انت قدري ❤
الحلقة الخامسة️
مروان :نتمنى تلتزمي اكتر من المحاضرة الي فاتت 😒
انا: (في سري ) ياربي صبرني 😡،،،،،،،ان شاء الله ☺️
مروان:وين باقي الطلبة
انا: (في سري ) جعنك ماصكرت فمك ان شاء الله 😒👊🏻
مروان:نكلم فيك متسمعيش 😒
انا:جاين فطريق ☺️
المهم بدت المحاضرة طبعا انا نبي نطلع مليت راسي بينفجر عندي نيا نوض نعطيلا بوكس 👊🏻باش يسكت 😫😖
اخيراااااا كملت المحاضرة 😍طبعا جوي مش حلو بكل دارلي صداع وهوا يشرح نستنى نروح باش نرتاح 😴
سلوى:انا طالعا 😌
انا:ستني شويا نلم حاجاتي
سلوى :باااااي✋🏻
انا:طول عمرك هتقعدي حيوانة متشردة 😡
سلوى:الحيط وراك 😝
انا:انتلفي ولا يجيك كف تلاثي الأبعاد توا 😡
سلوى:ماشيا بدون كلامك 😝👊🏻
مشت البقرة سلوى وانا مش عارفة شن جاني ساعة واني نلم فحاجاتي 😖
وطلعو كلهم وانا جيت بنطلع ودمممممم🤕😲
انا ومروان طلعنا في نفس الوقت وخشينا في بعض 😰
مروان:تي كنك انتي متقصدة تحرقيلي دمي نبي نعرف وين تبي توصلي 😡
انا:وانت كنك تشوفش قدامك 😡
مروان: ومزال تعلي في صوتك بعد الي درتيه 😡
انا:تي شن تحساب روحك توم كروز بنقتل روحي عليك خلاص زودتها وانت شادها وراي 😡
مروان :لسانك طويل ويبي قص نسيتي ان انا أستاذك ومن قالك ان انا نبي تطلعي قدامي ولا نشوف وجهك أصلا 😡
انا: وتكون يعني أستاذ ولا دكتور ولا حتى حيط ،،خشيت فيا ومزال تكشخ اعليا ،،وانا منسكتش وبندافع علي روحي كان مش عاجبك تمام 😒👊🏻
مروان:نكشخ لأنك عميا ومتشوفيش قدامك ان شاء الله طيحي تتكسري لكن وانتي بعيدة عليا فاهما 😡
انا:حقا سبحان الله انا ميتا علي خاطر نطيح قدامك ولا جنبك ،،ديرش ثقة في روحك نشوف فيك أستاذ فقط 😒
مروان:تقدريش تفكري غير هكي أصلا 😏👊🏻هي وخري مش ناقصك 😒
انا:الطريق مفتوحا قدامك من شادك ااااا ايوه قبل ما ننسى لو تبي تصقدني فالمادة عنديش مشكلة دير الي يعجبك 😏👊🏻
مروان:الحركات هادو مش حركاتي نقدر نتفاهم معاك بأسلوب تاني غير الأسلوب هذا وانا مندخلش مشاكلي في حياتي المهنية ومتكتريش الدور معاي 😏👊🏻
ومشى وخلاني 😡
انا: مغرور ان شاءالله ينقطع اللسانك وتنكسر ركبتك وخشمك الي رافعهم فوق 😡👊🏻ماما:آلو
نجاة: ايوا معاي مريم
ماما:اها معاك مريم تفضلي
نجاة :كيف حالك يامريم عاش من سمع صوتك انا نجاة 😍
ماما:نجاة كيف حالك وحال صالح والصغار ان شاء الله بخير كلكم
نجاة:الحمد الله كويسين كلنا والبنات ان شاء الله كويسات اكيد كبرو هلبا 😍
ماما:اها كبرو ولمار بتتزوج قريب
نجاة :مشاء الله ربي يتمملها علي خير ان شاء الله
مريم:سلمك ❤️كيف حال مروان ولبنات
نجاة : بخير الحمد الله
مريم :لينا فترة متلاقيناش والله رايفت علي ايام زمان
نجاة :عندك حق ايام ميتعوضوش
مريم :تفضلو عندنا نتلاقو ونذكرو مع بعض ايام زمان ويتعرفو الصغار علي بعض
نجاة :حاضر توا نشوف ونرد اعليك 😍❤️
ماما:لازم تجو نتشرفو بيكم
نجاة :ان شاء الله
أنت تقرأ
أنت قدري
Romanceيلعب القدر لعبته كلعادة ويجمع بين قلبين في قصة حب جديدة وبطريقة اخرى سيشهد القدر الصعوبات التي ستقف في طريقهم وايضا سيشهد عن اجمل قصة حب قد حدثت وبطريقة حقا غريبة ❤