انت قدري
الحلقة التانية ❤️
ملاحظة 😍
عائلة اسيل
عبدالله بات اسيل
مريم ام اسيلاسيل وسلوى ❤اخوات توأم مواليد 98
لمار : اختهم لكبيرة مواليد 93وهي بنت هاديا ومتدويش هلبا عكس اخواتها
احمد : خوهم الصغير مواليد 2003تتعرفو اعليه اثناء الحلقاتعائلة مروان
مروان ❤ مواليد 90
صالح : بات مروان
نجاة : ام مروان
عندنا زوز اخوات
رهام :مواليد 94
انوار : مواليد 97والباقي تتعرفو اعليهم بمرور الحلقات 😉
سلوى : اسيل بسرعة نوضي صارت كارثة 😱
أنا : شن صاير يا ساتر 😨 ...............
سلوى : 😂😂😂واللهي لا هبلة مفي شئ 😂😂😂😝😝
أنا : يااا &#$€^#* حيوانة متشردة لما نقتلك اليوم 😡
سلوى:😂😂تستاهلي يا معبودة النوم
انا : لما نوريك يا سامطة يا بايخة لما نكسرلك اعظامك تو تتربي 😡
سلوى : وهيا هاربة 🏃🏼 وتجري
ياماما تعالي لبنتك بتقتلني
أنا : ونجري ورآها .. لما نوريك شاهدي علي روحك
سلوى : وهيا تخبي روحها وراء ماما ،،،يا ماما قوليلها واللهي الضرب امتاعها يقتل البقر مش لانسان 😩
أنا : لأنك بقرة هذا علاش 😡 تعالي جاي نوريك الضرب علي اصوله
سلوى : يا ماما انقديني أرجوك 😂
ماما : من قالك حاربيها تحملي توا
أنا : شفتي ان الكل عرفو عمايلك وحناطك البايخة 😒
لمار : يا بنات قالكن بابا تمشو ولا لا
أنا وسلوى : أنسينا ان كنّا نتعاركو ،،وين بنمشو 😳
لمار : كنكن مش تبن تشرن دبش للجامعة🙁
أنا وسلوى : ااها
لمار : باه صبي انتي وياها وتو رواحكن
قبل ما تكمل لمار كلامها مشينا نجرو 🏃🏻🏃🏻بدلنا بسرعة أحسن ما يغير بابا رأيا ويقول غدوا بما ان عطلنا
بعدين رِن تلفوني 📱📞
أنا : أهلين يا قردة 🙊
إنجي : فيه قردة وانتي عايشا وينك معاش تعدلي ولا تمت لقرايا انسيتيني 😔
أنا: شن انسيتك يا هبلة توا الجامعة وصلت نتلاقو ونتفاهمو لان الموضوع يبي شرح واجد
إنجي : شني توزعي فيا انتي 😌
أنا : 😂لالا لكن توا طالعين بنشرو دبش وبابا يستنى برا
انجي : إشريلي معاك حاجة متنسيش 😂
أنا : طول عمرك شحاتة 😂
إنجي : شحاتة في عينك امشي اقلبي وجهك نهدرزو لما تروحو 😌
أنا : تمام
وركبنا في السيارة
بابا : وين تبو ناخدكن يابنات
أنا : خودنا عند محلات الملابس
سلوى : لانبي نمشي عند محلات الأحدية
أنا : صكري فمك ولا بس تبي تعانديني ،،بتشري كندرة بعدين تشري اعليها لبسى عليك غباء يقتل 😒
سلوى : اي انتي يا ذكية 😒
نزلنا بابا لعند المحلات وكاينين يهبلو 😍😍
سلوى : شوفي المحل هذا بظاعتا شكلها تهبل 😍
أنا : خشي لهادا المحل خلي نشوفو شن عنده
المهم شرينا حاجات وااجد وكملنا قلنا لي بابا يرفعنا لمحل البرفان
بابا : السلام عليكم
صاحب المحل وعليكم السلام
وانا وسلوى بعد ما شفناه 😳😳😳
أنا : سلوى ( بصوت هادئ) هذا مستحيل ايكون إنسان 😍😍
سلوى : (بصوت هادئ) هذا ملاك يا اسيل ملاك 😍
بعدين عيونه جت فعيوني 😳
أنا : ابصوت هادئ) اويلي بنموت 😍
بابا : هي يا بنات شوفنو الي تبوه
أنا : ستاقدت مع روحي ،،وشوية ورن تليفونه
وقعد يتكلم واني نسمع كانا سامعا صوتا قبل 😕
صاحب المحل : هي تفضلو مبروك اعليكم بلهناء انشاء الله
بابا : شكرًا يا ولدي لكن بنسالك انت ولد الحاج صالح؟
صاحب المحل : ااها أنا ولده لكبير
بابا : مشاء الله اعليك قداش كبرت اسمك مروان صح ؟
مروان : ااها اسمي مروان ☺️
الشاب الحلو والشخصية والملاك طلع ولد صاحب بابا 😍😍
وبابا فتح معاه ميعاد طويل عريض
بابا : باه شكرًا يا ولدي وسلملي علي باتك وقوله عبدالله ايسلم اعليك
مروان : يوصل ياعمي وانت سلم علي العيلة 😊
بابا : يوصل ✋🏻
وطلعنا بعد ما تمينا امورنا ورفعنا بابا لي محل الاحذية وشرت سلوى هانم وفتكيت من نقها الزايد
وشريت أنا وروحنا للحوش ركبنا لدارنا بدلنا واتصلت بإنجي
أنا : إنجي حبيبتي 😻
إنجي : توا حبيبتي دوريلك مصرف تاني يصرفهالك
أنا : 😂😂 بلا حناطة ونكد هذا مش جوك
انجي : تعرفي عندي شعور داخلي عبارة عن بركان وزلزال نبي نفضيه فيك 😠
أنا : 😂😂😂 ولله مصارت شن بتمشي للجامعة غدوا
انجي : كنك هبلتي ،،بنمشو من اول يوم تقولي بنقتلو رواحنا علي خاطر لقراية
أنا : وانتي بتبدي في قصة الغياب من اول يوم ،،دبري رأسك أنا وسلوى بنمشو 😌
انجي : خزي قداش تقهرن فييا انتن الزوز 😒
أنا : بتمشي ولا لا 😪
انجي : باه بنمشي 😒
أنا : تمام وجهك توا الراصيد بيكمل👊🏻
انجي : 👊🏻باي
مروان : شن جابك انت توا
وائل : مرايف وجهك اصلي مكبد اعليك😒
مروان : لكن انا مش مرايف علي وجهك 😝
وائل : خزي علي تربايتك الخاسرة هكي تكلم صاحبك
مروان : وكيف تبيني نكلمك 😌
وائل : أنسيت انت حمار في الادب وحمار فالرومنسية 😂
مروان : وانت حمار فكل شئ 😒
وائل : 😂😂😂نجيب منك ياسر
مروان : اسمع الجامعة بتبداء وانا عمي دارلي واسطا باش نعطي محاضرات ومفيش من يشد المحل شن رأيك تستلما انت
وائل : نبي كل شهر 2000 دينار 😌
مروان : شن رأيك كل يوم تاخد كف ومعاه بوكس مجاني 😒
وائل : 😂😂طول عمرك جلدة
مروان : هي سلام توا ✋🏻
وائل : سلام
سلوى : اسيل اسيل اسيييييييل
أنا : كنك ضبحي شن تبي 😠
سلوى : وين شنطي الي لونها قهوي 👜
أنا : كليتها 😪
سلوى : اسيل بلا حناطة هيا وقت اعلينا
أنا : ذكري كلامك قلتي وين شنطي ركزي مع شنطي 👜 يعني شن خصني في حاجتك امشي دوري وين رميتيها
سلوى : علي أساس تمشي معاك كلمة حاجتي انتي دبشي كله ألبسته قبل ما نلبسه انا😒
أنا : أنا كملت تبديل بنطلع وانتي اقعدي دوري شنطك الشينة 😝
سلوى : امشي يا بقرة بدلتي ولا مبدلتيش طول عمرك هتقعدي قردة 😝
أنا : هادو عيونك الي شينات تقول عيون العنزة هما الي خلوكي متشوفيش جمالي
ماما : هيا يا بنات باتكن بيمشي ويسيبكم ره
أنا : أنا طالعا وليا ساعة مبدلا لاكن بنتك اتقول بتمشي للعرس مش للجامعة 😛
سلوى : خبيثا 😠انتي المفروض تتخصصي في ضرب الايباري 💉 مش القانون 💼
وتمينا ومشينا ووصلنا للجامعة وأول ما وصلنا كانت الجامعة معبيا شباب وبنات وأول ما يجي وجه جديد كلهم يبحتو فيه تقول صحافة 😥
سلوى : خلينا نردو أحسن 😥
أنا : وخري يا دجاجة مش حياكلوك خليهم يبحتو لن تطلع اعيونهم
انجي : اخيراً شرفتو 😍
أنا : انجي 😕بكري فيه وحدة قالت منبيش نمشي ومن هلكلام واليوم جينا ولقيناها جت الاولى 😂😂😂
انجي : مجبتش الاولى انتن يلي جيتن متأخرات 😅
سلوى : شن جو الجامعة وناسها
انجي : حسب ما شفت جميع الاشكال متوفرا الصايع والمحترم والصامت والمبتسم والمنافق والكذاب والطيب والي على حالا والي مش مخلي حد علي حالا وهاكذا
أنا : 😂😂عطك داء عندك ربع ساعة وجمعتي هذا كله يستر الله بعد عام شن بتجمعي
سلوى : لو مفيش تحريات انجي مستحيل انحس انها طبيعية 😂😂
انجي : اضحكن اضحكن توا نشوفكن شن بديرن من دوني 😌
أنا : هيا امشي انتي وياها نسلملهم باقي اوراق التسجيلمروان : قريب انقولها كلمة اندمت 😣
علي : 😂كنك خايف ولا شني
مروان : خوف شني داخل علي فلم رعب انا ،،،،
القصة ان عدد وااجد وانا عنديش خلوق هذا كله علي خاطر أمي بس 😪
علي : لالا صدقني الموضوع فيه متعة وتوا تغير رأيك ويعجبك الجو 😉
مروان : انشاء الله
علي :اي سنة واخد انت ؟
مروان :علخفيف واخد سنة اولى
علي: اووو سنة اولى يا مروان تي انت بتقري بنات طروووف تشوفهم متفهم شي 😍
مروان : اخر همي 😪
علي :تي اهبل لو تفوت الفرصة اعليك 😂
مروان : غير السيرة انا مش هنكون معاهم سوا استاذ والحركات هادو عيب وميبمشوش امعاي 😒
علي :😂😂ايه ايه صدقتك توا نشوفو يا مروان
مروان : 😒😒اسكت انت وكلامك الي يدره الكبد
علي :😂😂😂انا : انجي نبي نعرف شن عاجبك فلانجليزي 😷
انجي : نموووت فيه ايهبل 😍
انا : موسع بالك 😖
سلوى : انجي دوريهاش تقول هكي لانها حمارة فلانجليزي 😂
انا : هاهاهاها يا صامتة 😒
انجي : وأنتو القانون عندكم رغبة فيه ولا مجرد مجال بتقروه وخلاص
سلوى : انا نحببه واجد وحلمي من لما كنت صغيرة 😍
انا : مجال فقط مفيش مجال عجبني ألقيت اكتر حاجة مسليا تنقراء القانون
انجي : عندك حق ليبيا مفيها شي الحمد الله فيها جامعات ومدارس 😂
انا وسلوى : 😂😂😂😂الحمد الله
هدرزنا شوية بعدين روحنا للحوش وبدلت دبشي ورميت روحي عسرير ورقدت😴
بعد ساعة ⏰
سلوى :اسييييييييل اسيييييل تي نوضي بسرعة 😢
انا : كنك تبكي 😳
...................#يتبع
اذا ما الدي سيحدث لماذا تبكي سلوى
هل يوجد امر حدث فلمنزل
وماذا ستكون ردة فعل اسيل
متا ستتعرف اسيل علا مروان وما الدي سيحدث بينهم
انتضرو الحلقة التالتة 😍من رواية انت قدري لتشهدو قصة حب لا مثيل لها 👌❤
أنت تقرأ
أنت قدري
Romanceيلعب القدر لعبته كلعادة ويجمع بين قلبين في قصة حب جديدة وبطريقة اخرى سيشهد القدر الصعوبات التي ستقف في طريقهم وايضا سيشهد عن اجمل قصة حب قد حدثت وبطريقة حقا غريبة ❤