبه zh_me074