لايك قبل ما تقروها 😘
انت قدري ❤
الحلقة التاسعة عشر
عديت لي مروان
مروان :(نضرت غرور )😏
انا:متحسبش روحك حاجة كبيرة بس مطرة نشبحلك ونكلمك لان اليوم عيد ميلاد حمودي ونبي نمشي عند اهلي وكيف ما تعرف مفيش من بياخدني غيرك 😒
مروان:عدي وتي روحك 😒
انا:😏
وخشيت لدار وفجاة .....
بديت نصرخ بي اعلى صوت
مروان جا يجري
مروان:كنك شن فيه 😨😨
انا:تخيلت ان فيه صرصور 😥
مروان:اسيل كنك 😡حسبت صارلك حاجة
انا:خفت اعليا 😌
مروان:احم ..لا بس نخاف ايصيرلك حاجة في بيتي ونتحمل انا المسؤلية 😌😒
انا:😒😒ياريت ايصيرلي حاجة ممكن وقتها نرتاح من كلامك شوية
مروان:قلتي حاجة 😒
انا:اطلع نبي نبدل دبشي 😒
طلع مروان وانا قعدت نتكلم بروحي
انا:ياربي خلاص جنيت بديت نتكلم مع روحي 😱
وشن فيها يعني 😌هزيت كتافي وكملت تبديل
سلوى:تي كنها ريحتها معفنة هكي 😷
ريناد:اسكتي يحمارة توا يسمعنا 😨
سلوى:ويسمع من قالا يجيب صنا ريحتها خامرة 😷اع قريب انرجع
ريناد:اطلعي قدامي انتي بتفضحينا اليوم 😠
سلوى:بنطلع ساد الي شميتا تعالي نمشو للمحل الي جنبا
ريناد:اطلعي بس ونتفاهمو
سلوى:شوفي حتا منظر المحل مش حلو لكن شوفي الي جنبا ايهبل 😍
خشت سلوى وريناد لمحل العطور
صاحب المحل :اهلين 😊
سلوى:وائل😰
ريناد:مني وائل انتي التانية
سلوى:(بصوت واطي)اسكتي يا حيوانة مش وقتك توا
،،،اهلين وائل كيف حالك
وائل:بخير تمام وانتي شن اخبارك 😍
سلوى:عال العال
وقعدو سلوى وائل يشبحو لبعض وريناد اطرش فزفة
ريناد:انتو من وين تعرفو بعض 😒
ابتسم وائل ابتسامة خفيفة
سلوى:وائل صاحب مروان واجد او ممكن تعتبريه خوه
ريناد:و ......
سلوى:شني و....
ريناد:هدا كل الموضوع
سلوى:وشن هيكون فيه يعني
ريناد بدت تشبح للايمين والايسار وقالت
ريناد:باين ان فيه حاجة بينكم
وائل ابتسم اكتر وشبح لي سلوى بنضرة اعجاب
سلوى تلبكت وحاولت تغير الموضوع
سلوى:احم ..نلقو عندك برفان رجالي حلو مش زي المحل الي جنبك البرفان الي عندا صنتها معفنة وتخليك ترجع
وائل:ههههههه
ريناد:(بصوت هادي)لو مقتلتكش اليوم مستحيل هنديرلك حاجة فيوم من الايام 😨
سلوى: شن قلت انا 😌
وائل:هههههه اوك تمام اسمعوني توا 😄
انتو عندكم حاجة فبالكم
سلوى:مع الاسف لا
وائل:اوك هنعطيكم مجموعة وانتو شوفو واختارو الي يعجبكم
سلوى:تمام
انا:انا واتيا ممكن نطلعو 😌
عدا مروان بحدايا وبدون ولا كلمة بغرور طبعا
انا:حيوان 😠
مروان:سمعتك
انا:😁😁
وركبنا السيارة ولع مروان المسجل ودار علي اغاني هادية وحزينا
انا:شن هلاغاني بنرقد 😪
شديت الريموت وبديت نغير لن صادفتني اغنية مستر سينا افرحت واجد وانسجمت معاها
مروان:😒اول مرة نشوف بنت فحياتي تحب الراب
انا:بس هدا راب مطور ومفهوم وحاجة راقية وتستاهل نسمعوها 😌
مروان:انتي مريضة بدون اي نقاش
انا:عجبك النكد الي مدايرة 😒لو سمعتهم ادقيقة بس احتمال نبكي ومنعرفش السبب
مروان:ههههه
انا:😰انت تضحك
مروان:احم...(وطفا المسجل) ..هك احسن
انا:سامط
مروان:السانك طاول انتي
انا:😁نزلني عند محل .......بنشري هدية لي احمد
مروان:اوك
نزلني عند محل اللالعاب اللكترونية
انا:انزل امعاي
مروان: اكيد نازل
أنت تقرأ
أنت قدري
Romanceيلعب القدر لعبته كلعادة ويجمع بين قلبين في قصة حب جديدة وبطريقة اخرى سيشهد القدر الصعوبات التي ستقف في طريقهم وايضا سيشهد عن اجمل قصة حب قد حدثت وبطريقة حقا غريبة ❤
