البارت الرابع ﴿٤﴾
ملك: عايزه اقولك بس توعديني تسمعي كلامي ومتقوليش حاجه لماما
مكه:قلقتيني يابنتي
ملك: بابا كان...... سردت لها القصه كلها
مكه : انتي ازاي تقولي حاجه زي كدا ازاي بابا لايمكن يعمل كدا لايمكن ولم تكمل حتي وقعت مغشي عليها
ملك:مكه مكه ذهبت ملك مسرعه الي غرفه مالك وندهت عليه دلف مالك ليري ملك
مالك حملها مسرعا ووضعها علي الفراش نظر الي ملك وقال :ايه الي حصل
ملك: وتسرد عليه ماحدث
مالك : بغضب انتي ازاي تقوليلها من غير ماتعرفيني
ملك : انا مكنش قدامي غير كدا
مالك :انا الي اسف مكنش ينفع اعلي صوتي عليكي
سمع آسر صوتهم خرج من غرفته ودلف آسر وقال: في ايه صوتكم عالي وقعت عينه علي مكه
مالك: انا طلبت الدكتور
أمينه: اتفضل يادكتور
فاديه كانت تجلس علي الفراش تحتضن مكه وملك تجلس علي طرف الفراش
الدكتور: معلشي ياجماعه بس ممكن تخرجم عشان اعرف اكشف على المريضه
مالك : انا مش هخرج
اسر: معلش ياجماعه ممكن نخرج ونسيب الدكتور برحته
وخرج الجميع من الغرفه عدا مالك والجميع يقف خارج الغرفه
آسر: ايه الي حصل
ملك: بغضب مفيش وتتذكر صفعه آسر
وآسر لم يرغب في الرد فهو يعلم خطائه اخذ نفس عميق ودلف الي غرفته وملك تضم شفتها السفلي وتبكي جففت دموعها ووقفت بجانب أمينه
أمينه :ايه الي حصل ياملك
ملك: بعدين ياماما امينه عشان ماما
أمينه : اه طيب ياحبيبتي
وقفت ملك بجانب فاديه ووضعت رأسها علي كتف امها احتضنتها فاديه وجففت دموعها
------------------------------------------------
وفي الغرفه
مالك : ها يا دكتور هي هتقوم امته
الدكتور : لا متقلقش هي هتفوق كمان ساعتين بالكتير اوي انا هستاذن انا
مالك: طب ميرسي يادكتور تعبناك معانا
الدكتور : مالك يريت تسبوها ترتاح شويه
مالك: حاضر يادكتور اتفضل
ويفتح مالك الباب ويخرج مع الطبيب ويوصله حتي باب الفيلاء ويعود سريعا جلس بجانب مكه وقبل جبهتها وقال انا عارف ان موقفك صعب اوي بس اوعدك اني مش هسيبك لوحدك
------------------------------------------
وفي شرفه غرفه آسر يجلس وقرر ان يقراء الاوراق ابني العزيز آسر ارجو منك انت تفهم كلامي واريد منك ان تتزوج من ملك ومكه يتزوجها مالك وتحرصا عليهم وعلي اموالهم فاني اخشي بعد مماتي ان يتزوجن من اشخاص يطمعن بهم واتمني ان تحقق وصيتي وارجو ان تفهم مدي قلقي علي بناتي واعطيها لاخيك بعد قراتها
تذكر وصيتي لك بالمشفي اما الملف الاخر فارجو ان تعطيه لملك ومكه ••••••••
وبعد قراته الورقه تذكر المشفي عندما كان يبلغ ١٦عاما
﴿فلاش باك ﴾
سلمان : سيلمان اخرج ونادي آسر
سيلمان: آسر انت واقف هنا ليه
آسر: مفيش يابا انا بس قلقان علي عمي
سلمان: طب ادخل عمك عايزك ونكمل كلامنا بعدين
وضع آسر يده علي المقبض وفتح الباب اغلق الباب خلفه واقترب من عمه
آسر : في ايه يعمي
سلمان: بحزن خلي بالك من البنات ومتزعلهمش ابدا ولما تقراء الورقه الي هسبهالك تنفذ الي فيها توعدني
آسر : اوعدك اوعدك يا عمي بس مش فاهم حاجه
سلمان: لم تكبر هتفهم كل حاجه
﴿عوده الي ارض الواقع﴾
آسر : هي دي الوصيه الي كلمتني عنها معقول طب
ازاي ازي مفكرش اني ممكن محبهاش اوهي متحبنيش ازاي فكر بالشكل دا هو لسه في ناس بتفكر بالطريقه دي هتعمل ايه دلوقتي يا آسر هتتجوزها انت وعدته بس سحر مستحيل تقبل تبقي زوجه تانيه وكمان ملك
-------------------------------------------------------
وفي غرفه ملك
مالك: انا هخدها تنام في اوضتها
ملك : لا سيبها انا هخلي بالي منها روح نام انت
مالك: ماشي بس يريت متتكلموش في حاجه
ملك : انا ممكن اروح اوضتها بس هفضل معاها لحد ماتصحي
مالك : وانا هبقي اجي اطمن عليها
ملك هزت رأسها بنعم
دلفت ملك بعد خروج مالك الي شرفت غرفتها وظلت تبكي وتبكي وراءت آسر وهو جالس في شرفته فدلفت مسرعه حتي لايراها ذهبت الي غرفه اختها لتستريح قليلا واثناء خروجها تجد زوجه عمها
امينه : ايه الي حصل ياملك
ملك ارتمت باحضانها وتبكي ودلفا معا الي غرفه مكه
امينه: خلاص ياحبيبتي اهدي
ملك: وسردت لها ماحدث
أمينه : خلاص ياحبيبتي بتعيطي ليه الموضوع
ملك: هو انا ممكن اقولك علي سر
أمينه : طبعا ياحبيبتي
ملك: آسر آسر
امينه: ماله آسر زعلك في ايه
ملك : آسر ضربني بالقلم عشان سحر
أمينه: سحر انتي عرفتي منين
ملك: وسردت لها كل شي
أمينه : لا دا زودها طب اهدي ياحبيبتي وانا هجيبلك حقك
ملك : لا والنبي ياماما متقوليلو حاجه
أمينه : متخفيش انا هع....
ملك مقاطعه: عشان خاطري ياماما
أمينه: طب نامي دلوقتي ياحبيبتي
وخرجت أمينه واستقرت ملك في نومها
-------------------------------------------------
وفي الصباح
آسر استيقظ مبكر وذهب للنادي ليودي رياضه الصباح عاد والجميع علي مائده الافطار فسلم عليهم وصعد ليلقي علي نفسه المياه وارتدي حله باللون الكحلي الغامق ووضع العطر نزل لم يجد اخيه وملك
آسر : ايه هما راحو الشغل ياماما
أمينه: اه يا آسر انا عوزاك
آسر : معلش ياماما بعدين
ندي : مش هتفطر
آسر: لا مليش نفس
أمينه: انتي مش هتمشي الا لما نتكلم الاول
آسر: بس انا متاخر عن ازنك
أمينه: لا يا ندي اخوكي بقا قليل الادب وبيتصرف من غير ميفكر اوي مكنش بيعمل كدا في ايه
ندي: ماما تلقيه مدايق من حاجه بس وشغله باله
أمينه: بس اما يجي وانا ليه صرفه معاه
---------------------------------------------------
وفي الشركه
دلف آسر الي مكتبه وطلب من رنا ان تخبر ملك انه يريدها ذهبت رنا
في مكتب ملك
رنا طرقت الباب ودلفت بعد ان ازنت لها ملك وقالت:
استاذه ملك آسر عايزك
ملك: قوليلو مش فاضيه
خرجت رنا من المكتب واتجهت الي مكتب آسر
رنا: بتقول مش فاضيه
آسر : يوووه لعب عيال خلاص يارنا شكرا
رنا:مالك في ايه
آسر: اه صحيح اقعدي انا عايزك في موضوع
رنا : قول في ايه
آسر:وسرد لها ماحدث
رنا: ايه دا ازاي عمك يفكر كدا دا الكبير يعني
آسر: مش عارف
رنا : للاسف مقدمكش غير حلين
آسر: ايه هما
رنا: اولا يا تكمل مع سحر وتصالح ملك وتخلي اخوك يتجوز مكه وتخلي بالك منهم
الحل التاني :تسيب سحر وتصالح ملك بردو وتتجوزها واخوك يتجوز مكه يعني تنفذ الوصيه
آسر: بس انا مبحبهاش وهسيب سحر ازاي ملهاش زنب في حاجه زي دي
رنا:والله بوكي ورد يحل مشكلتك مع ملك
آسر : طيب روحي انتي كملي شغلك
لفت رنا: تمام ابقي كلمني وطمني عملت ايه واستدارت امام باب المكتب وقالت له :علي فكره محدش يقدر يقرر غيرك وبس انتي الي هتختار وانتي الي هتتحاسب علي اختيارك
آسر: عارف طبعل بس القرار صعب طيب روحي انتي يارنا ولوسمحتي
رنا:مقاطعه كوبايه قهوه عرفه طلبك
آسر:الوحيده الي بتفهمني قبل ما اتكلم
واتجه آسر الي مكتب ملك
______________________
في عماره ما يوجد منزل تبدو عليه البساطه يتكون من غرفتين ومطبخ والاساس عباره عن صالون
محمد: ماما انا مش عارف هو غلط لما رحتلهم
خلود: لا يابني مغلطش دول اخواتك ومسولين منك وانت بقالك كتير مستني تشوفهم
محمد: حاسس ان الوقت مكنش مناسب
خلود: يا حبيبي انت مغلطش ابوك وانا الي غلطنا في حقك انت وهما
محمد: ماما انا مش بتكلم معاكي عشان تحملي نفسك فوق طاقتها انتي ملكيش زنب في اي حاجه
خلود: انت هتعمل ايه دلوقتي
محمد: مستني آسر يكلمني عشان نشوف هنعمل ايه
_______________________________________
دلف آسر الي مكتب ملك رفع يده وقال:
انا طلبتك ومجتيش قلت اجي انا
ملك بلامبلاه وهي ترفع حاجبيها: والله طب عايز حاجه
آسر ضرب المكتب : ملك لما اتكلم معاكي تكلميني عدل والاء مش هيحصل كويس
ملك تفرق يدها وقالت : انااااا...
علم آسر مدي خوفها ويجزبها من يدها ويجلسان علي الاريكه
ملك: ببكاء متضربنيش اروجوك
آسر: ايه بتعيطي ليه شايفنا دراكولا وهموتك اوعدك مش هزعلك تاني ابدا وعلي فكره جبتلك الورق
ملك: بجد ميرسي يا آسر
آسر: علي ايه ياحبيبتي
ملك : في نفسها حبيبتك اكيد قالها بالغلط
آسر: ملك سرحتي في ايه..
ملك: بفكر هيكون فيه ايه
آسر :ماشي تويهي برحتك عموما دا الورق بس وصيت باباكي انك تفتحيها انتي واختك
ملك: بنظره تعجب عرفت منين يا آسر
آسر:محمد قال كدا
ملك:طيب يا آسر هصدقك لان مقدميش غير كدا
آسر :لا هتصدقيني عشان انتي واثقه فيا هقول لرنا توصلك البيت بس ياريت متكلميش مكه دلوقتي اكيد لسه تعبانه
-----------------------------------------------
وفي مكتب مالك دلف آسر
آسر: اتفضل
مالك: بتعجب ايه دا
آسر : دا وصيه من عمك الله يرحمه
مالك:وصيه ايه هات ياسيدي لما نشوف
قراء مالك الوصيه تبدلت ملامح وجهه ونظر الي آسر ورفع حاجبيه وقال: انت بتهزر صح
آسر نظر له وهز رأسه ب لا
مالك : انا عن نفسي موافك انا بحب مكه وكدا كدا كنت هطلب ايديها بس انت...
آسر:انا ايه
مالك: انت بتحب سحر ولولا انهم جم كان زمنها خطبتك
آسر: انسي سحر كانت نزوه عاديه
مالك: آسر انا فهمك كويس
آسر: مالك خلاص انا عارف انا بعمل ايه
مالك: بس انتي مبتحبهاش
آسر: خالاص يامالك انا مش ناقص
مالك:تمام بس انت كدا هتعذبها وتعذب نفسك هي فين دلوقتي
آسر : راحت الفيلاء متنساش تبقاء تجيب لمكه عربيه وملك هي كمان
مالك: تمام بس هي روحت ليه
آسر: اديتها الورق وراحت عشان تشوفو هي ومكه
مالك: يتري الورق دا فيه ايه
آسر:مش عارف بس اكيد حاجه متعلقه ب محمد
مالك: او موضوع الجواز
--------------------------------------------------------------
وفي سياره رنا
رنا:مالك قلقانه كد ليه
ملك: مفيش وصلنا
رنا:اه اتفضلي
ملك:ميرسي بجد تعبتك معايا
رنا: لاتعب ولاحاجه تحت امرك ياهانم
ملك:هانم ايه انا ملك بس علي فكره احنا اصحاب معرفش حد هنا غيرك انتي واصحابي بس هما مسافرين
رنا:اكيد طبعا بس ليكي صحاب هنا
ملك:اه اتنين هما في شرم بيصيفو باي
رنا: باي
عند آسر في المكتب جلس علي المقعد واخرج هاتفه وفتحه وضغط علي رقم
آسر: سحر انتي فاضيه انهردا
سحر: ايوا في ايه
آسر: طب ممكن نتقابل الساعه٨ في اخر كافيه كنا فيه
سحر: اكيد طبعا هستناك
آسر: باي ياسحر
انتهي من المكالمه واغلق الهاتف والقاه علي المكتب واخذ نفس عميق وزفره بقوه واسند ظهره علي المقعد
يفكر في ما سيقوله لسحر
-------------------------------------------------------------------
وفي الفيلاء دلفت ملك الي غرفت اختها ولم تجدها دلفت الي غرفتها متذكره انا اختها كانت بها امس
ملك: اصحي يامكه مكه
مكه:في ايه
ملك:محمد جاب الورق وبيقول ان بابا قال نفتحها سواء
مكه:انا مش عايزه اشوف حاجه
ملك: حبيبتي لازم تشوفي عشان نفهم
مكه:بقولك لا انا مش عايزه اشوف
ملك:وانا والله خايفه من صدمه جديده بس هنعمل ايه لازم نعرف عشان علي الاقل لو فيه حاجه نعرف نتصرف وربتت علي قدمها واردفت معلشي يا حبيبتي مطرين
مكه: طيب افتحيها
وفجاءه تدلف ندي ايه يابنات بتعملوا ايه
ملك:ندي انتي مستاذنتيش
ندي:انا اسفه بس انا كنت جايه اصحي مكه
ملك: خلاص خلاص معلشي بس ممكن تسيبينا شويه
ندي: اكيد وانا اسفه
مكه : علي فكره ممكن متخرجش ما كلو هيعرف خليكي ياندي لو سمحتي
قراءت الفتيات للورق
مكه: علي فكره الكلام دا كله عرفنا في حاجه تانيه مهمه ولا لا
ملك: احنا هنقول لماما كدا ازاي
ندي: ايه الكلام دا يا بنات
-----------------------------------------
وعلي مائده الطعام
آسر : هي البنات فين
فاديه : في اوضه ملك
أمينه: ثواني هخلي سناء تطلعلهم
آسر : لاخليها انا هروح اشفهم
أمينه: علي فكره انا عايزاك يا آسر
آسر:بعد الغداء يا حبيبتي هعملك الي تطلبيه
وصعد آسر لغرفه ملك وطرق الباب قائلا ممكن ادخل
ملك : اتفضل يا آسر
آسر: انزلو عشان الغداء
مكه : نزلين اهو
آسر : ملك ممكن نتكلم شويه
ملك: مفيش مشكله
نزلت مكه وندى ودلف آسر وملك الي شرفت ملك
آسر: هو الورق كان فيه ايه
ملك: مفيش بابا بيكد ان محمد اخونا بس مش اكتر وبردو مش عارفه هوصل لماما كدا ازاي
آسر: خلي الموضوع دا عليا
ملك: هتعمل ايه
آسر: بنظره مبتسمه خلاص بقا وعلي فكره انا قلت لمالك يشتري عربيتين واحده ليكي ووحده لمكه
ملك: بس احنا منعرفش حاجه هنا بقالنا فتره في امريكا
آسر وهو يمسك يدها : انا معاكي ومش عايزك تخافي من حاجه متيجي ننزل بقا عشان الغداء ولا انتي مش جعانه
ملك تعجبت من طريقته التي تبدلت فجأة وهزت رأسها بنعم
----------------------------------------
وبعد تناول الغداء
آسر : ها ياماما كنتي عايزه ايه
أمينه: تعالي فوق
آسر: ماشي اتفضلي
وفي الغرفه
أمينه: اقعد يا آسر انتي ازاي تمد ايدك علي ملك.
آسر هوووه : هي قلتلك شغل عيال
أمينه : متردش علي سوالي بسوائل ياآسر وبعدين ايه شغل العيال في كده هتقول لمين الغلبانه يعني
آسر: ماما اناخلاص صلحتها والموضوع انتهي
أمينه: انتهي ازاي يعني
آسر : انا هتجوز ملك ياماما
أمينه: والله هو كدا بالنسبالك انتهي مش تتاكد الاول انها مسمحاك وبعدين انت متكلم مع اهل سحر
آسر: ماما هو انا ضربتها بالنار
أمينه: عارف ياآسر لو ايدك اتمدت علي البنت دي تاني اوي زعلتها
آسر: اوعدك اني مش هزعلهم تاني
$$$$$$$$$$$$$$$$$$$$
نهاية الفصل
رواية اجبرتني علي عشقها
بقلم مروه اليماني
رائييييييكم يهمني 👇👇👇
أنت تقرأ
اجبرتنى على عشقها
Romanceشاء لها القدر ان تحب ابن عمها سرا وتتمني كل يوم ان ياتي يوم لتعترف له بحبها ولاكنها تعلم انها لن تغير الواقع فقد كتب عليها ان تعيش قصه حب من طرف واحد وبعدين يا حبيبي الملحوظه بس مش هكتب اكتر من كدا
