#الايام_ما_ترحمش
☘🍃حلقات الكاتبه زهور جمال الدين 🍃☘
تحت عنوان 👈#جنان_حوشنا
واخيرا وليس اخرا 👇👇
❣الحلقه الرابعه❣
والاخيرة
-هاجر : الو
-مصطفى : توة معقولة هكى تخلينى مشغول عليك
هاجر محتاجه لاى صدر حنون ..وكلام مصطفى حرك فيها المشاعر ..واهتمامه بيه زاده اكثر
-هاجر: ربي مايشغلك على حبيب..واللع مجروحه .. ربي مايوريك انشاللع .. عادى هيا ايام وتمر
-مصطفى : برغم هدا كله متخلينيش ندور عليك ونخمم وانتى لا معدلة ولا تردى
-هاجر تبكى : راهو ولدى ..كبدى دابت بموته..غير ياريتنى سمعت منه كلمت ماما قبل مايموت
-مصطفى : سيورك اتجيبي غيره وتعيي من كلمه يا ماما
-هاجر: بالله يا مصطفى خلينى فى حالى
-مصطفى : وانا نبيك تشكى وتفضفضى ..مانبيكش تقعدى مكبوته ..حتى هبة اللى كنتى تشكيلها سافرت
-هاجر تبكى: هبة حتى هيا صاير فيها فالغربة بعد ماسمعت بعبدو مات ..تتصل كل يوم وتبكى
-مصطفى : غدوة تبدا قرايتك ولا ...لازم تمشى
-هاجر تبكى: مستحيل ..مستحيل مزال نقدر نعيش
-مصطفى : انتى توة حياتك بدت ..انتى توة خضتى التحدى صح ولازم اتكمليه ...
واستمرو يحكو فالتليفون من الساعه 10 للساعه 1 فالليل لين قطع عليهم الرصيد
واقتنعت هاجر ان هدا قضاء الله ..ووعدت مصطفى انها الصبح بتمشى للكليه ...
وبالفعل ثانى يوم مشت للكليه جوها بنات القسم كلهم جوها عزوها وواسوها
قيس الساعه 2 طلعت هاجر من المحاضرة بتروح ..تشوف فى مصطفى واقف من بعيد
مشتله : اهلين مصطفى
-مصطفى : اهلا هاجر
-هاجر: شنو جايبك لكليتنا
-مصطفى : لا والله صديق اتصل بيا يبي كريه عنده حاجه يبي يوصلها
-هاجر: اهاا !!... باهى ربي يوفقك ..نستادنك توة
ومشت ...
ومصطفى يشبحلها ويخمم فى خاطره : انت لامتى بتقعد لوح هكى ..شن فيها كانك قلتلها انك جاى على خاطرها ...يالوح
__________________________
ومشت الايام والشهور ...
هاجر وقفت على خدمه المقروض لانها حزينه على ولدها وحالتها النفسيه تعبانه
ومصطفى معش عنده سبله يتلاقى معاها لانه موقفه توصيل الطلبات ...
وهيا نجحت فى هادكه السمستر وكان السمستر الثانى ..برغم كل الصعاب لكن نجحت وصفت موادها ..وخشت طول سمستر الثالث اللى بعده منغير عطلة ...
ونزلت 6 مواد ...
وتتفاجأ فى مادة تخدير موضعى ان المعيد اللى بيقريها فيا ...نفسه عصام اللى تعرفت عليه زمان فالفيس😳😳😳
بدت المحاضرات وبدو الطلبه يمشو ...وزبطها عصام ..ووقف عليها وفكرها بنفسه
-عصام : الله عالايام ..من قال انك تبدى الطالبه وانا الاستاد
-هاجر: الدنيا ياما تورى ...والايام مصعبها ماترحمش
-عصام : انا تزوجت
-هاجر: حتى انا تزوجت
-عصام : لكن انا طلقت وعندى بنت
-هاجر: وانا ترملت وكان عندى ولد ومات
عصام خشت دماغه طول ..وفرح انها خاضت تجربه زواج لانه كان مقرر ماياخدش بنية
-عصام : رقمك قاعد نفسه ولا غيرتيه
-هاجر: لا غيرته
-عصام : ممكن تعطيهولى
هاجر جى مصطفى بين عيونها معش تبى تفقد ثقته مرة ثانيه بعد كسبتها
-هاجر: بصراحة لا سامحنى
-انصدم عصام بردها: ياهاجر انا وانتى خضنا تجارب غلط واحنا فالاصل نعرفو بعض ..ومعجبين ببعض ..فمتحرمينيش الفرصه اللى حصلتها
-هاجر: شوف يا استاد ..هاجر زمان مش زى هاجر توة ..هاجر زمان خفيفه ...وهاجر توة مكسورة ...فالحالتين انا غلط وماننفعكش
-عصام : انا نقرر تنفعينى ولا ماتنفعينيش..هاتى رقمك
-هاجر: اسفه 😔.. نستادنك توة
-عصام : خودى راحتك توة ولنا حديث
