أنت قدري ❤
الحلقة التانية والعشرون
وبعد ما خشينا لدار
سلوى:احكيلي شن فيه 😨؟
انا:متخافيش اعليا انا كويسا بس معاش نقدر نتحمل ضروري نحكيلك معاش نقدر انخبي 😢
سلوى:اسيل شن فيه بنمووووت تكلمي 😱
وحكيتلها لي سلوى كل شي وعن الي صارلي فلجامعة وعلي رياض وشك مروان فيا
سلوى:😱😱اسيل شن اتقولي
انا:هدا الي صار 😔
سلوى:لالا تبصري مستحيل انصدق 😨
انا:يا حيوانة توا هدا موضوع ينكدب فيه
سلوى:ومروان كيف ايشك فيك
انا:منعرفش شن صار بزبط بس الباين فيه لعبة صارت ونضحك علي مروان فيها
سلوى:اسيل لعب شني معقولا انتي ايصيرلك هك 🤤
انا:صار وتم المهم قلتلك الي فقلبي وورتحت
سلوى:راحة شني ..تي كنك مقلتيش لمروان الي صار معاك وبررتيلا الموقف
انا:هوا مسالنيش من البداية وانا متكلمتش خفت يتعارك معاه ويصيرلا حاجة 😔
سلوى:غبية وهوا اغباء مزال الي صدق كلام زي اهوا 😡
انا:المهم انا تعبت واجد من هدوا المهم حكيتلك ورتحت 😥 تعالي نوتو السفرة ونغيرو جو 😍
سلوى:😔😔نورا:رهااااااااام
رهام:طرشت 😣
نورا:وين الشكلاطة الي فتلاجة 😠
رهام:قصدك شكلاطة ميلكا
نورا:اها 😠وينها
رهام:نعرفش 😌
نورا:رهام بلا استعباط كليتيها اكيد 😡
رهام:كلهم كلو منها مش اني بس 😌
نورا:لاااا ياقلبي 💔 😭كلهم كلو منها الا انا مشميتش حتا ريحتها 😭
رهام:😂صبي درتي العار علي خاطر شكلاطة لو ايشوفك رضوان ممكن يهرب المسكين ايقول واخد بيبي مش بنت عمرها 20سنة
نورا:رضوان حبيبي😍،،صبي من خليقتي معاش نبي نشوف وجهك لن تجيبيلي وحدة تانية غدوا 😒
رهام:حيوانة 😒مرام:رضوان تعرف رايفت وااااااجد علي سلوى واسيل 😢
رضوان:والمطلوب😌
مرام:حيوان تحشمش اصبر علا الاقل شوية
رضوان:وعلاش الصبر عارفك بتطلبي نوصلك😌
مرام:به مدامك تعرف معناها وتي روحك بتاخدني غدوا
رضوان:ومن قالك موافق بناخدك غدوا 😒
مرام:رضوان كنك هكي بلا حناطة 😭
رضوان:تبي ناخدك 😌
مرام:اها😢
رضوان:صبي ديريلي نسكافي 😌
مرام:تبي كف ايطيرلك سنونك 😒
رضوان:السانك يبي قص صبي ولا نغير راي 😒
مرام:حاضر 😁وائل:السلام عليكم
ام وائل:وعليكم السلام كنك متردش على مكالماتي
وائل:مسمعتاش كاين فسيارة
ام وائل:اسمع الاسبوع الجاي نمشو نخطبولك
وائل:منو ؟؟😕
ام وائل:منو يعني اكيد بنت خالتك نهلة
وائل:امي انتي كويسا حالك باهي اصحيحة تمام
ام وائل:اها كويسا الحمد الله وتوا متغيرش الموضوع 😒
وائل:تبي راي ولا ؟
ام وائل:اها شن يعني بناخدها انا متلا
وائل:ياريت يا امي هيا ليك مسامحك دنيا واخره 😂
ام وائل :(ضرباتة علي ايدا ) بلا حناطة وانت حياتك كلها ضحك خلي الجد شويا للحاجات هادو
وائل:يعني تبيني نبكي يا امي توا معقولا فيه ام متبيش ولدها يضحك لاه لاه متوقعتكش هك 😔
ام وائل:تعرف الضغط بيركبلي منك انت وبوك مفيش جد فحياتكم بكل 😔
وائل:والله مصارت كل شي الا زعلك بس بنقولك راي ومستحيل نغيرا 😌
ام وائل:تي احكي
وائل:انا مستحيل ناخد هديكا الثقالة الدم ولا نبي ناسبهم لا هيا ولا امها 😷
ام وائل:(ضرباتة مرة تانية علي كتفا)تي تحشم يا ولد عيب اعليك تتكلم علي خالتك ره
وائل:ميهمنيش من تكون انا مستحيل ناخدها ولو علي قطع رقبتي وبعدين انا نحب وحدة تانيا وقلبي رايدها هيا بس 😌
ام وائل:😞وكنك مقلتش من قبل
وائل:وشن يفرق انتي واخده عقلك هديكا الهبلة ومصكرة الدنيا كلها وقررتي وتم
ام وائل:بلا كدب انا مستحيل اندير هك كنت نحسابك متبيش تتزوج مش لان عندك وحدة وتفكر فيها 😒
وائل:به توا عرفتي
ام وائل:من هيا البنت
وائل:سلوى اخت مرت مروان 😌
ام وائل:حقا 😍ولدي طلع يعرف يختار
وائل:وانتي من وين تعرفيها ؟
ام وائل:شفتها فعرس مروان لما مشينا بناخدو لعروس مشاء الله حلوة هلبا والعيلة شكرتهم نجاة واجد 😍
وائل:وكنك مفكرتيش تاخديها لولدك وقتها ولا مشمتا فيا انت 😒
ام وائل:كنت نحسابها مخطوبة لان مستحيل وحدة بجمالها تقعد التوا مش واخدة حد
وائل:معناها موافقا تخطبيهالي 😌
ام وائل:اكيد هدا يفرحني 😍
وائل طار من الفرحة حس ان امه مستحيل توافق وحس ان صداقتا مع مروان قدمتلا احلا مساعدة واحلا هدية فحياتا كلا
أنت تقرأ
أنت قدري
Roman d'amourيلعب القدر لعبته كلعادة ويجمع بين قلبين في قصة حب جديدة وبطريقة اخرى سيشهد القدر الصعوبات التي ستقف في طريقهم وايضا سيشهد عن اجمل قصة حب قد حدثت وبطريقة حقا غريبة ❤