قلوب من صخر!

البارت الحادي عشر

مرحبا شلونكم كل عام وانتو بالف خير يارب تنعاد عليكم بالصحه والعافيه وراحة البال

_قلوب من صخر

_بارت حادي عشر

_استمتعوا

"""""""""""""""""""""""""""""""""""""

هَـل ضَـننـت؟ أن النَـسـيان سـهـل لـهذة الـدرجـه......؟؟؟؟

سما:نزلنه على السوك شتريت ملابس الزهوره جاي ادور ب ملابس اطفال شفت بدله تخبل لونهه مااروني الصدر اسود والكلوش مااروني وهي بيضه تطلع تخبلل ...علاوي
علي:عيون علاوي
سما:شووف
علي:احح يمه تخبل على بنيتنه
سما:خلي اشتريهه
علي:شتريهه ولا يهمج يكلبي
سما:فدوه اروح الكلبك انطيته لأبو المحل كلي ب 10نطيته ال 10ومشيت.
علي:يله باجر من الصبح نطلع نرجع لهلنه
سما:اي خل احضر الجنط حته انام
علي:ماشي يكلبي
سما:خليت الجنط يم الكنتور ولبست تنوره جوزي وقميص بيجي امس شتريتهن طلع علي لبس بنطلون اسود وقميص ابيض
علي:يله نمشي
سما:يله...وصلنه للكوت وكال ناكل شي ..يي فدوه خل ننزل ب مطعم
علي:اي ليش لا
سما'يله انزل
علي:دكعدي واستجني لا اكسر راسج تريد تنزل بهل ضيم الي لابسته
سما:يااضيم منو يباوع الي هو اني عجوز
علي:عجوز وعمرج 26سنه
سما:نزل سد الباب حيل شوي واجه بيده علاكه خلاهه بحضني
علي:طلعيلي شي اكله ميت جوع
سما:اي هاك
علي:صدك دعاء راحت دريتي
سما:اي كلتلي زينب
علي:اها خوش
سما:يله نمشي ارد اشوف بنتي مشتاقتلهه واخيرا وصلنه للقلعه نزلت ....سلام عليكم
سهام:عليكم السلام واخيرا اجيتي شبعتي ونسات شردتي من بيت رجلج على الطاير
زينب:ياااميت هلا ومرحبه توه نور البيت يم البيت شووفي منوو اجاج ...سلونس ماما ستاعيتلس اني
سما:يمه يمه وكعن دموعي من شفت زهراء حضنتهه وكمت اشم بيهه بعد امهه لابسه وردي ياكل ويشرب عليه
علي:وصلت لهلي سلمت على امي وعلى زينب والولد ووصلت البنوتتي الحلوه ...ياروح ابوج يااكلب ابوج من اروح فدوه للوردي شهل جمال يمه صلاوات
سما:واخيرا رجع لتم شملنه ورجع كلشي مثل قبل بس عمتي تذب سمهه ومرات يجون رشا ورضا يضلون يذبون بسمهم
رشا:عبالج ترتاحين والله لكرهج عيشتج والله
سما:سلمتج لله واهل البيت
رشا:يغسلونج خليهم يفيدوج (اسفه بس هو هذا كلامهه لرشا مااكدر اغير هي ادبسز حاله حال امثالهه)
سما:شكد نرفزتني ادبسز شلون تكدر تحجي هيج كبر اي والله رحت اكلي ب الكباب مااسمع غير صياح علي رحت ركضت فوك .... علللي

يتبع

باارت قصير اعرف بس مردت اتأخر عليكم اكثر تعرفون العيد والخطار ف مشغوله ومراح اقطع عنكم واكتب بارتات اكثر اتمنى نالت اعجابكم ورضاكم

للكاتبه zh_me074